யோஹந​: 8:19-57

¹⁹ததா³ தே(அ)ப்ருʼச்ச²ந் தவ தாத​: குத்ர? ததோ யீஸு²​: ப்ரத்யவாதீ³த்³ யூயம்ʼ மாம்ʼ ந ஜாநீத² மத்பிதரஞ்ச ந ஜாநீத² யதி³ மாம் அக்ஷாஸ்யத தர்ஹி மம தாதமப்யக்ஷாஸ்யத|

²⁰யீஸு² ர்மந்தி³ர உபதி³ஸ்²ய ப⁴ண்டா³கா³ரே கதா² ஏதா அகத²யத் ததா²பி தம்ʼ ப்ரதி கோபி கரம்ʼ நோத³தோலயத்|

²¹தத​: பரம்ʼ யீஸு²​: புநருதி³தவாந் அது⁴நாஹம்ʼ க³ச்சா²மி யூயம்ʼ மாம்ʼ க³வேஷயிஷ்யத² கிந்து நிஜை​: பாபை ர்மரிஷ்யத² யத் ஸ்தா²நம் அஹம்ʼ யாஸ்யாமி தத் ஸ்தா²நம் யூயம்ʼ யாதும்ʼ ந ஸ²க்ஷ்யத²|

²²ததா³ யிஹூதீ³யா​: ப்ராவோசந் கிமயம் ஆத்மகா⁴தம்ʼ கரிஷ்யதி? யதோ யத் ஸ்தா²நம் அஹம்ʼ யாஸ்யாமி தத் ஸ்தா²நம் யூயம்ʼ யாதும்ʼ ந ஸ²க்ஷ்யத² இதி வாக்யம்ʼ ப்³ரவீதி|

²³ததோ யீஸு²ஸ்தேப்⁴ய​: கதி²தவாந் யூயம் அத⁴​:ஸ்தா²நீயா லோகா அஹம் ஊர்த்³வ்வஸ்தா²நீய​: யூயம் ஏதஜ்ஜக³த்ஸம்ப³ந்தீ⁴யா அஹம் ஏதஜ்ஜக³த்ஸம்ப³ந்தீ⁴யோ ந|

²⁴தஸ்மாத் கதி²தவாந் யூயம்ʼ நிஜை​: பாபை ர்மரிஷ்யத² யதோஹம்ʼ ஸ புமாந் இதி யதி³ ந விஸ்²வஸித² தர்ஹி நிஜை​: பாபை ர்மரிஷ்யத²|

²⁵ததா³ தே (அ)ப்ருʼச்ச²ந் கஸ்த்வம்ʼ? ததோ யீஸு²​: கதி²தவாந் யுஷ்மாகம்ʼ ஸந்நிதௌ⁴ யஸ்ய ப்ரஸ்தாவம் ஆ ப்ரத²மாத் கரோமி ஸஏவ புருஷோஹம்ʼ|

²⁶யுஷ்மாஸு மயா ப³ஹுவாக்யம்ʼ வக்த்தவ்யம்ʼ விசாரயிதவ்யஞ்ச கிந்து மத்ப்ரேரயிதா ஸத்யவாதீ³ தஸ்ய ஸமீபே யத³ஹம்ʼ ஸ்²ருதவாந் ததே³வ ஜக³தே கத²யாமி|

²⁷கிந்து ஸ ஜநகே வாக்யமித³ம்ʼ ப்ரோக்த்தவாந் இதி தே நாபு³த்⁴யந்த|

²⁸ததோ யீஸு²ரகத²யத்³ யதா³ மநுஷ்யபுத்ரம் ஊர்த்³வ்வ உத்தா²பயிஷ்யத² ததா³ஹம்ʼ ஸ புமாந் கேவல​: ஸ்வயம்ʼ கிமபி கர்ம்ம ந கரோமி கிந்து தாதோ யதா² ஸி²க்ஷயதி தத³நுஸாரேண வாக்யமித³ம்ʼ வதா³மீதி ச யூயம்ʼ ஜ்ஞாதும்ʼ ஸ²க்ஷ்யத²|

²⁹மத்ப்ரேரயிதா பிதா மாம் ஏகாகிநம்ʼ ந த்யஜதி ஸ மயா ஸார்த்³த⁴ம்ʼ திஷ்ட²தி யதோஹம்ʼ தத³பி⁴மதம்ʼ கர்ம்ம ஸதா³ கரோமி|

³⁰ததா³ தஸ்யைதாநி வாக்யாநி ஸ்²ருத்வா ப³ஹுவஸ்தாஸ்மிந் வ்யஸ்²வஸந்|

³¹யே யிஹூதீ³யா வ்யஸ்²வஸந் யீஸு²ஸ்தேப்⁴யோ(அ)கத²யத்

³²மம வாக்யே யதி³ யூயம் ஆஸ்தா²ம்ʼ குருத² தர்ஹி மம ஸி²ஷ்யா பூ⁴த்வா ஸத்யத்வம்ʼ ஜ்ஞாஸ்யத² தத​: ஸத்யதயா யுஷ்மாகம்ʼ மோக்ஷோ ப⁴விஷ்யதி|

³³ததா³ தே ப்ரத்யவாதி³ஷு​: வயம் இப்³ராஹீமோ வம்ʼஸ²​: கதா³பி கஸ்யாபி தா³ஸா ந ஜாதாஸ்தர்ஹி யுஷ்மாகம்ʼ முக்த்தி ர்ப⁴விஷ்யதீதி வாக்யம்ʼ கத²ம்ʼ ப்³ரவீஷி?

