1 ፂምቶሳ 3

1

2

3

4

5

6

¹“ኦኒካ ዎሳ ኬꬃ ጪማ ጊዳና ኮይኮ ሎዖ ኦሶ ኣሞቴስ” ጊዛ ቃላይ ቱማ።

²ሄሳ ጊዲኮ ዎሳ ኬꬄ ካሌꬂዛዴይ ቦሬይ ባይንዳዴ፤ ኢሲ ማቻ ዲዛ ኣዴ፤ ጊናራ ዲዛዴ፤ ባና ሃሪዛዴ፤ ዎጋራ ኣቂዛዴ፤ ኢማꬅ ሞኪዛዴ፤ ታማርሳናስ ዳንዳዪዛዴ፤

³ማꬆቶንታዴ፥ ኦሽ ኦዬቶንታዴ፥ ቃስ ማራጌ ኣስ፥ ኣሳራ ፓላሜቶንታዴ፥ ሚሽ ጎዶንታዴ፥ ጊዳናስ ቤሴስ።

⁴ባ ናይታ ኣዛዜቲዛይታኔ ኣስ ቦንቺዛይታ ሂስቲ ዲቺዲ ባ ኬꬃ ኣሳ ዎጋራ ኣይሲዛዴ ጊዳናስ ቤሴስ።

⁵ኢሳዴይ ባ ኬꬃ ኣሳ ዎጋራ ኣይሶ ኤሮንታ ኣጊኮ ፆሳ ዎሳ ኬꬄ ዎስቲ ናጋና ዳንዳዪዜ?

⁶ኦቶሬቴꬃን ፑርዲ ፃላዔይ ኩንዲዳ ፒርዳን ኢዚ ኩንዶንታ ማላ ኦራꬅ ኣማኒዛዴ ጊዶፖ።

⁷ቃሴካ ኢዛ ሱንꬃን ቦሬቶንታ ማላኔ ፃላዔ ናርፃን ኢዚ ጌሎንታ ማላ ኣማኖንታ ኣሳ ኣቻን ሎዖ ማርካቴꬅ ዳናስ ኮሼስ።

⁸ዳቆኔቲካ ሄሳꬆ ቦንቼቲዳይታኔ ባ ጊዳ ቃላ ላሚ ላሚ ዬጎንታይታ፥ ዳሮ ዎይኔ ኡሻስ ኣሞቶንታይታ፥ ኦጌይ ባይንዳ ጎዓ ጎዶንታይታ ጊዳናስ ቤሴስ።

⁹ኣማኖ ፁራ፥ ሎዖ ቆፋራ ናጋናስ ቤሴስ።

¹⁰ሃይታንቲካ ኮይሮቲ ፓጬቴቶ። ኢሲ ኢታይ ኢስታ ቦላ ቤቶንታ ኣጊኮ ሄሳፌ ጉዬ ዳቆኔቴꬃን ኦꬄቶ።

¹¹ማጫ ዳቆኔቲካ ቦንቼቲዳይታ፥ ዚጊሮንታይታ፥ ቃስ ዎጋራ ዲዛይታ፥ ሃኖ ኡባን ኣማኔቲዳይታ ጊዳናስ ቤሴስ።

¹²ዳቆኔቲ ኢሲ ማች ኣዴ ጊዳናስ ቤሴስ። ቃሴካ ባ ናይታኔ ባ ኬꬃ ኣሳ ዎጋራ ኣይሲዛይታ ጊዳናስ ቤሴስ።

¹³ዎጋራ ኦꬂዳይቲ ኤራይስ ጊታ ቦንቾኔ ዬሱስ ኪርስቶሳን ኢስታስ ዲዛ ኣማኖን ዳሮ ፃላቴꬅ ዴማና።

¹⁴ታ ኔኮ ኤሌ ባና ኮይኮካ ሃይታ ኣዛዞታ ኔስ ፃፋይስ።

¹⁵ታ ሃኖ ኔስ ፃፊዛይ ታ ጋምዒዛ ጊዲኮካ ኣሳይ ፆሳ ኬꬃን ዋኒ ዳናኮኔ ኔ ኤራና ማላ ጋዳኮ! ኬꬃይ ዴዖ ፆሳ ዎሳ ኬꬃ፤ ሄሲካ ቱሙ ቱሲኔ ፃጶ።

¹⁶ቱሙ ኣያና ዱሳ ፁራይ ሲꬌይ ባይንዳ ጊታ፤ ኢዚካ “ኣሴ ጊዲዴስ፤ ኢዛ ፂሎቴꬂ ፂሎ ኣያናን ቆንጪዴስ፤ ኪታንቻታስ ቤቲዴስ፤ ዴሬ ኡባስ ሳባኬቲዴስ፤ ኣላሜን ዲዛይታን ኣማኔቲዴስ፤ ቦንቾራ ፑዴ ዴንዲ ቢዴስ” ጊዛይሳ።