ዬሱሲ ኪቴዳዋንቱ ኦሱዋ 11:4-13

⁴ሺን ጴፂሮሲ ሃኔዳዋ ኮይሩዋፔ ዶሚዴ፥ ማራን ማራን ሃዋዳን ያጊዴ ኦዴዳ፤

⁵«ታኒ ዮጴ ካታማን ፆሳ ዎሲሺን፥ ታኒ ኣያናኒ ጊዳዴ ሳፃ ቤዓዲ፤ ዎልቃማ ማዩዋ ማላቲያዌ ኦይዱ ባጋና ኦይቄቲዴ፥ ሳሉዋፔ ዎꬊዴ፥ ታኮ ዬዳ።

⁶ሄዋ ጊዱዋ ታኒ ጫዳ ፄሊያ ዎዴ፥ ኦይዱ ጌዲ ዴዒያ ሜሂያ፥ ዱዓ፥ ሾሻ፥ ዛሪያኔ ካፉዋ ቤዓዲ።

⁷ቃሲ፥ ‹ጴፂሮሳ፥ ዴንዳ፤ ሹካ ማ› ጊያ ቃላ ታኒ ሲሳዲ።

⁸«ሺን ታኒ፥ ‹ታ ጎዳው፥ ሃኔና! ቱናባይ ዎይ ሼኔዪያባይ ኡባካ ታ ዶናኮ ሺቂ ኤሬና› ጋዲ።

⁹«ቃላይ ሳሉዋፔ ላዔꬁዋካ፥ ‹ፆሳይ ጌሼዳዋ ኔኒ ቱና ጎፓ› ያጊዴ ታው ዛሬዳ።

¹⁰«ሄዌ ሄዙ ጌዴ ሃኒና፥ ዉርሴꬃን ኡባባይ ሳሉዋ ፑዴ ጎሼቴዳ።

¹¹ሄ ማንዒያንካ ሄዙ ኣሳቱ ቂሳሪያፔ ታኮ ኪቴቲዴ፥ ታኒ ዴዒያ ጎሊያ ጋኪ ኣጌዲኖ።

¹²ታኒካ ሲꬌናኒ ኡንቱንቱና ባና ማላ፥ ጌሻ ኣያናይ ታው ኦዴዳ። ቃሲ ሃ ኡሱፑን ኢሻቱ ዮጴፔ ታናና ቂሳሪያ ቢና፥ ኑኒ ቆርኔሊዮሳ ሶይ ጌሌዶ።

¹³ኪታንቻይ ባሬ ሶዪን ኤቂዴ ባሬና፥ ‹ጴፂሮሳ ጌቴቲያ ሲሞና ፄሳናው ኣሳ ዮጴ ኪታ፤ ኔኒኔ ኔ ጎሌ ኣሳይ ኡባይ ኣቲያ ቃላ ኢ ኔው ኦዳናዋ› ጌዳዋ ቆርኔሊዮሲ ዎቲ ሲሴዴንቶ፥ ኑሲ ኦዴዳ።