4इ ठेयब मुर इ तशा गाइक्ताक्व हना यो, इ गेय पचा मप्रोनो। सिक्सी पा बाक्शोनु, ठेयब मरिम्शो पशो यो जाम्शा लाइब।
5गो रागीमी मरिम्शो का तशो बाक्नुङ। मेको ठेयब दूली गेय सासन पाइबम ला पने चाप्ब।
6मूर्ख आन कली ठेयब मुर सेल्नीम। तन्न शोंप पाइश्शोपुकी आइक्च दुम्शा बाक्नीम।
7गो वाइलपुकी चहिं शारा ङोइश्शा नु सासन पाइब आ तौ चहिं वाइल खोदेंशो पा खोइलीम गाक्शो तशो बाक्नुङ।
8बिक्तीक दोइब मुर मेको आंमान बिक्ने चाप्ब। मिनु गारो प्रेप्ब कली बुस्सुमी कोक्ने चाप्ब। हितोपदेस २६:२७
9फुल्लु ख्रोइक्ब मुर गार दुम्ने चाक्ब। मिनु शी ख्रोइक्ब मुर आ गेय रे श्येत जने चाप्ब।
10खा महेश्शो बाक्त हना, मेको कली शुश बोल माल्ब। तन्न जोक्तीक तुइक्तीकेम मेको कली रिम्शो सेल्ब।
11बुस्स कली लाटा सेल्चा क्येङा ङोंइती कोक्तु हना, बुस्स चलेब कली मारेइ रिम्शो मदुम्ब। बजन संग्रह ५८:५-६
12जोक्ब तुइक्ब मुर ब्वाक्मेनु, मान ताइब। तन्न मूर्ख चहिं आ लोव़मीन खतम दुम्ब।
13मेकोमी ङोंइती मूर्ख लोव़ पाइब। मिनु नोले बौला नु निप्स ग्यशो लोव़ पाइब।
14मूर्ख मुर ब्वाक्स ङा ब्वाक्स पाइब। मार दुम्बा, सुइम मतुइक्नीम। मेको आ नोले मार दुम्बा, मेको सुम देंने चाप्बा ङा? उपदेसक ५:२; उपदेसक ८:७
15मूर्ख आ श्येत पा पशो गेयमी दाइब। मेकोमी सहर लतीक लां यो मतुइक्ब।
उपदेसक 10
उपदेसक 10:4-15