1عِسَ تٌ بَكِ كُنكُي كُي، عَ نَشَ بَا عِفِرِ، عَ سٌ عَ شْنيِ تَا كُي.
2مِشِ ندٍيٍ نَشَ قَ نَمَتّ ندٍ رَ عِسَ شْن مَ، عَ سَشِ دَفِ مَ. عِسَ تٌ عٍ شَ دَنشَنِيَ تٌ، عَ نَشَ عَ قَلَ نَمَتّ بّ، «ﭑ مَ دِ، لِمَنِيَ تٌنفٌ، عِ شَ يُنُبِيٍ بَرَ شَقَرِ.»
3نَ كُي، سّرِيّ كَرَ مْشْ ندٍيٍ نَشَ عَ قَلَ عٍ بْحّ مَ، «يِ شّمّ نَ عَلَ رَ سْتْقٍ نّ يِ كِ.»
4كْنْ عِسَ تٌ نُ عٍ شَ مَحْشُنيِ كٌلٌن، عَ نَشَ عَ مَسٍن عٍ بّ، «مُنقٍ رَ مَحْشُنيِ كٌبِيٍ نَ وٌ بْحّ مَ؟
5وْيّنيِ مُندُن سْونّيَ، عَ قَلَقٍ ‹عِ شَ يُنُبِيٍ بَرَ شَقَرِ،› كَ عَ قَلَقٍ ‹كٍلِ، عِ شَ عِ حّرّ›؟
6ﭑ شَ عَ مَسٍن وٌ بّ عَ عَدَ مَ شَ دِ نْمَ يُنُبِ شَقَرِدٍ دُنِحَ مَ.» عِسَ نَشَ عَ مَسٍن نَمَتّ بّ، «كٍلِ، عِ شَ عِ شَ دَفِ تٌنفٌ، عِ شَ سِفَ عِ شْنيِ.»
7نَمَتّ نَشَ كٍلِ، عَ سِفَ عَ شْنيِ.
8حَمَ تٌ نَ تٌ، عٍ نَشَ فَاشُ، عٍ نُ قَ عَلَ مَتْشْ، نَشَن نَ سّنبّ مْولِ قِشِ عَدَ مَدِيٍ مَ.
9عِسَ تٌ كٍلِ نَ، عَ نَشَ شّمّ ندٍ تٌ نَشَن شِلِ مَتِيُ، عَ دْشْشِ دُوتِ مَشِلِدٍ. عِسَ نَشَ عَ قَلَ عَ بّ، «بِرَ ﭑ قْشْ رَ.» مَتِيُ نَشَ كٍلِ، عَ بِرَ عَ قْشْ رَ.
10لْشْ ندٍ عِسَ نُن عَ قْشِرَبِرّيٍ نُ نَ عٍ دّفٍقٍ مَتِيُ شْنيِ. دُوتِ مَشِلِيٍ نُن يُنُبِتْي فبٍفبٍ نَشَ قَ، عٍ بِرِن نَشَ عٍ دّفٍ قْلْ يِرٍ كٍرٍن.
11قَرِ سّنِيٍ تٌ نَ تٌ، عٍ نَشَ عِسَ قْشِرَبِرّيٍ مَشْرِن، «مُنقٍ رَ وٌ كَرَ مْشْ نُن دُوتِ مَشِلِيٍ نُن يُنُبِتْييٍ عٍ دّفٍمَ يِرٍ كٍرٍن؟»
12عِسَ تٌ نَ مّ، عَ نَشَ عَ قَلَ، «مِشِ يَلَنشِ هَيِ مُ نَ سٍرِبَ مَ. قُرٍ مَ نَن هَيِ نَ سٍرِبَ مَ.
13وٌ سِفَ، وٌ سَ قَهَامُي سْتْ يِ مَسٍنيِ مَ، ‹هِننّ رَقَن ﭑ مَ دَنفِقٍ سّرّشّ رَ.› ﭑ مُ قَشِ تِنشِنتْييٍ شَ شِلِدٍ. ﭑ قَشِ يُنُبِتْييٍ نَن شِلِدٍ.»
