24मिनु गो इन कली ब्रेत्तुनु, गेपुकीम मनेंनी। गो आं गुइ हामुनु, सुइ मपिनी। यसैया ६५:२,१२
25आं अर्ती नेल्ल मटितीके, आं हुइश्शो नेंचा मदाक्तीके,
26गो यो गे श्येत जनी ना, रिश्शा बाक्नुङ। मिनु गे शुश हिंनीना, गो शुक्शी पाइनुङ” दे लोव़ पाइब। ब्यवस्था २८:६३
27शुश हिंतीके ठेयब फश खोदेंशो पा इन तारी जाक्त हना, श्येत फश गिवार खोदेंशो पा इन तार जाक्त हना, श्येत नु हिंतीकेम इन कली सुम्तु हना,
28मेना आं कली थोनीनु, गो इन कली लोव़ मलेत्नुङ। गेपुकीमी आं कली शुश माल्तीनी हना यो, मथित्नीनी। यसैया ५९:२; मीका ३:४
29मेकोपुकीम जोक्तीक कली काइ मदाक्तीके नु परमप्रभु यावे कली मान मपथु महिंतीके,
30आं अर्ती मनेंतीके, आं हुइश्शो नेंचा मदाक्तीके,
31मेकोपुकीमी आन आन पशो मरिम्शो गेय आन इनाम तचा माल्नीम। मिनु आन आन मरिम्शो पतीकेमी ब्रीमल।
32मारदे हना मारेइ मजोक्ब आन मटितीके साइक्चा पुंइसीनीम। मूर्ख आन मारेइ ममिम्तीके खतम दुम्नीम।
हितोपदेस 1
हितोपदेस 1:24-32