ལཱུཀཿ 11:2-49

²ཏསྨཱཏ྄ ས ཀཐཡཱམཱས, པྲཱརྠནཀཱལེ ཡཱུཡམ྄ ཨིཏྠཾ ཀཐཡདྷྭཾ, ཧེ ཨསྨཱཀཾ སྭརྒསྠཔིཏསྟཝ ནཱམ པཱུཛྱཾ བྷཝཏུ; ཏཝ རཱཛཏྭཾ བྷཝཏུ; སྭརྒེ ཡཐཱ ཏཐཱ པྲྀཐིཝྱཱམཔི ཏཝེཙྪཡཱ སཪྻྭཾ བྷཝཏུ།

³པྲཏྱཧམ྄ ཨསྨཱཀཾ པྲཡོཛནཱིཡཾ བྷོཛྱཾ དེཧི།

⁴ཡཐཱ ཝཡཾ སཪྻྭཱན྄ ཨཔརཱདྷིནཿ ཀྵམཱམཧེ ཏཐཱ ཏྭམཔི པཱཔཱནྱསྨཱཀཾ ཀྵམསྭ། ཨསྨཱན྄ པརཱིཀྵཱཾ མཱནཡ ཀིནྟུ པཱཔཱཏྨནོ རཀྵ།

⁵པཤྩཱཏ྄ སོཔརམཔི ཀཐིཏཝཱན྄ ཡདི ཡུཥྨཱཀཾ ཀསྱཙིད྄ བནྡྷུསྟིཥྛཏི ནིཤཱིཐེ ཙ ཏསྱ སམཱིཔཾ ས གཏྭཱ ཝདཏི,

⁶ཧེ བནྡྷོ པཐིཀ ཨེཀོ བནྡྷུ རྨམ ནིཝེཤནམ྄ ཨཱཡཱཏཿ ཀིནྟུ ཏསྱཱཏིཐྱཾ ཀརྟྟུཾ མམཱནྟིཀེ ཀིམཔི ནཱསྟི, ཨཏཨེཝ པཱུཔཏྲཡཾ མཧྱམ྄ ཨྲྀཎཾ དེཧི;

⁷ཏདཱ ས ཡདི གྲྀཧམདྷྱཱཏ྄ པྲཏིཝདཏི མཱཾ མཱ ཀླིཤཱན, ཨིདཱནཱིཾ དྭཱརཾ རུདྡྷཾ ཤཡནེ མཡཱ སཧ བཱལཀཱཤྩ ཏིཥྛནྟི ཏུབྷྱཾ དཱཏུམ྄ ཨུཏྠཱཏུཾ ན ཤཀྣོམི,

⁸ཏརྷི ཡུཥྨཱནཧཾ ཝདཱམི, ས ཡདི མིཏྲཏཡཱ ཏསྨཻ ཀིམཔི དཱཏུཾ ནོཏྟིཥྛཏི ཏཐཱཔི ཝཱརཾ ཝཱརཾ པྲཱརྠནཱཏ ཨུཏྠཱཔིཏཿ སན྄ ཡསྨིན྄ ཏསྱ པྲཡོཛནཾ ཏདེཝ དཱསྱཏི།

⁹ཨཏཿ ཀཱརཎཱཏ྄ ཀཐཡཱམི, ཡཱཙདྷྭཾ ཏཏོ ཡུཥྨབྷྱཾ དཱསྱཏེ, མྲྀགཡདྷྭཾ ཏཏ ཨུདྡེཤཾ པྲཱཔྶྱཐ, དྭཱརམ྄ ཨཱཧཏ ཏཏོ ཡུཥྨབྷྱཾ དྭཱརཾ མོཀྵྱཏེ།

¹⁰ཡོ ཡཱཙཏེ ས པྲཱཔྣོཏི, ཡོ མྲྀགཡཏེ ས ཨེཝོདྡེཤཾ པྲཱཔྣོཏི, ཡོ དྭཱརམ྄ ཨཱཧནྟི ཏདརྠཾ དྭཱརཾ མོཙྱཏེ།

¹¹པུཏྲེཎ པཱུཔེ ཡཱཙིཏེ ཏསྨཻ པཱཥཱཎཾ དདཱཏི ཝཱ མཏྶྱེ ཡཱཙིཏེ ཏསྨཻ སརྤཾ དདཱཏི

¹²ཝཱ ཨཎྜེ ཡཱཙིཏེ ཏསྨཻ ཝྲྀཤྩིཀཾ དདཱཏི ཡུཥྨཱཀཾ མདྷྱེ ཀ ཨེཏཱདྲྀཤཿ པིཏཱསྟེ?