14نَ تّمُي عَننَبِ يَيَ قْشِرَبِرّيٍ نَشَ قَ عِسَ يِرٍ، عٍ عَ مَشْرِن، «مُنقٍ رَ مُشُ تَن نُن قَرِ سّنِيٍ سُنيِ سُشُمَ، كْنْ عِ قْشِرَبِرّيٍ تَن مُ سُنمَ؟»
15عِسَ نَشَ عٍ يَابِ، «فِنّقٍنيِ شَ قُتِشِرِ شُلُنيِ، عَ بٌورٍيٍ نْمَ سُننُندٍ عَ نَ عٍ قّ مَ تّمُي نَشّ؟ لْشْي قَمَ، فِنّقٍنيِ بَمَ نّ عٍ يِ رَ. نَ وَشَتِ تَن، عٍ سُنيِ سُشُمَ نّ.
16مِشِ يٌ مُ دُفِ قٌرِ لٌنثٌمَ دُفِ نّينّ رَ، شَ نَ مُ عَ رَ نَ دُفِ نّينّ شُنتُنيِ نَن دُفِ قٌرِ عِبّندُنمَ، دُفِ عِبْو دَنفِ عَ سِنفٍ رَ.
17مِشِ مَن مُ وّنِ نّينّ سَمَ لّبّ قٌرِ كُي، شَ نَ مُ عَ رَ نَ وّنِ نّينّ نَ قُنتُ، وّنِ لّبّ قٌرِ بُلَمَ نّ، وّنِ قِلِ، عَ سَسٍ قَن كَنَ. وّنِ نّينّ سَمَ لّبّ نّينّ نَن كُي، عَلَكٌ وّنِ يٌ، وّنِ سَسٍ يٌ، عٍ بِرِن شَ رَفَتَ عَ قَنيِ رَ.»
18عِسَ تٌ نُ نَ نَ قٍيٍ مَسٍنقٍ عٍ بّ، مَنفّ ندٍ نَشَ قَ، عَ سُيِدِ عِسَ بّ، عَ عَ قَلَ عَ بّ، «ﭑ مَ دِ فِنّ بَشِ قَشَدٍ يَ، كْنْ شَ عِ سِفَ، عِ نَشَ عِ بّلّشّ سَ عَ مَ، عَ مَن كٍلِمَ نّ.»
19عِسَ نَشَ كٍلِ، عٍ نُن عَ قْشِرَبِرّيٍ نَشَ بِرَ نَ مَنفّ قْشْ رَ.
20نَ تّمُي، فِنّ ندٍ نَشَن شَ كِكٍ وَلِ مُ نُ عَ عِتِمَ حّ قُ نُن قِرِن بُن مَ، عَ نَشَ قَ عِسَ شَنبِ رَ، عَ عَ بّلّشّ دِن عَ شَ دٌنمَ سَنبُنيِ رَ،
21بَرِ مَ عَ نُ عَ قَلَقٍ عَ يّتّ مَ، «شَ ﭑ نْ ﭑ بّلّشّ دِندٍ عِسَ شَ دٌنمَ فبَنسَن نَ، ﭑ يَلَنمَ نّ.»
22عِسَ تٌ عَ مَقِندِ، عَ فِنّ تٌ، عَ نَشَ عَ قَلَ عَ بّ، «ﭑ مَ دِ، لِمَنِيَ، عِ شَ دَنشَنِيَ بَرَ عِ رَيَلَن.» كٍرٍن نَ، فِنّ نَشَ يَلَن.
23عِسَ تٌ سٌ مَنفّ شْنيِ، عَ نَشَ حَمَ لِ نَا، عٍ سْنشْقٍ، شُلٍ قٍمَيٍ قَن بَرَ قَ حْن يِرٍ. عَ نَشَ عَ قَلَ عٍ بّ،
24«وٌ سِفَ، بَرِ مَ يِ فِنّدِ مّدِ مُ قَشَشِ. عَ نَ شِقٍ نّ.» عٍ نَشَ يٌ عَ مَ، عٍ عَ مَيٍلٍ.
