5फुल्लु फ्रतीक ना बाक्ब। मिनु मेको खुप्तीक ना बाक्ब। मुप्तीक ना बाक्ब। मिनु ममुप्तीक ना बाक्ब।
6माल्तीक ना बाक्ब। मिनु साम्तीक ना बाक्ब। वोइक्तीक ना बाक्ब। मिनु ताइक्तीक ना बाक्ब।
7खाक्तीक ना बाक्ब। मिनु फेरतीक ना बाक्ब। सिक्सी पा बाक्तीक ना बाक्ब। मिनु लोव़ पतीक ना बाक्ब।
8दाक्तीक ना बाक्ब। मिनु मदाक्तीक ना बाक्ब। लडाइ पतीक ना बाक्ब। मिनु दुशा बाक्तीक ना बाक्ब।
9गेय पाइबमी आन श्येत पा गेय पशो रे मार ताइनीमी ङा?
10परमप्रभुमी मुर नेल्ल आन कली श्येत ङा गेय गेप्तु। गो मुर मेको गेय पस ङा पस तातामी।
11मेकोमी मारेइ मारेइ आन कली गारपाइश्शा सेल्तु। मेकोमी गेना हना यो ब्रोंइशा बाक्तीके मुर आन थुंम वोइक्तु। मो हना यो मेकोपुकीमी परमप्रभुमी ङोंइती रे नोले सम्म मार पवा, मेको रुप्ने मचाप्नीम। उपदेसक ८:१७
12मुर ब्रोंइमा सम्म ग्येरशा नु रिम्शो पा बाक्चा माल्नीम। मेको क्येङा रिम्शो अरु मारेइ यो मबाक्ब, दे तुइक्नुङ। उपदेसक २:२४
13परमप्रभु आ दाक्शो मार बाक्ब देंशा हना, मुर नेल्लेमी जशा, तूशा आन गेयम ग्येरशा बाक्मल, देंशो बाक्ब।
उपदेसक 3
उपदेसक 3:5-13