1Ma mà pãpãkɛnaa gɛ̃̀ á tɛ́, yã kũ a taka kú bee kifirinↄ tɛ́ sero. Ò pì, á gbɛ̃nↄ doke a de nↄ wɛ̀tɛ.
2Akũ átɛn ĩa dã yá? À kũ̀ á nɛ̀sɛɛ yaka, à gbɛ̃ kũ à yã pìi kɛ̀ bo á tɛ́.
3Bee tó má kú kãáoro, ma nini kú kãáo, akũ ma yãkpatɛ kɛ̀ kũ gbɛ̃ kũ à yã pìi kɛ̀ɛo gↄ̃̀nↄ lákũ ò pi má kú gwe bà.
4Tó a kↄ̃ kàkara, tó ó Dikiri Yesu gbãna kú kãáo, tó ma nini kú kãáo, à gbɛ̃ pì kpá Setanwa kũ ó Dikiri Yesu tↄ́o, de a dà kakatɛ, a nini le à bo aafia Dikiri sugↄrↄ zĩ.
6Á ĩadãna manaro. Á dↄ̃ kũ lùbɛnɛ fíti dì flawadɛna zↄ̃kↄ̃ sɛ́roo?
7À lùbɛnɛ zĩ kↄ́tɛ, á gↄ̃ flawa dufu ũ a lùbɛnɛɛ sari, lákũ à kↄ̃ sìo àgↄ̃ de nà, zaakũ Kirisi gà ó Vĩnla sãnɛ bↄ̀rↄ ũmɛ.
8A yã mɛ́ à tò ògↄ̃ kun Burodi Futɛnasari dikpɛkɛrinↄ ũ yãpura gũn kũ nɛ̀sɛpurao. Òsungↄ̃ kun lùbɛnɛ zĩ dikpɛkɛrinↄ ũ manafiki kũ yãvãnikɛnaao gũnlo.
9Takada kũ ma kɛ̃̀árɛ gũn ma pì, àsun kakara kũ pãpãkɛrinↄoro.
10Adi kɛ andunia dí pãpãkɛrinↄ ke wãkũdenↄ kũ gbɛ̃blerinↄ ke tãnagbagbarinↄnlo, zaakũ tó gbɛ̃ díkↄ̃nↄmɛ, séde áni bo andunia gũn.
11Oi, ma òárɛ gbɛ̃ kũ ò pì ó gbɛ̃mɛ, akũsↄ̃ à de pãpãkɛri ke wãkũde ke tãnagbagbari ke gbɛ̃yakari ke wɛ̃dɛri ke gbɛ̃bleri ũ, àsun kakara kãaoro, àsun ↄ kakara kãao sero.
12Ma bàka ũgba kũ yãgↄ̃gↄ̃na kũ Yesusaridenↄoo? Á zĩda gbɛ̃nↄ mɛ́ à kↄ̃ sìo à yã gↄ̃gↄ̃ kũńworoo?
13Luda mɛ́ ani yãkpatɛ kɛ kũ Yesusaridenↄo. À gbɛ̃ vãni pì bo á tɛ́.
