1. King 4:1-7

¹Iwe, ewe king Salomon a nemeni unusen Israel.

²Ikkei ir nöün kewe meilap: Asaria nöün Satok we mwän i souasor mi lap.

³Elihoref me Ahia nöün Sisa kewe mwän ir seketeri, nge Jehosafat nöün Ahilut we mwän i chon makei pworausen ewe mwü.

⁴Penaia nöün Jehoiata we mwän i meilapen ewe mwichen sounfiu. Satok me Apiatar ir souasor.

⁵Asaria nöün Natan we mwän i meilapen ekewe kepina. Saput nöün Natan we mwän i souasor me nöün ewe king souöüröür.

⁶Ahisar i meilapen chon tümwünü imwen ewe king, nge Atoniram nöün Apta we mwän a wisen nemeni ewe mwichen chon angangen kinroosi.

⁷Iwe, Salomon a filätä engol me ruoman kepina, pwe repwe nemeni ekewe engol me ruu kinikinin fanü lon Israel. Ir ra wisen amongöni ewe king me chon leimwan, eman leir nge eu maram lon eu ier.