2अरु मुरुमी इ कली ठेयब सेल्मेक्ल। गे आंमा आंम कली ठेयब मसेलो। अरु आन शोव़ रे ठेयब देंमल, इ आंम शोव़मी “गो ठेयब नङ” मदेनो।
3फुल्लु नु बाल्वा हेल्शो बाक्नीम। तन्न मूर्खमी गेशो श्येत मेको निम्फा आस क्येङा हेल्शो बाक्ब।
4गाइक्चा मरिम्शो बाक्ब। चुरचा मेको क्येङा मरिम्शो बाक्ब। रुश पतीके कली सु फाल्ने चाप्बा ङा?
5ख्रुइश्शा दाक्चा क्येङा नेल्लेमी तुइक्चा ङा पा हुइक्चा रिम्शो बाक्ब। लेवी १९:१७
6वारचमी हुइश्शो रिम्शो पचा कली बाक्ब। तन्न मदाक्ब मुर आन पुक्पु पाइश्शो हिंचा ङा बाक्ब। भजन संग्रह १४१:५; मत्ती २६:४९
7साप्पा रूशो कोव़जमी खुदो यो मदाक्ब। तन्न शोव़लु बेक्शो मुर कली मब्रोव़शो जचा थोव़क यो ब्रोव़ब।
8खिं रे ङोन लशो मुर ग्योव़ रे ङोन बेरशो चिक्ब खोदेंशो बाक्ब।
9ब्रोव़शो रिना पाइश्शो तेल नु धूपमी मुर आन थुं ग्येरशो सेल्ब। तन्न वारच आ अर्ती मेको क्येङा रिम्शो बाक्ब।
10इ वारच कली नु इ आफ आ वारच कली मप्रोनो। श्येत जवी ना, इ लोक्ब आ खिं मलावो। मारदे हना ङोन बाक्शो लोक्ब क्येङा नेक्था बाक्ब मुर रिम्शो बाक्ब। हितोपदेस १८:२४
हितोपदेस 27
हितोपदेस 27:2-10