³⁴ததா³ யீஸு²​: ப்ரத்யவத³த்³ யுஷ்மாநஹம்ʼ யதா²ர்த²தரம்ʼ வதா³மி ய​: பாபம்ʼ கரோதி ஸ பாபஸ்ய தா³ஸ​:|

³⁵தா³ஸஸ்²ச நிரந்தரம்ʼ நிவேஸ²நே ந திஷ்ட²தி கிந்து புத்ரோ நிரந்தரம்ʼ திஷ்ட²தி|

³⁶அத​: புத்ரோ யதி³ யுஷ்மாந் மோசயதி தர்ஹி நிதாந்தமேவ முக்த்தா ப⁴விஷ்யத²|

³⁷யுயம் இப்³ராஹீமோ வம்ʼஸ² இத்யஹம்ʼ ஜாநாமி கிந்து மம கதா² யுஷ்மாகம் அந்த​:கரணேஷு ஸ்தா²நம்ʼ ந ப்ராப்நுவந்தி தஸ்மாத்³தே⁴தோ ர்மாம்ʼ ஹந்தும் ஈஹத்⁴வே|

³⁸அஹம்ʼ ஸ்வபிது​: ஸமீபே யத³பஸ்²யம்ʼ ததே³வ கத²யாமி ததா² யூயமபி ஸ்வபிது​: ஸமீபே யத³பஸ்²யத ததே³வ குருத்⁴வே|

³⁹ததா³ தே ப்ரத்யவோசந் இப்³ராஹீம் அஸ்மாகம்ʼ பிதா ததோ யீஸு²ரகத²யத்³ யதி³ யூயம் இப்³ராஹீம​: ஸந்தாநா அப⁴விஷ்யத தர்ஹி இப்³ராஹீம ஆசாரணவத்³ ஆசரிஷ்யத|

⁴⁰ஈஸ்²வரஸ்ய முகா²த் ஸத்யம்ʼ வாக்யம்ʼ ஸ்²ருத்வா யுஷ்மாந் ஜ்ஞாபயாமி யோஹம்ʼ தம்ʼ மாம்ʼ ஹந்தும்ʼ சேஷ்டத்⁴வே இப்³ராஹீம் ஏதாத்³ருʼஸ²ம்ʼ கர்ம்ம ந சகார|

⁴¹யூயம்ʼ ஸ்வஸ்வபிது​: கர்ம்மாணி குருத² ததா³ தைருக்த்தம்ʼ ந வயம்ʼ ஜாரஜாதா அஸ்மாகம் ஏகஏவ பிதாஸ்தி ஸ ஏவேஸ்²வர​:

⁴²ததோ யீஸு²நா கதி²தம் ஈஸ்²வரோ யதி³ யுஷ்மாகம்ʼ தாதோப⁴விஷ்யத் தர்ஹி யூயம்ʼ மயி ப்ரேமாகரிஷ்யத யதோஹம் ஈஸ்²வராந்நிர்க³த்யாக³தோஸ்மி ஸ்வதோ நாக³தோஹம்ʼ ஸ மாம்ʼ ப்ராஹிணோத்|

⁴³யூயம்ʼ மம வாக்யமித³ம்ʼ ந பு³த்⁴யத்⁴வே குத​:? யதோ யூயம்ʼ மமோபதே³ஸ²ம்ʼ ஸோடு⁴ம்ʼ ந ஸ²க்நுத²|

⁴⁴யூயம்ʼ ஸை²தாந் பிது​: ஸந்தாநா ஏதஸ்மாத்³ யுஷ்மாகம்ʼ பிதுரபி⁴லாஷம்ʼ பூரயத² ஸ ஆ ப்ரத²மாத் நரகா⁴தீ தத³ந்த​: ஸத்யத்வஸ்ய லேஸோ²பி நாஸ்தி காரணாத³த​: ஸ ஸத்யதாயாம்ʼ நாதிஷ்ட²த் ஸ யதா³ ம்ருʼஷா கத²யதி ததா³ நிஜஸ்வபா⁴வாநுஸாரேணைவ கத²யதி யதோ ஸ ம்ருʼஷாபா⁴ஷீ ம்ருʼஷோத்பாத³கஸ்²ச|

⁴⁵அஹம்ʼ தத்²யவாக்யம்ʼ வதா³மி காரணாத³ஸ்மாத்³ யூயம்ʼ மாம்ʼ ந ப்ரதீத²|

⁴⁶மயி பாபமஸ்தீதி ப்ரமாணம்ʼ யுஷ்மாகம்ʼ கோ தா³தும்ʼ ஸ²க்நோதி? யத்³யஹம்ʼ தத்²யவாக்யம்ʼ வதா³மி தர்ஹி குதோ மாம்ʼ ந ப்ரதித²?

