ܣܘܥܪ̈ܢܐ ܕܫܠܝܚ̈ܐ 25:19-24

¹⁹”ܐܝܼܬ ܗܘܵܘ ܚܲܕܟܡܵܐ ܢܘܼܩܙܹ̈ܐ ܘܕܘܼܪ̈ܵܫܹܐ ܒܘܼܬ ܬܵܘܕܝܼܬܵ‌ܐ ܕܓܵܢܵܝܗ‌ܝ، ܘܒܘܼܬ ܚܲܕ ܐܢܵܫܵܐ ܫܸܡܹܗ ܝܼܫܘܿܥ ܕܡܝܼܬ ܠܹܗ، ܐܝܼܢܵܐ ܦܵܘܠܘܿܣ ܒܹܐܡܵܪܵܐ ܝܠܹܗ ܕܚܵܝܵܐ ܝܠܹܗ.

²⁰”ܟܲܕ ܠܹܐ ܡܵܨܹܝܢ ܗܘܵܐ ܨܲܚܨܹܝܢ ܥܲܠܔ ܐܲܢܹܐ ܫܘܼܠܹ̈ܐ، ܒܘܼܩܸܪܝܼ ܡܸܢܹܗ ܐܸܢ ܒܵܥܹܐ ܗܘܵܐ ܕܐܵܙܹܠܔ ܗܘܵܐ ܠܐܘܿܪܸܫܠܸܡ ܘܬܵܡܵܐ ܦܵܐܹܫ ܗܘܵܐ ܕܝܼܢܵܐ.

²¹”ܐܝܼܢܵܐ ܗ̇ܘ ܟܹܐ ܒܵܥܹܐ ܕܦܵܐܹܫ ܢܛܝܼܪܵܐ ܗܲܠܔ ܕܦܵܐܹܫ ܕܝܼܢܵܐ ܩܲܕܡ ܩܹܣܲܪ. ܗ̇ܝܓܵܗ ܦܩܝܼܕ ܠܝܼ ܕܦܵܐܹܫ ܢܛܝܼܪܵܐ ܗܲܠܔ ܕܫܲܕܪܸܢܹܗ ܠܟܸܣ ܩܹܣܲܪ.“

²²ܐܡܝܼܪܹܗ ܐܵܓܸܪܦܵܐ ܠܦܹܗܸܣܛܘܿܣ: ”ܐܘܼܦ ܐܵܢܵܐ ܒܵܥܹܝܢ ܕܫܵܡܥܹܢ ܠܐܵܗܵܐ ܐܢܵܫܵܐ.“ ܓ̰ܘܼܘܸܒ ܠܹܗ ܦܹܗܸܣܛܘܿܣ: ”ܩܲܝܕܵܡܬܵ‌ܐ ܒܸܬ ܫܵܡܥܹܬ ܠܹܗ.“

²³ܒܝܵܘܡܵܐ ܐܚܹܪܢܵܐ ܐܵܓܸܪܦܵܐ ܥܲܡ ܒܲܟ݂ܬܹܗ ܒܲܪܢܝܼܩܹܐ ܐܬܹ‌ܐ ܠܗܘܿܢ ܒܙܘܼܚܵܐ ܓܘܼܪܵܐ، ܘܥܒ݂ܝܼܪܗܘܿܢ ܠܒܹܝܬ ܕܝܼܢܵܐ ܥܲܡ ܪ̈ܲܒܲܝ ܐܲܠܦܹ̈ܐ ܘܪܹ̈ܝܫܵܢܹܐ ܕܡܕܝܼܢ݇ܬܵ‌ܐ، ܘܟܲܕ ܦܩܝܼܕ ܠܹܗ ܦܹܗܸܣܛܘܿܣ، ܦܝܼܫ ܠܹܗ ܡܘܼܬܝܵܐ ܦܵܘܠܘܿܣ.

²⁴ܘܐܡܝܼܪܹܗ ܦܹܗܸܣܛܘܿܣ: ”ܝܵܐ ܐܵܓܸܪܦܵܐ ܡܲܠܟܵܐ، ܘܟܠܵܘܟ݂ܘܿܢ ܕܝܼܬܘܿܢ ܠܲܐܟ݂ܵܐ ܥܲܡܲܢ، ܒܸܚܙܵܝܵܐ ܝܬܘܿܢ ܠܐܵܗܵܐ ܐܢܵܫܵܐ ܕܒܘܼܬ ܕܝܼܹܗ ܟܠܹܗ ܛܵܝܸܦܵܐ ܕܝܗܘܼܕܵܝܹ̈ܐ ܩܒ݂ܝܼܠܔ ܠܗܘܿܢ ܠܟܸܣܠܝܼ ܓܵܘ ܐܘܿܪܸܫܠܸܡ ܘܐܘܼܦ ܠܲܐܟ݂ܵܐ ܓܵܘ ܩܹܣܲܪܝܵܐ، ܟܲܕ ܡܲܩܘܘܼܚܹܐ ܕܐܚܹܪܢܵܐ ܠܹܐ ܝܠܹܗ ܚܫܝܼܚܵܐ ܕܚܵܝܹܐ.