1عِسَ مَن نَشَ سٌ وْيّنقٍ عٍ بّ تَالِيٍ رَ. عَ نَشَ عَ مَسٍن،
2«عَلَ شَ مَنفّيَ مِسَالِشِ مَنفّ نَن نَ، نَشَن شُلُنيِ تِ عَ شَ دِ شَ قُتِ شِرِقٍ مَ، دٌنسٍ قَنيِ فبٍفبٍ دٌنمَ دّننَشّ.
3عَ نَشَ عَ شَ كٌنيِيٍ شّي عٍ شَ مِشِيٍ شِلِ، يِ قٍ بِنيّ نُ بَرَ رَفبِلٍن نَشٍيٍ مَ، كْنْ نَ مِشِيٍ مُ تِن قَدٍ.
4مَنفّ مَن نَشَ كٌنيِ فبّتّيٍ شّي، عٍ شَ عَ قَلَ نَ مِشِ مَشِلِشِيٍ بّ، ‹وٌ يَ تِ، دٌنسٍ بَرَ فّ رَقَلَدٍ، ﭑ بَرَ ﭑ مَ نِنفٍ بْرْفّشِيٍ قَشَ، قٍ بِرِن بَرَ فّ يَءِلَندٍ. وٌ قَ ﭑ مَ دِ شَ قُتِشِرِ شُلُنيِ.›
5كْنْ عٍ مُ شّيرَيٍ دَنشُن. ندٍيٍ نَشَ سِفَ عٍ شَ شّ يِرٍ، ندٍيٍ قَن نَشَ سِفَ عٍ شَ يُلّيَ رَبَدٍ.
6نَشٍيٍ لُ، عٍ نَشَ مَنفّ شَ كٌنيِيٍ سُشُ، عٍ عٍ حَشَنكَتَ، عٍ عٍ قَشَ.»
7«مَنفّ نَشَ شْنْ، عَ عَ شَ سْورِيٍ شّي، عَ عٍ شَ نَ قَشَتِيٍ بِرِن قَشَ، عٍ عٍ شَ تَا فَن.
8نَ دَنفِ شَنبِ، عَ نَشَ عَ قَلَ عَ شَ كٌنيِيٍ بّ، ‹ﭑ مَ دِ شَ قُتِشِرِ شُلُنيِ شَ قٍ بِرِن بَرَ فّ يَءِلَندٍ. دٌنسٍيٍ بِرِن نَقَلَشِ، كْنْ مِشِ نَشٍيٍ نُ مَشِلِشِ، عَ مُ دَشَ عٍ شَ نَ بِنيّ سْتْ.
9نَ كُي، وٌ شَ سِفَ تَا كُي، وٌ سَ مِشِيٍ شِلِ وٌ نَشٍيٍ يٌ تٌمَ نَا، عٍ شَ قَ ﭑ مَ دِ شَ قُتِشِرِ شُلُنيِ.›
10كٌنيِيٍ نَشَ مِنِ كِرَيٍ مَ، عٍ نَشَ مِشِ بِرِن شِلِ عٍ شَ قَ. مِشِ قَنيِ يٌ، مِشِ كٌبِ يٌ، عٍ بِرِن نَشَ قَ قُتِشِرِ شُلُنيِ، مَنفّ شْنيِ نَشَ رَقٍ حَمَ رَ.»
11«مَنفّ تٌ سٌ نَ مِشِ مَشِلِشِيٍ يَ مَ، عَ نَشَ شّمّ ندٍ تٌ شُلُنيِ دٌنمَ مُ نُ رَفٌرٌشِ نَشَن مَ.
12عَ نَشَ عَ قَلَ عَ بّ، ‹ﭑ مَ دِ، عِ سٌشِ بٍ دِ، عِ تٌ مُ مَشِرِشِ عَ شُلُنيِ كِ مَ؟› كْنْ شّمّ مُ نْ يَابِ يٌ قِدٍ.
13نَ كُي، مَنفّ نَشَ عَ قَلَ عَ شَ وَلِكّيٍ بّ، ‹وٌ عَ سَنيِيٍ نُن عَ بّلّشّيٍ شِرِ، وٌ عَ وٌلِ تَندٍ دِ مِ كُي، وَ نُن حِن مَشِنيِ نَ دّننَشّ.›
14مِشِ فبٍفبٍ مَشِلِشِ، كْنْ نَشٍيٍ سُفَندِشِ، عٍ شُرُن.»
