ܡܙܡܘܪ̈ܐ 132:5-18

⁵”ܗܲܠܔ ܕܡܲܫ݇ܟ̰ܚܸܢ ܕܘܼܟܬܵ‌ܐ ܩܵܐ ܡܵܪܝܵܐ، ܡܲܫܟܢܵܐ ܩܵܐ ܙܲܪܒܵܢܵܐ ܕܝܲܥܩܘܿܒ݂.“

⁶ܗܵܐ، ܫܡܝܼܥ ܠܲܢ ܒܘܼܬ ܕܝܼܘܼܗ̇ ܓܵܘ ܐܵܦܲܪܬܵ‌ܐ، ܡܘܼܫ݇ܟ̰ܚܵܐ ܠܲܢ ܓܵܘ ܚܲܩܠܵܢܹ̈ܐ ܕܡܲܝܫܵܐ،

⁷ܥܵܒ݂ܪܲܚ ܠܡܲܫܟܢܘܼ̈ܗ‌ܝ، ܣܵܓ݂ܕܲܚ ܠܓܹܒܵܐ ܕܟܘܼܒ݂ܫܵܐ ܕܐܲܩܠܘܼ̈ܗ‌ܝ،

⁸ܒܹܐܡܵܪܵܐ: ”ܩܘܼܡ، ܝܵܐ ܡܵܪܝܵܐ، ܠܢܝܵܚܬܘܼܟ݂، ܐܲܢ݇ܬ ܘܩܹܒ݂ܘܼܬܵ‌ܐ ܕܙܲܪܒܘܼܟ݂.

⁹”ܟܵܗܢܘܼ̈ܟ݂ ܠܵܒ݂ܫܝܼ ܙܲܕܝܼܩܘܼܬܵ‌ܐ، ܘܙܲܕܝܼܩܘܼ̈ܟ݂ ܫܲܒܚܝܼ.“

¹⁰ܒܘܼܬ ܕܵܘܝܼܕ ܪܹܓܘܼܟ݂، ܠܵܐ ܡܲܕܸܪܸܬ ܦܵܬܵ‌ܐ ܕܡܫܝܼܚܘܼܟ݂.

¹¹ܝܡܹܐ ܠܹܗ ܡܵܪܝܵܐ ܠܕܵܘܝܼܕ ܒܫܲܪܝܼܪܘܼܬܵ‌ܐ، ܘܠܹܐ ܕܵܐܹܪ ܡܸܢܘܼܗ̇: ”ܡ̣ܢ ܛܥܘܼܢܝܵܬܹ̈‌ܐ ܕܟܹܪ݇ܣܘܼܟ݂ ܒܸܬ ܡܲܬܒܸܢ ܥܲܠܔ ܟܘܼܪܣܝܘܼܟ݂.

¹²”ܐܸܢ ܢܵܛܪܝܼ ܒܢܘܿܢܘܼ̈ܟ݂ ܘܲܥܕܝܼ، ܘܣܵܗܕܘܵܬ‌ܝܼ̈ ܕܡܲܠܦܸܢܗܘܿܢ، ܐܘܼܦ ܒܢܘܿܢܵܝ̈ܗ‌ܝ ܠܥܵܠܲܡ ܒܸܬ ܝܵܬܒ݂ܝܼ ܥܲܠܔ ܟܘܼܪܣܝܘܼܟ݂.“

¹³ܣܵܒܵܒ ܓܘܼܒܹܐ ܠܹܗ ܡܵܪܝܵܐ ܠܨܸܗܝܘܿܢ، ܫܘܼܗܘܸܬ ܠܹܗ ܕܗܵܘܝܵܐ ܒܹܝܬ ܡܲܥܡܪܹܗ، ܒܹܐܡܵܪܵܐ:

¹⁴”ܐܵܗܵܐ ܝܠܵܗ̇ ܢܝܵܚܬ‌ܝܼ ܗܲܠܔ ܥܵܠܲܡ، ܠܲܐܟ݂ܵܐ ܒܸܬ ܝܵܬܒܹܢ ܣܵܒܵܒ ܫܘܼܗܘܸܬ ܠܝܼ ܐܸܠܘܼܗ̇.

¹⁵”ܡܹܐܟ݂ܘܼܠܬܘܼܗ̇ ܒܲܪܘܼܟܹܐ ܒܸܬ ܒܲܪܟܸܢ، ܣܢܝܼܩܘܼ̈ܗ̇ ܒܸܬ ܡܲܣܒܸܥܸܢ ܒܠܲܚܡܵܐ.

¹⁶”ܘܠܟܵܗܢܘܼ̈ܗ̇ ܒܸܬ ܡܲܠܒܸܫܸܢ ܦܘܼܪܩܵܢܵܐ، ܘܙܲܕܝܼܩܘܼ̈ܗ̇ ܫܲܒܲܚܬܵ‌ܐ ܒܸܬ ܫܲܒܚܝܼ.

¹⁷”ܬܵܡܵܐ ܒܸܬ ܡܲܩܸܡܸܢ ܚܲܝܠܵܐ ܠܕܵܘܝܼܕ، ܡܘܼܪܝܸܙ ܠܝܼ ܫܪܵܓ݂ܵܐ ܩܵܐ ܡܫܝܼܚܝܼ.

¹⁸”ܠܕܸܫ̃ܡܸܢܘܼ̈ܗ‌ܝ ܒܸܬ ܡܲܠܒܸܫܸܢ ܢܟ݂ܝܼܦܬܵ‌ܐ، ܐܝܼܢܵܐ ܥܲܠܘܼܗ‌ܝ ܒܸܬ ܦܵܩܹܚ ܬܵܓܹܗ.“