7परमप्रभु यावे कली मान पा हिंचा तुइक्तीक दुम्चा कली गोतीक बाक्ब। मूर्खपुकीमी तुइक्तीके नु अर्ती मदाक्नीम। हितोपदेस ८:१३; हितोपदेस ९:१०; अय्युब २८:२८; भजन संग्रह १११:१०
8आं तौ, इ आफ आ अर्ती नेनो। इम्मा आ शेंशो मप्रोनो। हितोपदेस ६:२०; ब्यवस्था २१:१८-२१
9मारदे हना मेको इ पिया ङा ग्योम्तीके नु इ कली सुन के माला नस।
10आं तौ, मरिम्शो पाइब मुरुम इ कली “हेंथे पय” दे लोव़ पाम्तेक्म हना, मेको आन लोव़ मबिस्सो। हितोपदेस १६:२९; ब्यवस्था १३:७-९
11मेकोपुकीमी “पिवो, मुर साइक्चा कली बाप्शा बाक्य। रिम्शो पाइब कली बाप्शा,
12मेको कली बेक्शो मुर आन बाक्तीकेम सोइक्तय। गो मेको कली सेसीन तुरसुम सोइक्तय।
13मिनु गोपुकीम आ बाक्शो शोंप नेल्ल रोइक्नय। मेको रोइश्शोमी आंम आंम खिं प्रिंनय।
14गे, गोपुकी नु लते हना, नेल्ल गारशा योक्सय” देंतेक्म हना यो,
15आं तौ, गे मेकोपुकी नु मलावो। मेकोपुकी नु मगाक्को।
16मारदे हना मेकोपुकी मरिम्शो गेय पचा कली रीब पा दोरनीम। हुश ख्राक्श पोक्चा कली चुइक्नीम।
17चिक्बीमी तचा ङा पा ब्वारद दाइश्शो शोर गाक्शो गेय बाक्ब।
18मेको मुरपुकी साइक्चा पुंइसीचा कली बाप्शो बाक्नीम। आंमान खतम दुम्चा कली बाप्शा बाक्नीम।
हितोपदेस 1
हितोपदेस 1:7-18