¹³ཏསྨཱདེཝ ཡཱུཡམབྷདྲཱ ཨཔི ཡདི སྭསྭབཱལཀེབྷྱ ཨུཏྟམཱནི དྲཝྱཱཎི དཱཏུཾ ཛཱནཱིཐ ཏརྷྱསྨཱཀཾ སྭརྒསྠཿ པིཏཱ ནིཛཡཱཙཀེབྷྱཿ ཀིཾ པཝིཏྲམ྄ ཨཱཏྨཱནཾ ན དཱསྱཏི?

¹⁴ཨནནྟརཾ ཡཱིཤུནཱ ཀསྨཱཙྩིད྄ ཨེཀསྨིན྄ མཱུཀབྷཱུཏེ ཏྱཱཛིཏེ སཏི ས བྷཱུཏཏྱཀྟོ མཱནུཥོ ཝཱཀྱཾ ཝཀྟུམ྄ ཨཱརེབྷེ; ཏཏོ ལོཀཱཿ སཀལཱ ཨཱཤྩཪྻྱཾ མེནིརེ།

¹⁵ཀིནྟུ ཏེཥཱཾ ཀེཙིདཱུཙུ རྫནོཡཾ བཱལསིབཱུབཱ ཨརྠཱད྄ བྷཱུཏརཱཛེན བྷཱུཏཱན྄ ཏྱཱཛཡཏི།

¹⁶ཏཾ པརཱིཀྵིཏུཾ ཀེཙིད྄ ཨཱཀཱཤཱིཡམ྄ ཨེཀཾ ཙིཧྣཾ དརྴཡིཏུཾ ཏཾ པྲཱརྠཡཱཉྩཀྲིརེ།

¹⁷ཏདཱ ས ཏེཥཱཾ མནཿཀལྤནཱཾ ཛྙཱཏྭཱ ཀཐཡཱམཱས, ཀསྱཙིད྄ རཱཛྱསྱ ལོཀཱ ཡདི པརསྤརཾ ཝིརུནྡྷནྟི ཏརྷི ཏད྄ རཱཛྱམ྄ ནཤྱཏི; ཀེཙིད྄ གྲྀཧསྠཱ ཡདི པརསྤརཾ ཝིརུནྡྷནྟི ཏརྷི ཏེཔི ནཤྱནྟི།

¹⁸ཏཐཻཝ ཤཻཏཱནཔི སྭལོཀཱན྄ ཡདི ཝིརུཎདྡྷི ཏདཱ ཏསྱ རཱཛྱཾ ཀཐཾ སྠཱསྱཏི? བཱལསིབཱུབཱཧཾ བྷཱུཏཱན྄ ཏྱཱཛཡཱམི ཡཱུཡམིཏི ཝདཐ།

¹⁹ཡདྱཧཾ བཱལསིབཱུབཱ བྷཱུཏཱན྄ ཏྱཱཛཡཱམི ཏརྷི ཡུཥྨཱཀཾ སནྟཱནཱཿ ཀེན ཏྱཱཛཡནྟི? ཏསྨཱཏ྄ ཏཨེཝ ཀཐཱཡཱ ཨེཏསྱཱ ཝིཙཱརཡིཏཱརོ བྷཝིཥྱནྟི།

²⁰ཀིནྟུ ཡདྱཧམ྄ ཨཱིཤྭརསྱ པརཱཀྲམེཎ བྷཱུཏཱན྄ ཏྱཱཛཡཱམི ཏརྷི ཡུཥྨཱཀཾ ནིཀཊམ྄ ཨཱིཤྭརསྱ རཱཛྱམཝཤྱམ྄ ཨུཔཏིཥྛཏི།

²¹བལཝཱན྄ པུམཱན྄ སུསཛྫམཱནོ ཡཏིཀཱལཾ ནིཛཱཊྚཱལིཀཱཾ རཀྵཏི ཏཏིཀཱལཾ ཏསྱ དྲཝྱཾ ནིརུཔདྲཝཾ ཏིཥྛཏི།

