15मोपतीके मेको आन मतुइक्चा ङा पा मेको आन तार श्येत जाक्ब। मिनु मारेइ पचा मतथु, खतम दुम्नीम।
16परमप्रभु यावेमी ६ ओटा थोव़क काइ मदाक्ब। ७ ओटा थोव़क पशो तशा ग्रांग्रा दीब।
17मेको मार बाक्नीम देंशा हना, ठेयब लेत्तीके, जोल पतीके, दोस मताइब मुर आन कली हुश ख्राक्श पोक्तीके,
18मरिम्शो पचा कली मिम्ब थुं, मरिम्शो पचा चुइक्तीके,
19जोल पाइब सांकछी बाक्तीके नु वोबु आन दातेम जिचा पोक्ब काइ मदाक्ब। मेको ७ ओटा थोव़क बाक्नीम।
20आं तौ, इ आफ आ अरेशो टिवो, इम्मा आ शेंशो लोव़ मप्रोनो। हितोपदेस १:८
21मेको गेना हना यो इ थुंम वोतो। मेको कली माला खोदेंशो पा रेल्सो।
22मिनु गे ते लते हना यो, मेकोमी इ कली लां कोंइनीस। गे इप्ते हना, मेकोमी इ कली खाल पाइनीस। गे सेंसेनु, गे नु लोव़ पाइनीस। भजन संग्रह ११९:१७२
23मारदे हना मेको अरेशो बत्ती नु शेंशो छेङछेङ बाक्नीस। ठीक पचा कली हुइक्तीके ब्रोंइचा गेब लां बाक्ब।
24मेकोमी हेंथे गाक्ब मीश मुर रे ङोन बाक्पाइक्नीम। मिनु हेंथे गाक्ब ग्युंबे पशो मीश मुर आन ग्रेन्देल लोव़ रे ङोन बाक्पाइक्नीम। हितोपदेस २:१६
हितोपदेस 6
हितोपदेस 6:15-24