1. King 22:19-22

¹⁹Mikaia a sopwela le kapas, “Iei kopwe aüselinga alon ewe Samol mi Lapalap: Üa küna ewe Samol mi Lapalap pwe a mot won an lenien motun king, nge unusen ewe mwichen chon läng ra ütä ünükün.

²⁰Iwe, ewe Samol mi Lapalap a ais, ‘Iö epwe atupu Ahap pwe epwe feila o mäla lon Ramot-kiliat?’ Iwe, eman a apasa och, nge pwal eman a apasa och.

²¹Mürin, eman ngün a kaneto, a ü fän mesen ewe Samol mi Lapalap o üra, ‘Ngang üpwe atupu Ahap.’

²²Ewe Samol mi Lapalap a aisini, ‘Ren met?’ Ewe ngün a pälüeni, ‘Üpwe feila o föri pwe nöün kewe soufos meinisin repwe eäni kapas chofana.’ Iwe, Kot a üra, ‘En kopwe atupu Ahap, nge om angang epwe fisiöch. Kopwe feila o föri iei usun.’