10सोदोम ङा सासन पाइबपुकी, परमप्रभु यावे आ लोव़ नेनीन। गोमोररा ङा मुरपुकी आंइ परमप्रभु आ शेंशो लोव़ नेनीन।
11परमप्रभु यावेमी “इन शुश चढ़ेशो आं कली शोर गाक्शो बाक्ब। गो चोशा चढ़ेशो सांड नु थुल्शो बस्तु भाव आन बोंसोमी रूती। गो ब्यफ, पाठा नु क्यारश आन हुश मदाक्नुङ। भजन संग्रह ४०:७-९; हितोपदेस १५:८; येरमीया ६:२०; आमोस ५:२२
12गे आं ङोंइती जाक्शा, मोदेंशो चढ़ेचा, दे सुम देंम? आं लाङगा मथेक्तीन।
13इन चढ़ेतीके मचाक्कीन। इन धूप चढ़ेशो तशा, गो ग्रांग्रा दीती। औंसी नु नाइक्तीक नाक्ती ङा ग्रुम्तीके ङा मरिम्शो पाइब आन हुल तचा मदाक्नुङ। गन्ती १०:१०
14इन औंसी नु अरु चाडपुकी काइ मदाक्नुङ। मेको आं थुंम ग्रांग्रा दिप्ब। मेको आं कली श्येत बाक्नीम। गो फाल्ने मचाप्नुङ।
15इन गुइ क्युक्शा, गो नु लोव़ पनीनु, आं कुल ख्रुइक्नुङ। गेपुकीम शुश पुंइतीनी हना यो, गो मनेंनुङ। मारदे हना इन गुइम हुश ख्राक्श पशो बाक्ब। हितोपदेस १:२८; हितोपदेस १५:२९; यूहन्ना ९:३१
यसैया 1
यसैया 1:10-15