²²ཀིནྟུ ཏསྨཱད྄ ཨདྷིཀབལཿ ཀཤྩིདཱགཏྱ ཡདི ཏཾ ཛཡཏི ཏརྷི ཡེཥུ ཤསྟྲཱསྟྲེཥུ ཏསྱ ཝིཤྭཱས ཨཱསཱིཏ྄ ཏཱནི སཪྻྭཱཎི ཧྲྀཏྭཱ ཏསྱ དྲཝྱཱཎི གྲྀཧླཱཏི།

²³ཨཏཿ ཀཱརཎཱད྄ ཡོ མམ སཔཀྵོ ན ས ཝིཔཀྵཿ, ཡོ མཡཱ སཧ ན སཾགྲྀཧླཱཏི ས ཝིཀིརཏི།

²⁴ཨཔརཉྩ ཨམེདྷྱབྷཱུཏོ མཱནུཥསྱཱནྟརྣིརྒཏྱ ཤུཥྐསྠཱནེ བྷྲཱནྟྭཱ ཝིཤྲཱམཾ མྲྀགཡཏེ ཀིནྟུ ན པྲཱཔྱ ཝདཏི མམ ཡསྨཱད྄ གྲྀཧཱད྄ ཨཱགཏོཧཾ པུནསྟད྄ གྲྀཧཾ པརཱཝྲྀཏྱ ཡཱམི།

²⁵ཏཏོ གཏྭཱ ཏད྄ གྲྀཧཾ མཱརྫིཏཾ ཤོབྷིཏཉྩ དྲྀཥྚྭཱ

²⁶ཏཏྐྵཎམ྄ ཨཔགཏྱ སྭསྨཱདཔི དུརྨྨཏཱིན྄ ཨཔརཱན྄ སཔྟབྷཱུཏཱན྄ སཧཱནཡཏི ཏེ ཙ ཏདྒྲྀཧཾ པཝིཤྱ ནིཝསནྟི། ཏསྨཱཏ྄ ཏསྱ མནུཥྱསྱ པྲཐམདཤཱཏཿ ཤེཥདཤཱ དུཿཁཏརཱ བྷཝཏི།

²⁷ཨསྱཱཿ ཀཐཱཡཱཿ ཀཐནཀཱལེ ཛནཏཱམདྷྱསྠཱ ཀཱཙིནྣཱརཱི ཏམུཙྩཻཿསྭརཾ པྲོཝཱཙ, ཡཱ ཡོཥིཏ྄ ཏྭཱཾ གརྦྦྷེ྅དྷཱརཡཏ྄ སྟནྱམཔཱཡཡཙྩ སཻཝ དྷནྱཱ།

²⁸ཀིནྟུ སོཀཐཡཏ྄ ཡེ པརམེཤྭརསྱ ཀཐཱཾ ཤྲུཏྭཱ ཏདནུརཱུཔམ྄ ཨཱཙརནྟི ཏཨེཝ དྷནྱཱཿ།

²⁹ཏཏཿ པརཾ ཏསྱཱནྟིཀེ བཧུལོཀཱནཱཾ སམཱགམེ ཛཱཏེ ས ཝཀྟུམཱརེབྷེ, ཨཱདྷུནིཀཱ དུཥྚལོཀཱཤྩིཧྣཾ དྲཥྚུམིཙྪནྟི ཀིནྟུ ཡཱུནསྦྷཝིཥྱདྭཱདིནཤྩིཧྣཾ ཝིནཱནྱཏ྄ ཀིཉྩིཙྩིཧྣཾ ཏཱན྄ ན དརྴཡིཥྱཏེ།

³⁰ཡཱུནས྄ ཏུ ཡཐཱ ནཱིནིཝཱིཡལོཀཱནཱཾ སམཱིཔེ ཙིཧྣརཱུཔོབྷཝཏ྄ ཏཐཱ ཝིདྱམཱནལོཀཱནཱམ྄ ཨེཥཱཾ སམཱིཔེ མནུཥྱཔུཏྲོཔི ཙིཧྣརཱུཔོ བྷཝིཥྱཏི།

