23 engol ätemwänin kow mi aümanau me rüe kow mi mongö seni lemäl, pwal ipükü sip lükün ekewe chia iter kasele me ropak, pwal chuko mi kitinup.
24 Salomon a nemeni unusen ewe fanü lotoun ewe chanpupu Oifrat, seni Tifsa tori Kasa, a pwal nemeni ekewe king meinisin mi nom lotoun ewe chanpupu Oifrat. Iwe, a wor an kinamwe ngeni ekewe mwü meinisin mi nom ünükün.
25 Lon unusen ränin manauen Salomon chon Juta me chon Israel ra nom lon kinamwe, seni Tan tori Persepa, eu me eu famili a nom fän püsin an irän wain me an irä fiik.
26 Mi pwal wor ükükün faik ngeröü lenien oris fän iten nöün Salomon oris mi nukei waan kewe woken me engol me ruungeröü chon wawa oris.
