ܡܙܡܘܪ̈ܐ 45:5-17

⁵ܚܲܪ̈ܝܼܦܹܐ ܝܢܵܐ ܓܹܐܪ̈ܘܼܟ݂، ܥܲܡܡܹ̈ܐ ܬܚܘܿܬ ܐܲܩܠܘܼ̈ܟ݂ ܟܹܐ ܢܵܦܠܝܼ، ܟܹܐ ܛܵܥܨܝܼ ܓܹܐܪ̈ܘܼܟ݂ ܒܠܸܒܵܐ ܕܕܸܫ̃ܡܸܢܘܼ̈ܟ݂، ܝܵܐ ܡܲܠܟܵܐ.

⁶ܬܪܘܿܢܘܿܣܘܼܟ݂، ܝܵܐ ܐܲܠܵܗܵܐ، ܠܥܵܠܲܡ ܥܵܠܡܝܼܢ، ܚܘܼܛܪܵܐ ܕܬܪܘܼܨܘܼܬܵ‌ܐ ܚܘܼܛܪܵܐ ܕܡܲܠܟܘܼܬܘܼܟ݂.

⁷ܡܘܼܚܸܒ ܠܘܼܟ݂ ܙܲܕܝܼܩܘܼܬܵ‌ܐ ܘܣܢܹܐ ܠܘܼܟ݂ ܒܝܼܫܘܼܬܵ‌ܐ، ܒܘܼܬ ܐܵܗܵܐ، ܝܵܐ ܐܲܠܵܗܵܐ، ܩܵܡ ܡܵܫܹܚ ܠܘܼܟ݂ ܐܲܠܵܗܘܼܟ݂، ܒܡܸܫܚܵܐ ܕܦܨܝܼܚܘܼܬܵ‌ܐ ܒܘܼܫ ܙܵܘܕܵܐ ܡ̣ܢ ܚܲܒ݂ܪ̈ܵܘܵܬܘܼܟ݂.

⁸ܒܡܘܼܪܵܐ، ܥܸܠܘܲܝ، ܘܩܲܣܝܵܐ ܥܘܼܛܪܸܢܹܐ ܝܢܵܐ ܟܠܵܝܗ‌ܝ ܠܒ݂ܘܼܫܘܼ̈ܟ݂، ܡ̣ܢ ܩܲܨܪܵܐ ܕܓܪܲܡܦܝܼܠܵܐ ܣܝܼܡܹ̈ܐ ܕܩܝܼܬܵܪܹ̈ܐ ܩܵܡ ܡܲܚܕܝܼ ܠܘܼܟ݂.

⁹ܒܢܵܬܹ̈‌ܐ ܕܡܲܠܟܹ̈ܐ ܒܹܝܠܔ ܡܝܲܩܪ̈ܵܬܘܼܟ݂ ܝܼܢܵܐ، ܡܲܠܟܬܵ‌ܐ ܟܠܝܼܬܵ‌ܐ ܝܠܵܗ̇ ܒܝܲܡܝܼܢܘܼܟ݂ ܒܕܲܗܒ݂ܵܐ ܕܐܵܘܦܹܝܪ.

¹⁰ܫܡܹܥ، ܝܵܐ ܒܪܵܬܵ‌ܐ، ܘܚܙܝܼ، ܘܡܲܟܸܦ ܢܵܬܵܟ݂ܝ، ܘܢܫܝܼ ܥܲܡܵܟ݂ܝ ܘܒܲܝܬܵ‌ܐ ܕܒܵܒܵܟ݂ܝ،

¹¹ܕܫܲܗܘܸܬ ܡܲܠܟܵܐ ܠܫܘܼܦܪܵܟ݂ܝ، ܣܵܒܵܒ ܗ̇ܘ ܝܼܠܹܗ ܡܵܪܵܟ݂ܝ، ܡܲܟܸܦܝ ܓܵܢܵܟ݂ܝ ܐܸܠܹܗ.

¹²ܒܪܵܬܵ‌ܐ ܕܨܘܿܪ ܒܸܬ ܐܵܬܝܵܐ ܒܡܵܘܗܲܒ݂ܬܵ‌ܐ، ܘܦܵܬܵܟ݂ܝ ܒܸܬ ܛܵܥܝܼ ܥܲܬܝܼܪܹ̈ܐ ܕܥܲܡܵܐ.

¹³ܒܟܠܔ ܚܸܩܪܵܐ ܝܠܵܗ̇ ܒܪܵܬܵ‌ܐ ܕܡܲܠܟܵܐ ܓܵܘ ܩܲܨܪܵܐ، ܠܒ݂ܝܼܫܬܘܼܗ̇ ܡ̣ܢ ܙܩܘܼܪܹ̈ܐ ܕܕܲܗܒ݂ܵܐ.

¹⁴ܒܠܒ݂ܘܼܫܹ̈ܐ ܠܩܝܼܛܹ̈ܐ ܒܸܬ ܦܵܝܫܵܐ ܠܘܼܒܸܠܬܵ‌ܐ ܠܡܲܠܟܵܐ، ܩܲܪ̈ܝܼܒ݂ܝܵܬܹ‌ܐ ܒܬܘܼܠܵܬܹ̈‌ܐ ܕܒܵܬܪܘܼܗ̇ ܦܝܵܫܵܐ ܡܘܼܬܝܹܐ ܩܲܕܡܘܼܟ݂.

¹⁵ܒܸܬ ܦܵܝܫܝܼ ܠܘܼܒܠܹܐ ܒܚܲܕܘܼܬܵ‌ܐ ܘܦܨܵܚܬܵ‌ܐ، ܒܸܬ ܥܵܒ݂ܪܝܼ ܓܵܘ ܩܲܨܪܵܐ ܕܡܲܠܟܵܐ.

¹⁶ܒܫܵܘܦܵܐ ܕܒܵܒܵܘܵܬܘܼ̈ܟ݂ ܒܸܬ ܗܵܘܝܼ ܒܢܘܿܢܘܼ̈ܟ݂، ܡܲܬܒܸܬ ܠܗܘܿܢ ܪܹ̈ܝܫܵܢܹܐ ܒܟܠܵܗ̇ ܐܲܪܥܵܐ.

¹⁷ܒܸܬ ܡܲܕܟܸܪܸܢ ܫܸܡܘܼܟ݂ ܒܟܠܔ ܕܵܪܵܐ ܘܕܵܪܵܐ، ܒܘܼܬ ܐܵܗܵܐ، ܥܲܡܡܹ̈ܐ ܒܸܬ ܫܲܟܪܝܼ ܠܘܼܟ݂ ܠܥܵܠܲܡ ܥܵܠܡܝܼܢ.