ܡܙܡܘܪ̈ܐ 92:6-15

⁶ܐܢܵܫܵܐ ܫܹܐܕܵܢܵܐ ܠܹܐ ܝܵܕܹܥ، ܘܣܲܟ݂ܠܵܐ ܠܹܐ ܦܲܪܡܹܐ ܐܵܗܵܐ.

⁷ܐܝܼܡܲܢ ܕܒܲܪܛܸܢܝܼ ܪ̈ܲܫܝܼܥܹܐ ܐܲܝܟ݂ ܓܸܠܵܐ، ܘܦܵܩܚܝܼ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ، ܗܵܕܟ݂ܵܐ ܟܹܐ ܗܵܘܝܵܐ ܕܦܵܝܫܝܼ ܛܘܼܠܩܹܐ ܗܲܠܔ ܥܵܠܲܡ.

⁸ܐܝܼܢܵܐ ܐܲܢ݇ܬ ܪܵܡܵܐ ܝܘܸܬ ܠܥܵܠܲܡ، ܝܵܐ ܡܵܪܝܵܐ.

⁹ܒܗ̇ܝ ܕܗܵܐ، ܕܸܫ̃ܡܸܢܘܼ̈ܟ݂، ܝܵܐ ܡܵܪܝܵܐ، ܒܗ̇ܝ ܕܗܵܐ، ܕܸܫ̃ܡܸܢܘܼ̈ܟ݂ ܒܸܬ ܛܵܠܩܝܼ، ܒܸܬ ܦܵܝܫܝܼ ܒܘܼܪܒܸܙܹܐ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ.

¹⁰ܘܡܘܼܪܸܡ ܠܘܼܟ݂ ܩܲܪ݇ܢܝܼ ܐܲܝܟ݂ ܩܲܪ݇ܢܵܐ ܕܪܲܝܡܵܐ، ܦܝܼܫ ܠܝܼ ܡܫܝܼܚܵܐ ܒܡܸܫܚܵܐ ܚܵܕܬܵ‌ܐ.

¹¹ܘܚܙܹܐ ܠܵܗ̇ ܥܲܝܢܝܼ ܙܵܟ݂ܘܼܬܵ‌ܐ ܠܕܸܫ̃ܡܸܢܝܼ̈، ܫܡܝܼܥ ܠܗܘܿܢ ܢܵܬܝܵܬ‌ܝܼ̈ ܒܘܼܬ ܩܵܝܡܵܢܹ̈ܐ ܥܲܠܝܼ، ܥܵܒ݂ܕܵܢܹ̈ܐ ܕܒܝܼܫܘܼܬܵ‌ܐ.

¹²ܙܲܕܝܼܩܵܐ ܐܲܝܟ݂ ܐܝܼܠܵܢܵܐ ܕܚܘܼܪ̈ܡܹܐ ܒܸܬ ܒܲܪܛܸܢ، ܐܲܝܟ݂ ܐܲܪ̈ܙܹܐ ܕܒܠܸܒ݂ܢܵܢ ܒܸܬ ܓܲܪܘܸܣ.

¹³ܫܬܝܼܠܹܐ ܝܢܵܐ ܒܒܲܝܬܵ‌ܐ ܕܡܵܪܝܵܐ، ܒܕܵܪ̈ܵܬܹ‌ܐ ܕܐܲܠܵܗܲܢ ܒܸܬ ܒܲܪܛܸܢܝܼ.

¹⁴ܗܸܫ ܒܸܬ ܡܲܝܬ‌ܝܼ ܛܥܘܼܢܬܵ‌ܐ ܒܣܲܝܒܘܼܬܵ‌ܐ، ܫܲܡܝܼܢܹ̈ܐ ܘܩܝܼܢܹ̈ܐ ܒܸܬ ܗܵܘܝܼ.

¹⁵ܠܡܲܕܘܼܥܹܐ ܕܬܪܘܼܨܵܐ ܝܠܹܗ ܡܵܪܝܵܐ، ܐܝܼܨܵܪܝܼ، ܘܠܲܝܬ ܥܵܘܠܵܐ ܒܝܼܹܗ.