³¹ཝིཙཱརསམཡེ ཨིདཱནཱིནྟནལོཀཱནཱཾ པྲཱཏིཀཱུལྱེན དཀྵིཎདེཤཱིཡཱ རཱཛྙཱི པྲོཏྠཱཡ ཏཱན྄ དོཥིཎཿ ཀརིཥྱཏི, ཡཏཿ སཱ རཱཛྙཱི སུལེམཱན ཨུཔདེཤཀཐཱཾ ཤྲོཏུཾ པྲྀཐིཝྱཱཿ སཱིམཱཏ ཨཱགཙྪཏ྄ ཀིནྟུ པཤྱཏ སུལེམཱནོཔི གུརུཏར ཨེཀོ ཛནོ྅སྨིན྄ སྠཱནེ ཝིདྱཏེ།

³²ཨཔརཉྩ ཝིཙཱརསམཡེ ནཱིནིཝཱིཡལོཀཱ ཨཔི ཝརྟྟམཱནཀཱལིཀཱནཱཾ ལོཀཱནཱཾ ཝཻཔརཱིཏྱེན པྲོཏྠཱཡ ཏཱན྄ དོཥིཎཿ ཀརིཥྱནྟི, ཡཏོ ཧེཏོསྟེ ཡཱུནསོ ཝཱཀྱཱཏ྄ ཙིཏྟཱནི པརིཝརྟྟཡཱམཱསུཿ ཀིནྟུ པཤྱཏ ཡཱུནསོཏིགུརུཏར ཨེཀོ ཛནོ྅སྨིན྄ སྠཱནེ ཝིདྱཏེ།

³³པྲདཱིཔཾ པྲཛྭཱལྱ དྲོཎསྱཱདྷཿ ཀུཏྲཱཔི གུཔྟསྠཱནེ ཝཱ ཀོཔི ན སྠཱཔཡཏི ཀིནྟུ གྲྀཧཔྲཝེཤིབྷྱོ དཱིཔྟིཾ དཱཏཾ དཱིཔཱདྷཱརོཔཪྻྱེཝ སྠཱཔཡཏི།

³⁴དེཧསྱ པྲདཱིཔཤྩཀྵུསྟསྨཱདེཝ ཙཀྵུ ཪྻདི པྲསནྣཾ བྷཝཏི ཏརྷི ཏཝ སཪྻྭཤརཱིརཾ དཱིཔྟིམད྄ བྷཝིཥྱཏི ཀིནྟུ ཙཀྵུ ཪྻདི མལཱིམསཾ ཏིཥྛཏི ཏརྷི སཪྻྭཤརཱིརཾ སཱནྡྷཀཱརཾ སྠཱསྱཏི།

³⁵ཨསྨཱཏ྄ ཀཱརཎཱཏ྄ ཏཝཱནྟཿསྠཾ ཛྱོཏི ཪྻཐཱནྡྷཀཱརམཡཾ ན བྷཝཏི ཏདརྠེ སཱཝདྷཱནོ བྷཝ།

³⁶ཡཏཿ ཤརཱིརསྱ ཀུཏྲཱཔྱཾཤེ སཱནྡྷཀཱརེ ན ཛཱཏེ སཪྻྭཾ ཡདི དཱིཔྟིམཏ྄ ཏིཥྛཏི ཏརྷི ཏུབྷྱཾ དཱིཔྟིདཱཡིཔྲོཛྫྭལན྄ པྲདཱིཔ ཨིཝ ཏཝ སཝཪྻཤརཱིརཾ དཱིཔྟིམད྄ བྷཝིཥྱཏི།

³⁷ཨེཏཏྐཐཱཡཱཿ ཀཐནཀཱལེ ཕིརུཤྱེཀོ བྷེཛནཱཡ ཏཾ ནིམནྟྲཡཱམཱས, ཏཏཿ ས གཏྭཱ བྷོཀྟུམ྄ ཨུཔཝིཝེཤ།

³⁸ཀིནྟུ བྷོཛནཱཏ྄ པཱུཪྻྭཾ ནཱམཱངྐྵཱིཏ྄ ཨེཏད྄ དྲྀཥྚྭཱ ས ཕིརུཤྱཱཤྩཪྻྱཾ མེནེ།

³⁹ཏདཱ པྲབྷུསྟཾ པྲོཝཱཙ ཡཱུཡཾ ཕིརཱུཤིལོཀཱཿ པཱནཔཱཏྲཱཎཱཾ བྷོཛནཔཱཏྲཱཎཱཉྩ བཧིཿ པརིཥྐུརུཐ ཀིནྟུ ཡུཥྨཱཀམནྟ རྡཽརཱཏྨྱཻ རྡུཥྐྲིཡཱབྷིཤྩ པརིཔཱུརྞཾ ཏིཥྛཏི།

⁴⁰ཧེ སཪྻྭེ ནིརྦོདྷཱ ཡོ བཧིཿ སསརྫ ས ཨེཝ ཀིམནྟ རྣ སསརྫ?

