6खाल्पा खाल्पी आन सिरपेच आन चच युइ नमी। मिनु आल आन ग्योम्सीशो आन आम आफ बाक्नीम।
7मूर्खपुकीमी रिम्शो लोव़ पचा मशिरनीम। मेको क्येङा ठेयब मुरपुकीमी जोल पचा मशिरब।
8घूस गेबमी आ घूसमी मारेइ मारेइ पने चाप्ब, दे मिम्ब। मेको ते लत हना यो आ देंशो खाप्ब।
9सुमी अरु आन मरिम्शो पशो सुम्बा, मेकोम वारच सेल्ब। तन्न मुर आन मरिम्शो पशो देंना देंन बाक्बमी वारच आन कली फ्राब।
10मूर्ख मुर कली सहे खेयप तुप्चा क्येङा जोक्ब तुइक्ब मुर खेयप का देंशोनु रुप्ब।
11मरिम्शो मुरपुकीमी गेना हना यो जिचा पोक्नीम। तन्न मेको कली सजाइ गेचा कली शिशी मपाइब मुर सोइश्शो बाक्ब।
12मूर्ख मुरुमी मूर्ख पवा ना ग्रुम्चा क्येङा आ चाइक्ब रोंइसीशो वां कली ग्रुम्चा रिम्शो बाक्ब।
13सुमी रिम्शो पाइब आन कली मरिम्शो पाइबा, मेको आ खिं रे मरिम्शो गेनायो मलाइब।
14दोपा प्रोंइशो ब्वाक्कु बोल पा शाइक्बा, मोपा जिचा पोक्तीक बाक्ब। मोपतीके जिचा ठेयब दुम्चा क्येङा ङोंइती मेको कली तेक्कीन।
15सुमी परमप्रभु यावे आ अरेशो मटीब आ पर्बम “ठीक पाइब बाक्ब” देंबा, मिनु ठीक पाइब आ पर्बम “ठीक पाइब मबाक्ब” देंबा, मेको निम्फा आस कली परमप्रभु यावेमी ग्रांग्रा दीब। यसैया ५:२३
16मूर्ख आ गुइमी तुइक्तीक थुं ग्याप्चा कली क्येट मारदे माल्बा ङा?। मेको के शेंसीतीक थुं मबाक्ब।
17वारचमी गेना हना यो दाक्ब। लोक्बपुकी चहिं श्येत जशो ना वारच पचा कली जरमेशो बाक्नीम।