ܡܙܡܘܪ̈ܐ 147:1-16

¹ܫܲܒܚܘܼܢ ܠܡܵܪܝܵܐ، ܣܵܒܵܒ ܨܦܵܝܝܼ ܝܠܵܗ̇ ܠܸܙܡܵܪܵܐ ܠܐܲܠܵܗܲܢ، ܣܵܒܵܒ ܒܲܣܝܼܡܬܵ‌ܐ ܝܠܵܗ̇؛ ܠܚܝܼܡܬܵ‌ܐ ܝܠܵܗ̇ ܐܸܠܹܗ ܬܸܫܒܘܿܚܬܵ‌ܐ.

²ܒܸܒܢܵܝܵܐ ܝܠܹܗ ܠܐܘܿܪܸܫܠܸܡ ܡܵܪܝܵܐ، ܒܘܼܪ̈ܒܸܙܹܐ ܕܐܝܼܣܪܵܐܹܝܠܔ ܓ̰ܲܡܘܼܥܵܝ ܝܠܹܗ.

³ܟܹܐ ܒܲܣܸܡ ܠܬܒ݂ܝܼܪܹ̈ܐ ܕܠܸܒܵܐ، ܘܟܹܐ ܐܵܣܹܪ ܕܲܪ̈ܒܵܬܵܝܗ‌ܝ.

⁴ܟܹܐ ܡܵܢܹܐ ܡܸܢܝܵܢܵܐ ܕܟܵܘܟ݂ܒܹ̈ܐ، ܠܟܠܵܝܗ‌ܝ ܟܹܐ ܩܵܪܹܐ ܫܸܡܵܢܹ̈ܐ.

⁵ܓܘܼܪܵܐ ܝܠܹܗ ܡܵܪܲܢ ܘܪܵܒܵܐ ܚܲܝܠܵܢܵܐ، ܠܦܲܪܡܲܝܬܹܗ ܠܲܝܬ ܬܚܘܼܡܵܐ.

⁶ܟܹܐ ܣܵܢܹܕ ܡܸܣܟܹܢܹ̈ܐ ܡܵܪܝܵܐ، ܟܹܐ ܡܲܟܸܦ ܪ̈ܲܫܝܼܥܹܐ ܗܲܠܔ ܐܲܪܥܵܐ.

⁷ܙܡܘܿܪܘܼܢ ܠܡܵܪܝܵܐ ܒܫܲܟܲܪܬܵ‌ܐ، ܙܡܘܿܪܘܼܢ ܠܐܲܠܵܗܲܢ ܒܟܸܢܵܪܵܐ.

⁸ܗ̇ܘ ܕܟܲܣܹܐ ܫܡܲܝܹ̈ܐ ܒܥܲܝܒܹ̈ܐ، ܗܲܕܸܪ ܩܵܐ ܐܲܪܥܵܐ ܡܸܛܪܵܐ، ܡܲܓ̰ܝܸܢ ܥܲܠܔ ܛܘܼܪܹ̈ܐ ܓܸܠܵܐ.

⁹ܝܵܗܒܹܠܔ ܠܒܸܩܪܵܐ ܡܹܐܟ݂ܘܼܠܬܵܝܗ‌ܝ، ܠܙܲܥܝܹ̈ܐ ܕܥܘܼܪܒ݂ܵܐ ܕܟܹܐ ܩܵܪܝܼ.

¹⁰ܠܵܐ ܒܓܲܒܵܪܘܼܬܵ‌ܐ ܕܣܘܼܣܵܐ ܟܹܐ ܒܵܣܡܵܐ ܠܹܗ، ܠܵܐ ܒܐܲܩܠܹ̈ܐ ܕܐܢܵܫܵܐ ܟܹܐ ܩܲܒܸܠܔ ܗܸܢܝܵܢܵܐ.

¹¹ܟܹܐ ܒܵܣܡܵܐ ܠܹܗ ܡܵܪܝܵܐ ܒܙܕܝܼܥܘܼ̈ܗ‌ܝ، ܒܐܵܢܝܼ ܕܣܵܦܪܝܼ ܠܛܲܝܒܘܼܬܹܗ.

¹²ܫܲܒܸܚܝ، ܝܵܐ ܐܘܿܪܸܫܠܸܡ، ܠܡܵܪܝܵܐ، ܡܲܐܣܸܩܝ ܗܲܠܸܠܘܼܝܵܐ ܠܐܲܠܵܗܵܟ݂ܝ، ܝܵܐ ܨܸܗܝܘܿܢ.

¹³ܣܵܒܵܒ ܚܘܼܠܸܢܵܝ ܠܹܗ ܕܵܒ݂ܪܹ̈ܐ ܕܕܲܪ̈ܘܵܙܵܟ݂ܝ، ܒܘܼܪܸܟ݂ ܠܹܗ ܠܒܢܘܿܢܵܟ݂ܝ̈ ܒܓܵܘܵܟ݂ܝ.

¹⁴ܟܹܐ ܡܲܬܸܒ݂ ܫܠܵܡܵܐ ܒܬܚܘܼܡܵܟ݂ܝ، ܒܫܲܡܝܼܢܘܼܬܵ‌ܐ ܕܚܸܛܹ̈ܐ ܟܹܐ ܡܲܣܒܸܥ ܠܵܟ݂ܝ.

¹⁵ܟܹܐ ܫܲܕܸܪ ܗܹܡܸܙܡܵܢܹܗ ܥܲܠܔ ܐܲܪܥܵܐ، ܓ̰ܲܠܕܹܐ ܟܹܐ ܪܵܚܹܛ ܚܲܒܪܹܗ.

¹⁶ܟܹܐ ܝܵܗܒܹܠܔ ܬܲܠܓܵܐ ܐܲܝܟ݂ ܥܲܡܪܵܐ، ܛܠܘܼܠܵܐ ܡܘܼܓܕܸܠܵܐ ܐܲܝܟ݂ ܩܸܛܡܵܐ ܟܹܐ ܒܵܙܹܩ.