2गे मार मार माल्नीनी मेको आ पर्बम मतुइक्ताक्नी हना, मेको शोर गाक्शो बाक्ब। सु रीब पा गाक्बा, मेको आ लां जाम्ब।
3मुर आन मूर्ख पतीकेमी खतम दुम्नीम। मो हना यो मेकोपुकीमी परमप्रभु यावे कली दोस गेनीम। बिलाप ३:३९
4शुश क्येट बाक्ब मुर नु शुश वारच बाक्नीम। तन्न प्रुङग आन कली आन बाक्शो वारचमी यो प्रोंइनीम। हितोपदेस १४:२०
5जोल पा सांकछी बाक्ब मुर सजाइ मतथु मब्रोंइब। मिनु जोल पाइब यु बुइश्शा प्रोक्ने मचाप्ब। हितोपदेस २१:२८; ब्यवस्था १९:१८-२१
हितोपदेस 19
हितोपदेस 19:2-5