8ग्रुम्तीक खिं ङा क्रिस्पस माइश्शो ठेयब मुर नु आ खिं ङा मुर नेल्ल प्रभु कली थमा सुइक्ब दुम्मा बाक्त। कोरिन्थी शुशेमी यो पावल आ शेंशो नेंशा, थमा सुइश्शा ब्वाक्कुम ख्रुम्शा ग्रुंइचा पुंइसमा बाक्त। १कोरिन्थी १:१४
9मिनु काबु नाक्दो प्रभुमी पावल कली कोंइतीक कोंइदानु “सुइ कली तशा महिनो। शेंस ङा शेंस बाक्को। येरमीया १:८; १कोरिन्थी २:३
10मारदे हना गे नु काथा बाक्शा, इ कली कोव़नन। मिनु सुइमी इ कली मरिम्शो पने मचाप्नीम। मेको सहरमी बाक्ब शुश मुर आन कली योव़ने थुम्ता” देंशो नेंना बाक्त। यूहन्ना १०:१६
11मिनु पावल बर्स का ६ महिना सम्म कोरिन्थ सहरमी परमप्रभु यावे आ लोव़ शेंना शेंन बाक्माक्त।
12आकाया रागीमी गाल्लीयो माइश्शो हुकुम पाइब बाक्मेनु, यहूदीपुकी खुम्सीशा, पावल कली ग्याइश्शा, हुकुम पाइब आ ङोंइती चाक्दीत्मे बाक्त।