19मिनु मीकायामी लोव़ तेम्शा “एको परमप्रभु यावे आ लोव़ नेनीन। गो परमप्रभु यावे आ स्वर्ग ङा गेय पाइब नेल्ल आन कली आ ग्युरा गे नु आ पेरा गे राप्पाइश्शा, परमप्रभु यावे आ नित्तीकेम बाक्शो ताता। २इतिहास १८:१८; अय्युब १:६; यसैया ६:१
20मिनु परमप्रभु यावेमी ‘आहाब कली रामोथ-गिलाद नु लडाइ पपाइश्शा, मेको कली साइक्पाइक्चा कली सुम क्युक्बा?’ देंत। मिनु काम लोव़ का पाप्तु, अर्कोम अर्को लोव़ पाप्तु।
21मिनु नोले का जाक्शा, परमप्रभु यावे आ ङोंइती राप्शा ‘गो मेको आ थुं क्याक्नुङ’ देंत। यसैया १९:१४
22मिनु परमप्रभु यावेमी मेको कली ‘दोपा?’ दे हिल्लो पाप्तु। मिनु मेकोमी ‘गो लशा मेको आ नोले दुम्ब लोव़ पाइब नेल्ल आन शोव़मी जोल पाइब सोक्त का दुम्नुङ’ देंत। मिनु परमप्रभु यावेम मेको कली ‘गे थमा पा मेको कली क्युक्ने चाप्नेवे। गे लावो। मिनु इ देंशो पावो’ देंत। १यूहन्ना ४:६
१ राजा 22
१ राजा 22:19-22