Ni been ree apóstoles 25:19-24

¹⁹Tijbzi xguialquiax ni guleꞌc reeman na̱j por xcostumbr reeman në por tijb bén la Jesús, bén ma güjt, per Pab rëb naban Jesús guin.

²⁰Abiꞌ guial ad ragbeetan xhie günan por zian, dxel gunabdiidxan loj Pab bal rënx chex Jerusalén din gac reglad ni guin ree ni.

²¹Per laax gunab tëd loj rey César din gac reglad ni rëb reeman por laax, zeel gunabeen yaawsiix xt chileꞌ yaxhalan laax loj rey César.

²²Dxel rëb rey Agripa loj Festo: ―Bal zian chileꞌn, nëgajc naj rën gucagdiag laax. Abiꞌ badxiꞌ Festo laan rëbaman: ―Guixie gucaagdiajguil laax.

²³Chi bareguiaal, dád zagdxe caꞌ xab rey Agripa con Berenice bidxin reeman con ree bén rniabee suldad con los demazri ree bén zojbloj luguiedx guin, bidxin reeman guyu reeman lënü lod gucaagdiajg reeman ni guiëb Pab. Dxel gunabee Festo bicaꞌ reex Pab.

²⁴Abiꞌ rëb Festo: ―Rey Agripa në los demazridi dad zaꞌnëdi dunujn guie. Bén ruguiaadi guie, gra bén Israel, ziꞌc Jerusalén ziꞌcgajc guie ma biꞌt reeman bidganaj reeman naj rniab reeman guiëtix.