10सुमी क्येट दाक्बा, मेको कली क्येटीमी गेनायो मजाक्दीप्ब। सुम शोंप दाक्बा, मेको मुर आ चेम्शोमी गेनायो मरूब। मेको यो जाम्शा लाइब बाक्ब। हितोपदेस २८:२२; लूका १२:१५
11शोंप शुश बारमेनु, मेको जाइबपुकी यो बारनीम। मिनु मेको होव़प कली कोव़चा ङा लाक्शा, अरु मार रिम्शो दुम्बा ङा?
12शुश गेय पाइब मुर दोशो जाप्तु हना यो, निन्द्रा पचा दाक्ब। तन्न शोंप पाइश्शो मुर आ शुश शोंपोम पतीके मेको कली निन्द्रा मजाक्ब।
13गो रागीमी थम श्येत लाक्चा ङा मरिम्शो पशो का तशो बाक्नुङ। मेको मार बाक्ब देंशा हना मुरुमी आंमा खतम दुम्चा कली शोंप तेल्शो बाक्ब। मत्ती १९:२२
14मेकोमी दोकका पा आ शोंप थुमा नोले, मेको के आल दुम्ब। मेना मेको आ गुइमी मारेइ मबाक्ब।
15मुर ममा आ कोव़ज रे पा शिश्रा जाक्ब। मिनु मेको दोपा जाक्मे, मोपान लेश्शा लाइब। मेकोमी आ श्येत पा चेम्शो मारेइ लाइक्चा मताइब। अय्युब १:२१; भजन संग्रह ४९:१८; १तिमोथी ६:७
16एको यो श्येत लाक्चा ङा मरिम्शो का बाक्ब। मुर दोपा जाक्बा, मोपान लेश्शा लाइब। मिनु मेको कली मार रिम्शो दुम्बा ङा? मारदे हना मेको आ पशो श्येत नेल्ल फश खोदेंशो दुम्ब।
उपदेसक 5
उपदेसक 5:10-16