19Saba kosi asi bikawapata mutusi bausi si wosewose. Asi bigeruwana kairavina ba sebare raoboraobona kana waba Iesu, saba Paul i wona kata kona yawayawasina.
20Saba kega a kuiri mekabage sisiya damana ata yauni wai, Paul ai babai kata ana waina ita nae ku Jerusalem ba namai ana goyona siti buibuiyei.
21Paul i baba kata ana waina Caesar naonai iti msiri, ba kona iti buibuiyei, wai a kaotuneisi kata si botawani yepo ani porai ina nae Caesar kurina.”
22Damanina ba Agripa Festus kurina i wona, “Au waina niko sebare ikesiku mom ana nonori.” I kaobeyei i wona, “Maram kuni tainabaenegei.”
23Mara i tom wai Agripa ba Bernice si botu wai ere kaukau bunagisi ba ere ne tagegeyisi. Abiya babadisi ba meyaga babadisi yabata si deri si rui ku bibuibuiya yovena. Ba Festus i kaotuneisi wai Paul si urabai si riu.
24Festus i wona, “Taupauma Agripa, ba iyabomi wata nina wai, niko sebare ko kinani! Kona wai Jew biyisi ereonowasi Jerusalem ba Caesarea kamonai, si gwinigwini ba si parapara, kata ana goyona kairavina ita rabobo.
Acts 25
Acts 25:19-24