مَرَكِ 10:23-34

²³عِسَ نَشَ عَ يَ رَفٍ عَ رَبِلِنيِ، عَ قَ عَ مَسٍن عَ قْشِرَبِرّيٍ بّ، «سٌقٍ عَلَ شَ مَنفّيَ نِينِ بُن مَ، عَ شْرْشْ نَاقُلِ كَنيِيٍ بّ كِ قَنيِ!»

²⁴عَ قْشِرَبِرّيٍ نَشَ كَابَ عَ شَ وْيّنيِ مَ، كْنْ عِسَ مَن نَشَ عَ مَسٍن عٍ بّ، «ﭑ مَ دِيٍ، سٌقٍ عَلَ شَ مَنفّيَ نِينِ بُن مَ، عَ شْرْشْ كِ قَنيِ!

²⁵حْشْمّ سٌ حْشُن سّنبّ يَلٍ رَ، دِنّ بَننَمِشِ سٌقٍ رَ عَلَ شَ مَنفّيَ نِينِ بُن مَ.»

²⁶عِسَ قْشِرَبِرّيٍ دّ نَشَ عِشَرَ كِ قَنيِ رَ، عٍ نُ عٍ بٌرٍ مَشْرِن، «ندٍ قَ نْمَ كِسِدٍ قَ؟»

²⁷عِسَ نَشَ عٍ مَتٌ، عَ قَ عَ مَسٍن عٍ بّ، «عَدَ مَ مُ نْمَ عَ يّتّ رَكِسِدٍ، كْنْ عَلَ تَن نْمَ قٍ بِرِن نَ.»

²⁸ثِيّرِ نَشَ وْيّن قْلْ عِسَ بّ، «عَ مَتٌ، مُشُ بَرَ كٍلِ سٍ بِرِن شُن مَ، مُشُ بِرَ عِ قْشْ رَ.»

²⁹عِسَ نَشَ عَ مَسٍن، «ﭑ شَ نْندِ قَلَ وٌ بّ، مِشِ يٌ نَشَن نَ كٍلِ عَ شَ سٍ ندٍ شُن مَ ﭑ تَن نُن ﭑ مَ شِبَارُ قَنيِ شَ قٍ رَ، عَ قِندِ بَنشِ رَ بَ، شُنيَيٍ بَ، تَارَيٍ بَ، بَبَ بَ، نفَ بَ، دِيٍ بَ، بْشِيٍ بَ،

³⁰نَ كَنيِ قَمَ نَ بِرِن حْشْي كّمّ كّمّ نَن سْتْدٍ. قْشْييٍ يٌ، شُنيَيٍ يٌ، تَارَيٍ يٌ، بَبَيٍ يٌ، نفَيٍ يٌ، بْشِيٍ يٌ، عَ عٍ سْتْمَ يِ دُنِحَ مَ عَ نُن حَشَنكَتّ رَ، عَ مَن قَ عَبَدَن كِسِ سْتْ عَلِفِيَمَ.

³¹يَرٍرَتِ وُيَشِ قَمَ قِندِدٍ شَنبِرَتِيٍ رَ، شَنبِرَتِيٍ قَن قِندِ يَرٍرَتِيٍ رَ.»

³²عِسَ نُن عَ قْشِرَبِرّيٍ نَشَ كِرَ سُشُ تٍقٍ دَرِ سَلَمُ، عِسَ تِشِ عٍ يَ رَ. عَ قْشِرَبِرّيٍ نُ كْنتْقِلِشِ، نَشٍيٍ قَن نُ بِرَشِ عٍ قْشْ رَ، نٍيٍ قَن نُ فَاشُشِ. عِسَ مَن نَشَ عَ قْشِرَبِرّ قُ نُن قِرِن شُن لَن، عَ سٌ قٍ تَفِ رَبَقٍ عٍ بّ نَشَن قَمَ عَ تَن لِدٍ.

³³عَ نَشَ عَ مَسٍن، «وٌ عَ مَتٌ، وٌن نَ تٍقٍ دَرِ سَلَمُ نّ يِ كِ. عَدَ مَ شَ دِ سَمَ نّ سّرّشّدُبّ كُنتِفِيٍ، نُن سّرِيّ كَرَ مْشْيٍ بّلّشّ، عٍ عَ مَكِيتِ قَشّ كِيتِ رَ، عٍ عَ سٌ كَاقِرِيٍ يِ رَ.

³⁴عٍ عَ مَيٍلٍمَ نّ، عٍ دّيٍ بْشُن عَ مَ، عٍ عَ بْنبْ سّبّرّ رَ، عٍ مَن قَ عَ قَشَ. كْنْ عَ شَ قَشّ شِ سَشَن دَنفِ شَنبِ، عَ مَن كٍلِمَ نّ قَشّ مَ.»