7परमप्रभु यावे कली मान पा हिंचा तुइक्तीक दुम्चा कली गोतीक बाक्ब। मूर्खपुकीमी तुइक्तीके नु अर्ती मदाक्नीम। हितोपदेस ८:१३; हितोपदेस ९:१०; अय्युब २८:२८; भजन संग्रह १११:१०
8आं तौ, इ आफ आ अर्ती नेनो। इम्मा आ शेंशो मप्रोनो। हितोपदेस ६:२०; ब्यवस्था २१:१८-२१
9मारदे हना मेको इ पिया ङा ग्योम्तीके नु इ कली सुन के माला नस।
10आं तौ, मरिम्शो पाइब मुरुम इ कली “हेंथे पय” दे लोव़ पाम्तेक्म हना, मेको आन लोव़ मबिस्सो। हितोपदेस १६:२९; ब्यवस्था १३:७-९
11मेकोपुकीमी “पिवो, मुर साइक्चा कली बाप्शा बाक्य। रिम्शो पाइब कली बाप्शा,
12मेको कली बेक्शो मुर आन बाक्तीकेम सोइक्तय। गो मेको कली सेसीन तुरसुम सोइक्तय।
13मिनु गोपुकीम आ बाक्शो शोंप नेल्ल रोइक्नय। मेको रोइश्शोमी आंम आंम खिं प्रिंनय।
हितोपदेस 1
हितोपदेस 1:7-13