15نَ تّمُي، قَرِ سّنِيٍ نَشَ سَ عٍ مَلَن، عٍ نَتّ تٌنفٌ عٍ فَنتَنيِ تٍمَ عِسَ بّ كِ نَشّ، عٍ شَ عَ مَسْتْ وْيّنيِ كُي.
16عٍ نَشَ عٍ قْشِرَبِرّيٍ نُن هٍرٌدٍ شَ مِشِ ندٍيٍ شّي عِسَ شْن. نٍيٍ نَشَ عَ قَلَ عِسَ بّ، «كَرَ مْشْ، مُشُ عَ كٌلٌن نْندِ قَلّ نَن عِ رَ. عِ مِشِيٍ شَرَنمَ عَلَ شَ كِرَ رَ عَ نْندِ كِ مَ. عِ مُ فَاشُمَ مِشِ يٌ شْن، بَرِ مَ عِ مُ مِشِ رَقِسَمَ عٍ بٌورٍيٍ بّ.
17نَ كُي، عَ قَلَ مُشُ بّ، عِ عَ تٌشِ دِ؟ عَ لَنمَ كَ عَ مُ لَنمَ مُشُ شَ دُوتِ قِ رْ مَ مَنفّ مَ؟»
18عِسَ تٌ نُ عٍ شَشِلِ كٌبِ كٌلٌن، عَ نَشَ عٍ يَابِ، «وٌ تَن قِلَنكَقُييٍ، وٌ كَتَقٍ ﭑ مَسْتْدٍ مُنقٍ رَ؟
19وٌ كْبِرِ كٌلٍ مَسٍن ﭑ بّ دُوتِ قِمَ نَشَن نَ.» عٍ نَشَ فبٍتِ كٌلٍ رَ مِنِ عَ بّ.
20عِسَ نَشَ عٍ مَشْرِن، «ندٍ شِلِ نُن ندٍ مِسَالِ نَ يِ كْبِرِ كٌلٍ مَ يِ كِ؟»
21عٍ نَشَ عَ يَابِ، «رْ مَ مَنفّ.» عَ قَن نَشَ عَ قَلَ عٍ بّ، «وٌ مَنفّ فبٍ رَفبِلٍن مَنفّ مَ، وٌ عَلَ قَن فبٍ رَفبِلٍن عَلَ مَ.»
22عٍ تٌ عَ شَ يَابِ مّ، عٍ نَشَ كَابَ. عٍ نَشَ كٍلِ عَ شُن، عٍ سِفَ.
23نَ لْشْي كٍرٍنيِ، سَدُ سٍنِيٍ نَشَ قَ عِسَ شْن. عٍ تَن نَن عَ قَلَمَ عَ قَشَمِشِيٍ مُ كٍلِمَ قَشّ مَ. عٍ نَشَ عِسَ مَشْرِن،
24«كَرَ مْشْ، عَننَبِ مُنسَ عَ مَسٍن نّ، ‹شَ شّمّ ندٍ تَارَ قَشَ، عَ نَشَ عَ شَ فِنّ لُ عَ مُ دِ يٌ بَرِ، عَ نَ شُنيَ نَن نَ فِنّ دْشْمَ، عَلَكٌ عَ شَ بْنسْي قِ عَ تَارَ مَ.›
25نَ كُي، شّمّ ندٍ نَشَ دِ شّمّ سٌلٌقٍرٍ سْتْ مُشُ يَ مَ بٍ. عَ شَ دِ سِنفٍ نَشَ فِنّ دْشْ، عَ قَشَ، عَ مُ بْنسْي يٌ لُ. عَ شَنبِرَتٌي نَشَ عَ شَ كَاحّ فِنّ تٌنفٌ،
26كْنْ نَ قَن نَشَ قَشَ، عَ مُ بْنسْي يٌ لُ. نَ نَن مَن نَبَ نَ قَن شَنبِرَتٌي رَ، عَ نُن نَ مِشِ نَانِ دْنشْي بِرِن. عٍ بِرِن نَشَ قَشَ، عٍ سٍسٍ مُ بْنسْي لُ.
27عَ دْنشْي رَ، فِنّ قَن نَشَ قَشَ.
28نَ كُي، مَرَكٍلِ لْشْي، نَ فِنّ تٌ دْشْشِ يِ مِشِ سٌلٌقٍرٍ بِرِن شْن مَ، عَ قِندِ مَ ندٍ فبٍ رَ؟»
29عِسَ نَشَ عٍ يَابِ، «وٌ نَ تَنتَنيِ كُي، بَرِ مَ وٌ مُ كِتَابُي كٌلٌن، وٌ مُ عَلَ سّنبّ قَن كٌلٌن.