25عَ تٌ حَمَ رَ مِنِ تَندٍ، عَ نَشَ سٌ بَنشِ كُي. عَ نَشَ فِنّدِ مّدِ بّلّشّ سُشُ، فِنّدِ مّدِ نَشَ كٍلِ.
26نَ شِبَارُ نَشَ يٍنسٍن نَ يِرٍ بِرِن نَ.
27عِسَ تٌ كٍلِ مّننِ، دْنشُي قِرِن نَشَ بِرَ عَ قْشْ رَ، عٍ نُ عٍ شُي عِتٍ عَ بّ، «دَوُدَ شَ دِ، كِنِكِنِ مُشُ مَ!»
28عِسَ تٌ سٌ بَنشِ، دْنشُييٍ نَشَ عٍ مَسٌ عَ رَ. عَ نَشَ عٍ مَشْرِن، «وٌ لَشِ عَ رَ عَ ﭑ نْمَ وٌ رَيَلَندٍ؟» عٍ نَشَ عَ يَابِ، «عِيٌ، مَرِفِ.»
29عِسَ نَشَ عَ بّلّشّيٍ سَ عٍ يَ مَ، عَ عَ قَلَ عٍ بّ، «وٌ وَشْنقٍ شَ رَبَ وٌ بّ عَلْ وٌ لَشِ عَ رَ كِ نَشّ.»
30عٍ يَيٍ نَشَ رَبِ كٍرٍن نَ. عِسَ نَشَ عَ مَتِنتِن عٍ رَ عَ شْرْشْي رَ، «مِشِ يٌ نَشَ يِ قٍ كٌلٌن.»
31كْنْ عٍ تٌ مِنِ، عٍ نَشَ سِفَ عِسَ شَ قٍ قَلَ رَ نَ بْشِ يِرٍ بِرِن.
32عِسَ نُن عَ قْشِرَبِرّيٍ تٌ نُ كٍلِقٍ نَا، مِشِ ندٍ نَشَ قَ شّمّ ندٍ رَ عَ شْن مَ حِننّ نُ بَرَ نَشَن قِندِ بٌبٌي رَ.
33عِسَ تٌ نَ حِننّ كٍرِ، بٌبٌي نَشَ وْيّن. حَمَ نَشَ كَابَ، عٍ عَ قَلَ، «يِ قٍ مْولِ سِنفٍ مُ نُ تٌ عِسِرَيِلَ بْشِ مَ.»
34كْنْ قَرِ سّنِيٍ تَن نَشَ عَ قَلَ، «عَ حِننّيٍ كٍرِ مَ حِننّ مَنفّ نَن سَابُي رَ.»
35عِسَ نَشَ تَايٍ بِرِن عِحّرّ، عَ شُنفبٍ نُن عَ شُرِ. عَ نُ مِشِيٍ شَرَنمَ عٍ شَ سَلِدٍيٍ كُي، عَ نُ عٍ كَوَندِ عَلَ شَ مَنفّيَ شَ شِبَارُ قَنيِ رَ، عَ نُ قُرٍ مَ مْولِ بِرِن نَيَلَن.
36عَ نُ حَمَ تٌمَ تّمُي نَشّ، عَ نُ كِنِكِنِمَ عٍ مَ، بَرِ مَ سّنبّ نُن لِمَنِيَ بِرِن نُ بَشِ عٍ يِ. عٍ نُ لُشِ نّ عَلْ يّشّي نَشٍيٍ مَكَنتَمَ مُ نَ.
37نَ كُي، عَ نَشَ عَ قَلَ عَ قْشِرَبِرّيٍ بّ، «شّ شَبَ وَلِ بٍلٍبٍلٍ نَن نَ، كْنْ وَلِكّيٍ تَن شُرُن.
38وٌ شّ كَنيِ مَشَندِ عَلَكٌ عَ شَ وَلِكّيٍ رَ سَنبَ عَ شَ شّ شَبَدٍ.»
