8Artwa Crispus ra Jew-rnem-kenh tyaty-areny Atyetyart anenh, ikwerenh-rnem-then warrkenh ikwerenh-rnem-then, rernem Ingkart renh tnakenh. Corinth-areny-rnem akngerr rernem Paul renh awek-penh rernem renh tnakek-anem. Ikwer-penhan rernem baptise inek, ingkerrenhel.
9Ingwa ingwerelan Paul-el altyerr arek, ranem awek Ingkartelarl renh ilek. “Paul-ay, aterirrey-angenh! Artewentyel renh-rnem akalty-antha! Akater nyerrirremel aney-angenh. Ayeng ngkweng-itwel aneyel.
10Ingwer-rnemel ngenh nthakenh atwey-angenh aneyel. Akngerr ingwer-rneman atyenh-rnem nhel aneyel-antey, ngenh arntarnt-aretyek apmwernem-kety.”
11Paul alkent 18-ek-atwety anenh, Corinth ikwer-itwek. Ra akngerr ingwer-rneman akalty-anthenh.
12Gallio atyetyart Achaia-areny anenh. Jew-rnemel Paul renh anterrkwek, court-warl-anem akngemel. Rernem renh ayntarrp-ilenty-arrpantey ilek,