48ᤕᤜᤢᤍᤡᤜᤠ᤹ᤖᤧ ᤕᤧᤛᤢ᤺ᤴ ᤏᤥᤃᤵ ᤔᤧᤒᤡᤖᤢ. “ᤂᤧᤏᤧ᤹ ᤛᤠᤔᤖᤡ ᤛᤢᤘᤠᤱᤒᤠᤏᤧ ᤜᤧᤰᤁᤩᤠᤱ ᤂᤧᤏᤧ᤹ ᤑᤧᤴᤛᤠᤶᤔᤡᤸᤗᤧ ᤁᤧᤍᤖᤧᤀᤠᤱ ᤘᤠ᤹ ᤑᤠ᤹ᤀᤠᤱ ᤀᤠᤏᤡᤃᤧ ᤐᤠ᤺ᤳᤋᤢᤶᤒᤧᤒᤠ ᤐᤠ᤺ᤴᤏᤡᤴ ᤛᤧᤰᤂᤠᤀᤣᤖᤥ॥”
49ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ᤃ ᤑᤧᤴᤛᤠᤶᤔᤡᤸᤗᤧ ᤔᤧᤴᤕᤠᤱᤅᤣ ᤘᤠ᤹ᤀᤠᤖᤥ॥ ᤀᤡᤱᤃᤠ᤹ ᤐᤠᤏᤢᤍᤡᤱ ᤀᤠᤶᤒᤠ᤺ᤴ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤖᤢᤱ. ᤁᤖ ᤂᤡᤏᤡ᤹ᤃ ᤀᤡᤱᤃᤠ᤹ ᤀᤡᤱᤎᤠ᤺ᤱ ᤕᤠᤵᤔᤡ ᤁᤧᤶᤒᤡᤖᤡᤴᤗᤥ॥
50ᤀᤡᤱᤃᤠ᤹ᤃ ᤀᤠᤵᤑᤣ᤺ᤰ ᤀᤠᤔᤡᤔᤡᤍᤡᤱᤅᤡᤴ ᤔᤧᤃᤥ᤺ᤳᤋᤢᤱᤅᤡᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤔᤡᤔᤡᤍᤡᤱᤅᤡᤴ ᤁᤥ᤺ᤳᤋᤢ᤹. ᤜᤧᤰᤁᤩᤠᤱ ᤂᤢᤏᤧ᤹ᤀᤣ ᤂᤠᤛᤧᤴᤗᤥ᤺ᤶᤒᤠᤖᤥ॥
51ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤀᤠᤳᤋᤡᤸᤗᤧ ᤀᤠᤏᤡᤛᤠᤶᤔᤡᤴ ᤀᤡ᤺ᤳᤋᤢ ᤏᤠ᤺ᤳᤋᤢ᤹. ᤂᤧᤴ ᤀᤠᤵᤑᤠᤸᤗᤧᤀᤠᤱ ᤔᤧᤛᤡ᤺ᤏᤧᤴᤗᤥ॥”
52ᤜᤧᤰᤁᤣ᤺ᤸᤗᤧ ᤕᤜᤢᤍᤡᤜᤠ᤹ᤖᤧ ᤂᤢᤏᤧ᤹ ᤔᤧᤔᤧᤳᤋᤢ. “ᤀᤠᤸᤗ ᤂᤧᤏᤧ᤹ ᤛᤧᤰᤂᤠᤀᤣ ᤑᤧᤴᤛᤠᤶᤔᤡᤸᤗᤧ ᤁᤧᤕᤠᤱᤄᤧᤀᤠᤱ ᤁᤧᤘᤠ᤹ ᤁᤧᤗ᤹ᤒᤠᤴ ᤁᤢᤛᤡᤱ ᤏᤡ᤺ᤳᤋᤢᤶᤒᤧᤖᤥ॥ ᤌᤣᤀᤠᤱᤓᤧᤸᤗᤧ ᤀᤒᤪᤠᤜᤠᤶᤔᤡᤴ ᤏᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤁᤠᤰ ᤔᤧᤛᤩᤧ ᤔᤧᤄᤧᤖᤧ. ᤁᤖ ᤂᤧᤏᤧ᤹. ᤀᤠᤳᤋᤡᤸᤗᤧ ᤀᤡᤱᤃᤠ᤹ ᤀᤠᤏᤡᤛᤠᤶᤔᤡᤴ ᤀᤡ᤺ᤳᤋᤢ ᤏᤠ᤺ᤳᤋᤢ᤹. ᤂᤧᤴ ᤀᤠᤵᤑᤠᤸᤗᤧᤀᤠᤱ ᤔᤧᤛᤡ᤺ᤏᤧᤴᤗᤥ ᤗ᤹ᤖᤡᤰ ᤁᤧᤒᤠ᤺ᤳᤋᤢ᤹ᤖᤥ॥
ᤕᤢᤜᤢᤴᤏᤠ 8
ᤕᤢᤜᤢᤴᤏᤠ 8:48-52