20ኢታ ኦꬂዛዴይ ዉሪካ ፖዖ ዶሴና። ኢዚ ኦꬂዛ ኢታ ኦሶይ ቆንጪ ኬዞንታ ማላ ኢዚ ባ ሁዔስ ፖዖይ ዲዛሶ ኬዜና።
21ቱሙ ኦꬂዛዴይ ጊዲኮ ፖዖይ ዲዛሶ ዬስ። ኢዚ ፖዖይ ዲዛሶ ዪዛ ጋሶይ ፆሳ ኣዛዞ ማላ ኢዚ ኦꬂዳ ኦሶይ ቆንጫና ማላሳ” ጊዴስ።
22ሄሳፌ ካሊዲ ዬሱሲ ባና ካሊዛይታራ ዩሁዳ ዴሬ ቢዴስ፤ ሄንካ ኣሳ ፃማቂሼ ኢስታራ ጉꬃ ዎዴ ጋምዒዴስ።
23ሄ ዎዴ ሳሊሜ ኣቻን ሄኖኔ ጌቴቲዛሶን ዳሮ ሃꬂ ዲዛ ጊሽ ዮሃኒሲ ኣሳ ፃማቂሺን ኣሲካ ኢዛኮ ቢዲ ፃማቄቲዴስ።
24ሄሳ ዎዴ ዮሃኒሲ ቡሮ ቃሾ ኬꬄ ጌሊቤና።
25ሄ ዎዴ ዮሃኒሳ ካሊዛይታ ጊዶኒኔ ኢሲ ኢሲ ኣይሁዳ ኣሳታ ጊዶን ኣይሁዳታ ጌሾ ዎጋ ጊሽ ጊታ ፓላማይ ዴንዲዴስ።
26ዮሃኒሳ ካሊዛይቲ ኢዛኮ ሺቂዲ “ኣስታማሬ! ኔናራ ዮርዳኖሴ ሻፋ ፒንꬃን ኢሲፌ ዲሺን ኔ ኢዛ ጊሽ ማርካቶ ኣዴዚ ሄኮ ፃማቄስ፤ ኣሲካ ኢዛኮ ቤስ” ጊዳ።
27ዮሃኒሲካ ኢስታስ “ኦናስካ ፆሳፌ ኢሜቶንታ ዲሺን ኣይኮይካ ዳና ዳንዳዬና።
28“ታኒ ኢዛፔ ሲንꬃታ ኪቴታዲስ ኣቲን ያና ጊዳ ኪርስቶሲ ታና ግዲኬ’ ጋዳ ታ ኢንቴስ ዮቶይሳስ ኢንቴ ኢንቴ ሁዔራ ታ ማርካታ።
ዮሃኒሳ 3
ዮሃኒሳ 3:20-28