⁴¹ཏཏ ཨེཝ ཡུཥྨཱབྷིརནྟཿཀརཎཾ (ཨཱིཤྭརཱཡ) ནིཝེདྱཏཱཾ ཏསྨིན྄ ཀྲྀཏེ ཡུཥྨཱཀཾ སཪྻྭཱཎི ཤུཙིཏཱཾ ཡཱསྱནྟི།

⁴²ཀིནྟུ ཧནྟ ཕིརཱུཤིགཎཱ ཡཱུཡཾ ནྱཱཡམ྄ ཨཱིཤྭརེ པྲེམ ཙ པརིཏྱཛྱ པོདིནཱཡཱ ཨརུདཱདཱིནཱཾ སཪྻྭེཥཱཾ ཤཱཀཱནཱཉྩ དཤམཱཾཤཱན྄ དཏྠ ཀིནྟུ པྲཐམཾ པཱལཡིཏྭཱ ཤེཥསྱཱལངྒྷནཾ ཡུཥྨཱཀམ྄ ཨུཙིཏམཱསཱིཏ྄།

⁴³ཧཱ ཧཱ ཕིརཱུཤིནོ ཡཱུཡཾ བྷཛནགེཧེ པྲོཙྩཱསནེ ཨཱཔཎེཥུ ཙ ནམསྐཱརེཥུ པྲཱིཡདྷྭེ།

⁴⁴ཝཏ ཀཔཊིནོ྅དྷྱཱཔཀཱཿ ཕིརཱུཤིནཤྩ ལོཀཱཡཏ྄ ཤྨཤཱནམ྄ ཨནུཔལབྷྱ ཏདུཔརི གཙྪནྟི ཡཱུཡམ྄ ཏཱདྲྀགཔྲཀཱཤིཏཤྨཤཱནཝཱད྄ བྷཝཐ།

⁴⁵ཏདཱནཱིཾ ཝྱཝསྠཱཔཀཱནཱམ྄ ཨེཀཱ ཡཱིཤུམཝདཏ྄, ཧེ ཨུཔདེཤཀ ཝཱཀྱེནེདྲྀཤེནཱསྨཱསྭཔི དོཥམ྄ ཨཱརོཔཡསི།

⁴⁶ཏཏཿ ས ཨུཝཱཙ, ཧཱ ཧཱ ཝྱཝསྠཱཔཀཱ ཡཱུཡམ྄ མཱནུཥཱཎཱམ྄ ཨུཔརི དུཿསཧྱཱན྄ བྷཱརཱན྄ ནྱསྱཐ ཀིནྟུ སྭཡམ྄ ཨེཀཱངྒུुལྱཱཔི ཏཱན྄ བྷཱརཱན྄ ན སྤྲྀཤཐ།

⁴⁷ཧནྟ ཡུཥྨཱཀཾ པཱུཪྻྭཔུརུཥཱ ཡཱན྄ བྷཝིཥྱདྭཱདིནོ྅ཝདྷིཥུསྟེཥཱཾ ཤྨཤཱནཱནི ཡཱུཡཾ ནིརྨྨཱཐ།

⁴⁸ཏེནཻཝ ཡཱུཡཾ སྭཔཱུཪྻྭཔུརུཥཱཎཱཾ ཀརྨྨཱཎི སཾམནྱདྷྭེ ཏདེཝ སཔྲམཱཎཾ ཀུརུཐ ཙ, ཡཏསྟེ ཏཱནཝདྷིཥུཿ ཡཱུཡཾ ཏེཥཱཾ ཤྨཤཱནཱནི ནིརྨྨཱཐ།

⁴⁹ཨཏཨེཝ ཨཱིཤྭརསྱ ཤཱསྟྲེ པྲོཀྟམསྟི ཏེཥཱམནྟིཀེ བྷཝིཥྱདྭཱདིནཿ པྲེརིཏཱཾཤྩ པྲེཥཡིཥྱཱམི ཏཏསྟེ ཏེཥཱཾ ཀཱཾཤྩན ཧནིཥྱནྟི ཀཱཾཤྩན ཏཱཌཤྵྱིནྟི།