⁴⁷ய​: கஸ்²சந ஈஸ்²வரீயோ லோக​: ஸ ஈஸ்²வரீயகதா²யாம்ʼ மநோ நித⁴த்தே யூயம் ஈஸ்²வரீயலோகா ந ப⁴வத² தந்நிதா³நாத் தத்ர ந மநாம்ʼஸி நித⁴த்³வே|

⁴⁸ததா³ யிஹூதீ³யா​: ப்ரத்யவாதி³ஷு​: த்வமேக​: ஸோ²மிரோணீயோ பூ⁴தக்³ரஸ்தஸ்²ச வயம்ʼ கிமித³ம்ʼ ப⁴த்³ரம்ʼ நாவாதி³ஷ்ம?

⁴⁹ததோ யீஸு²​: ப்ரத்யவாதீ³த் நாஹம்ʼ பூ⁴தக்³ரஸ்த​: கிந்து நிஜதாதம்ʼ ஸம்மந்யே தஸ்மாத்³ யூயம்ʼ மாம் அபமந்யத்⁴வே|

⁵⁰அஹம்ʼ ஸ்வஸுக்²யாதிம்ʼ ந சேஷ்டே கிந்து சேஷ்டிதா விசாரயிதா சாபர ஏக ஆஸ்தே|

⁵¹அஹம்ʼ யுஷ்மப்⁴யம் அதீவ யதா²ர்த²ம்ʼ கத²யாமி யோ நரோ மதீ³யம்ʼ வாசம்ʼ மந்யதே ஸ கதா³சந நித⁴நம்ʼ ந த்³ரக்ஷ்யதி|

⁵²யிஹூதீ³யாஸ்தமவத³ந் த்வம்ʼ பூ⁴தக்³ரஸ்த இதீதா³நீம் அவைஷ்ம| இப்³ராஹீம் ப⁴விஷ்யத்³வாதி³நஞ்ச ஸர்வ்வே ம்ருʼதா​: கிந்து த்வம்ʼ பா⁴ஷஸே யோ நரோ மம பா⁴ரதீம்ʼ க்³ருʼஹ்லாதி ஸ ஜாது நிதா⁴நாஸ்வாத³ம்ʼ ந லப்ஸ்யதே|

⁵³தர்ஹி த்வம்ʼ கிம் அஸ்மாகம்ʼ பூர்வ்வபுருஷாத்³ இப்³ராஹீமோபி மஹாந்? யஸ்மாத் ஸோபி ம்ருʼத​: ப⁴விஷ்யத்³வாதி³நோபி ம்ருʼதா​: த்வம்ʼ ஸ்வம்ʼ கம்ʼ புமாம்ʼஸம்ʼ மநுஷே?

⁵⁴யீஸு²​: ப்ரத்யவோசத்³ யத்³யஹம்ʼ ஸ்வம்ʼ ஸ்வயம்ʼ ஸம்மந்யே தர்ஹி மம தத் ஸம்மநநம்ʼ கிமபி ந கிந்து மம தாதோ யம்ʼ யூயம்ʼ ஸ்வீயம் ஈஸ்²வரம்ʼ பா⁴ஷத்⁴வே ஸஏவ மாம்ʼ ஸம்மநுதே|

⁵⁵யூயம்ʼ தம்ʼ நாவக³ச்ச²த² கிந்த்வஹம்ʼ தமவக³ச்சா²மி தம்ʼ நாவக³ச்சா²மீதி வாக்யம்ʼ யதி³ வதா³மி தர்ஹி யூயமிவ ம்ருʼஷாபா⁴ஷீ ப⁴வாமி கிந்த்வஹம்ʼ தமவக³ச்சா²மி ததா³க்ஷாமபி க்³ருʼஹ்லாமி|

⁵⁶யுஷ்மாகம்ʼ பூர்வ்வபுருஷ இப்³ராஹீம் மம ஸமயம்ʼ த்³ரஷ்டும் அதீவாவாஞ்ச²த் தந்நிரீக்ஷ்யாநந்த³ச்ச|

⁵⁷ததா³ யிஹூதீ³யா அப்ருʼச்ச²ந் தவ வய​: பஞ்சாஸ²த்³வத்ஸரா ந த்வம்ʼ கிம் இப்³ராஹீமம் அத்³ராக்ஷீ​:?