ܡܙܡܘܪ̈ܐ 144:1-11

¹ܒܪܝܼܟ݂ܵܐ ܝܠܹܗ ܡܵܪܝܵܐ ܐܝܼܨܵܪܝܼ، ܕܡܘܼܠܦܵܝ ܠܹܗ ܐܝܼܕܵܬ‌ܝܼ̈ ܠܩܪܵܒ݂ܵܐ، ܘܨܸܒܥܵܬ‌ܝܼ̈ ܠܦܠܵܫܵܐ.

²ܛܲܝܒܘܼܬ‌ܝܼ ܘܚܸܣܢܝܼ، ܒܹܝܬ ܓܵܘܣܝܼ ܘܦܲܨܝܵܢܝܼ، ܡܵܛܵܠܝܼ ܕܒܝܼܹܗ ܫܩܝܼܠܔ ܠܝܼ ܓܵܘܣܵܐ، ܙܲܒܛܸܢܵܢܵܐ ܕܥܲܡܡܹ̈ܐ ܬܚܘܿܬ ܐܝܼܕܝܼ.

³ܝܵܐ ܡܵܪܝܵܐ، ܡܘܼܕܝܼ ܝܠܹܗ ܐܢܵܫܵܐ ܕܝܵܕܥܹܬ ܠܹܗ؟ ܒܲܪܢܵܫܵܐ ܕܚܵܫܒܹܬ ܠܹܗ؟

⁴ܐܢܵܫܵܐ ܠܢܫܲܡܬܵ‌ܐ ܟܹܐ ܕܵܡܹܐ، ܝܵܘܡܵܢܘܼ̈ܗ‌ܝ ܐܲܝܟ݂ ܛܸܠܵܢܝܼܬܵ‌ܐ ܥܵܒ݂ܪܵܢܬܵ‌ܐ ܝܢܵܐ.

⁵ܝܵܐ ܡܵܪܝܵܐ، ܡܲܟܸܦ ܫܡܲܝܘܼ̈ܟ݂ ܘܨܠܝܼ، ܕܩܘܿܪ ܒܛܘܼܪ̈ܵܢܹܐ ܕܬܲܢܬܸܢܝܼ.

⁶ܡܲܒܪܸܩ ܒܸܪܩܵܐ ܘܒܲܪܒܸܙ ܠܗܘܿܢ، ܫܲܕܸܪ ܓܹܐܪ̈ܘܼܟ݂ ܘܚܒ݂ܘܿܛ ܠܵܗ̇ ܥܲܠܵܝܗ‌ܝ.

⁷ܦܲܫܸܛ ܐܝܼܕܘܼ̈ܟ݂ ܡ̣ܢ ܡܪܵܘܡܵܐ، ܦܲܨܝܼ ܠܝܼ ܘܦܲܪܸܩ ܠܝܼ ܡ̣ܢ ܡ̈ܝܼܵܐ ܪܵܒܵܐ، ܡ̣ܢ ܐܝܼܕܵܐ ܕܢܘܼܟ݂ܪ̈ܵܝܹܐ،

⁸ܐܲܝܢܝܼ ܕܦܘܼܡܵܝܗ‌ܝ ܟܹܐ ܗܲܡܙܸܡ ܒܲܛܝܼܠܘܼܬܵ‌ܐ، ܘܝܲܡܝܼܢܵܝܗ‌ܝ ܝܲܡܝܼܢܵܐ ܕܕܘܼܓܠܵܐ ܝܠܵܗ̇.

⁹ܝܵܐ ܐܲܠܵܗܵܐ، ܙܡܵܪܬܵ‌ܐ ܚܲܕܬܵ‌ܐ ܒܸܬ ܙܵܡܪܹܢ ܐܸܠܘܼܟ݂، ܒܩܝܼܬܵܪܵܐ ܕܥܸܣܪܵܐ ܣܝܼܡܹ̈ܐ ܒܸܬ ܫܲܒܚܸܢ ܐܸܠܘܼܟ݂.

¹⁰ܗ̇ܘ ܕܟܹܐ ܝܵܗܒܹܠܔ ܦܘܼܪܩܵܢܵܐ ܠܡܲܠܟܹ̈ܐ، ܕܟܹܐ ܦܲܨܹܐ ܠܕܵܘܝܼܕ ܪܹܓܹܗ ܡ̣ܢ ܣܲܝܦܵܐ ܒܝܼܫܵܐ.

¹¹ܦܲܨܝܼ ܠܝܼ ܘܦܲܪܸܩ ܠܝܼ ܡ̣ܢ ܐܝܼܕܵܐ ܕܢܘܼܟ݂ܪ̈ܵܝܹܐ، ܐܲܝܢܝܼ ܕܦܘܼܡܵܝܗ‌ܝ ܟܹܐ ܗܲܡܙܸܡ ܒܲܛܝܼܠܘܼܬܵ‌ܐ، ܘܝܲܡܝܼܢܵܝܗ‌ܝ ܝܲܡܝܼܢܵܐ ܕܕܘܼܓܠܵܐ ܝܠܵܗ̇.