30مِشِيٍ نَ كٍلِ قَشّ مَ مَرَكٍلِ لْشْي، شّمّ مُ فِنّ دْشْمَ، فِنّ قَن مُ دْشْمَ شّمّ شْن. عٍ لُمَ نّ عَلْ مَلٍكّيٍ نَ عَرِيَننَ كِ نَشّ.
31عَ قَلَقٍ تَن، عَ قَشَمِشِيٍ مُ كٍلِمَ قَشّ مَ، عَلَ نَشَن مَسٍن وٌ بّ، وٌ مُ نُ عَ شَرَن؟
32عَ عَ مَسٍن نّ، ‹ﭑ تَن نَن نَ مَرِفِ عَلَتَلَ رَ، عِبُرَهِمَ، عِسِيَفَ، نُن يَشُبَ نَشَن بَتُمَ.› قَشَمِشِيٍ شَ مُ عَلَ بَتُمَ، قٌ مِشِ حِحّ.»
33حَمَ تٌ عِسَ شَ يَابِ مّ، عٍ نَشَ كَابَ عَ شَ قَسَرِ مَ.
34قَرِ سّنِيٍ تٌ عَ مّ عَ عِسَ نُ بَرَ سَدُ سٍنِيٍ دّ بَلَن يَابِ قَنيِ رَ، عٍ نَشَ عٍ مَلَن.
35عَلَ شَ سّرِيّ لْننِلَ ندٍ نُ نَ عٍ يَ مَ. نَ نَشَ كَتَ عِسَ مَسْتْدٍ مَشْرِنيِ رَ، عَ نَشّ،
36«كَرَ مْشْ، يَامَرِ مُندُن تِدٍ فبٌ عَ بِرِن بّ تَوُرٍتَ مُنسَ كُي؟»
37عِسَ نَشَ عَ يَابِ، «‹عِ شَ عِ مَرِفِ عَلَ شَنُ عِ بْحّ بِرِن نَ، عِ نِي بِرِن نَ، عَ نُن عِ شَشِلِ بِرِن نَ.›
38نَ نَن تِدٍ فبٌ، عَ قِندِ يَامَرِ سِنفٍ نَن نَ عَلَ شَ سّرِيّ بِرِن يَ مَ.
39عَ قِرِن ندٍ مَنِيَ نَ سِنفٍ رَ، ‹عِ شَ عِ نفَشَكٍرٍنيِ شَنُ عَلْ عِ عِ يّتّ شَنُشِ كِ نَشّ.›
40تَوُرٍتَ مُنسَ نُن نَمِحْنمّيٍ شَ سّرِيّ بِرِن فبَكُشِ يِ يَامَرِ قِرِن نَن نَ.»
41قَرِ سّنِيٍ تٌ نُ مَلَنشِ نَا، عِسَ نَشَ عٍ قَن مَشْرِن،
42«وٌ عَلَ شَ مِشِ سُفَندِشِ شَ قٍ تٌشِ دِ؟ ندٍ شَ دِ عَ رَ؟» عٍ نَشَ عَ يَابِ، «دَوُدَ نَن شَ دِ عَ رَ.»
43عِسَ قَ عٍ مَشْرِن، «مُنقٍ رَ قَ، عَلَ شَشِلِ سّنِيّنشِ سَابُي رَ، دَوُدَ يّتّ نَشَ عَلَ شَ مِشِ سُفَندِشِ شِلِ ‹ﭑ مَرِفِ›؟ عَ تَن دَوُدَ نَشَ عَ مَسٍن،
44‹مَرِفِ بَرَ عَ مَسٍن ﭑ مَرِفِ بّ، “ِ مَفٌرٌ ﭑ يِرٍقَنيِ مَ، هَن بٍيمَنُن ﭑ شَ عِ يَشُييٍ رَفٌرٌ عِ سَنيِ بُن.”›»
45«شَ دَوُدَ يّتّ يَتِ نَشّ عَ بّ ‹ﭑ مَرِفِ›، عَ تَن عَلَ شَ مِشِ سُفَندِشِ نْمَ قِندِدٍ دَوُدَ شَ دِ رَ دِ؟»
46مِشِ يٌ مُ نْ يَابِ يٌ قِدٍ. قْلْ نَ لْشْي مَ، مِشِ يٌ مُ سُو سَ مَشْرِنيِ تِدٍ عِسَ مَ سْنْن.
