25ኣባፌ ሄ ፒንꬃን ኢዛ ዴሚዲ “ኣስታማሬ! ኔ ኣይዴ ሃይሳ ያዲ?” ጊዳ።
26ዬሱሲካ ኢስታስ “ታ ኢንቴስ ቱማ ጋይስ ኢንቴ ታና ኮዪዛይ ካꬅ ሚ ካሊዳ ጊሽ ኣቲን ማላታ ቤዪዳ ጊሽ ጊዴና።
27ꬋያና ካꬃስ ኦꬆፍቴ። ጊዶ ኣቲን ሄሳፌ ኣꬂዲ ፆሳ ኣዋይ ኣማንꬂዛ ማታሜ ኢዛ ቦላ ሾጪዳ ጊሽ ኣሳ ናይ ኢንቴስ ኢሚዛ ሜርና ዴዖስ ጊዲዛ ካꬃስ ኦꬂቴ” ጊዴስ።
28ኢስቲካ ኢዛ “ሂስቲን ፆሳ ኦሶ ኦꬃናስ ኑ ኣይ ኦꬂኖ?” ጊዳ።
29ዬሱሲካ “ፆሳ ኦሶይ ፆሲ ኪቲዳ ኢዛ ናዛን ኣማኖ” ጊዲ ኢስታስ ዛሪዴስ።
30ኢስቲካ ኢዛስ “ኑ ቤዪዲ ኔና ኣማናና ማላ ኔ ኑና ኣይ ማላታ ቤሳኔ? ቃሴካ ኣይ ኦꬃኔ?
31‘ኢስቲ ማና ማላ ኢስታስ ቁማ ሳሎፔ ኢሚዴስ’ ጌቴቲ ፃፌቲዳ ማላ ካሴ ኑ ኣዋቲ ባዞ ቢታን ማና ጌቴቲዛ ካꬅ ሚዳ” ጊዳ።
ዮሃኒሳ 6
ዮሃኒሳ 6:25-31