لٍوِ سّرّشّدُبّ 7:19-35

¹⁹«سّرّشّ سُبٍ نَشَن دِنمَ سٍ سّنِيّنتَرٍ رَ، عَ مُ لَنمَ نَ سُبٍ شَ دٌن. قٌ عَ شَ فَن نّ فبِكِ. مِشِ سّنِيّنشِ نَن نْمَ نَ شَنُنتٍيَ سّرّشّ سُبٍ دٌندٍ،

²⁰كْنْ سّنِيّنتَرٍ مُ نْمَ ﭑ تَن عَلَتَلَ شَ شَنُنتٍيَ سّرّشّ دٌندٍ، عَ رَ مِنِمَ نّ عِسِرَيِلَ حَمَ يَ مَ.

²¹مِشِ نَشَن عَ بّلّشّ دِنمَ سٍ سّنِيّنتَرٍ رَ نَشَن كٍلِشِ عَدَ مَدِ مَ، شَ نَ مُ عَ رَ عَ بّلّشّ دِن سُبٍ سّنِيّنتَرٍ رَ، شَ نَ مُ عَ رَ سٍ فبّتّ نَشَن مُ سّنِيّنشِ، شَ نَ كَنيِ قَ ﭑ تَن عَلَتَلَ شَ شَنُنتٍيَ سّرّشّ دٌن، عَ رَ مِنِمَ نّ عِسِرَيِلَ حَمَ يَ مَ.»

²²عَلَتَلَ نَشَ عَ مَسٍن عَننَبِ مُنسَ بّ،

²³«عَ قَلَ عِسِرَيِلَكَيٍ بّ، ‹وٌ نَشَ نِنفٍ، يّشّي، نُن سِ تُرٍ دٌن.

²⁴وٌ نْمَ شُرُ سٍ تُرٍ رَوَلِدٍ عَلْ وٌ وَ مَ عَ شْن مَ كِ نَشّ شَ عَ قَشَ عَ يّتّ مَ، شَ نَ مُ عَ رَ سُبٍ شَاحّ ندٍ نَشَ عَ قَشَ، كْنْ وٌ مُ نْمَ عَ دٌندٍ.

²⁵نَشَن يٌ تُرٍ دٌنمَ، نَشَن نْمَ رَوَلِدٍ سّرّشّ فَن دَاشِ رَ ﭑ تَن عَلَتَلَ بّ، نَ كَنيِ رَ مِنِمَ نّ عِسِرَيِلَ حَمَ يَ مَ.

²⁶وٌ مَن مُ لَنمَ وٌ شَ شْنِ وُلِ، شَ نَ مُ عَ رَ شُرُ سٍ وُلِ يٌ مِن يِرٍ بِرِن وٌ نَ دّننَشّ.

²⁷نَشَن يٌ وُلِ مِنمَ، نَ كَنيِ رَ مِنِمَ نّ عِسِرَيِلَ حَمَ يَ مَ.›»

²⁸عَلَتَلَ نَشَ عَ مَسٍن عَننَبِ مُنسَ بّ،

²⁹«عَ قَلَ عِسِرَيِلَكَيٍ بّ، ‹نَشَن شَنُنتٍيَ سّرّشّ بَمَ ﭑ تَن عَلَتَلَ بّ، عَ شَ ﭑ تَن عَلَتَلَ فبٍ قِ ﭑ مَ.

³⁰عَ شَ نَ شُرُ سٍ تُرٍ نُن عَ سِسِ شَنِن ﭑ تَن عَلَتَلَ يِرٍ عَلَكٌ عَ شَ فَن تّ رَ ﭑ تَن عَلَتَلَ بّ. عَ لَنمَ عَ شَ نَ شُرُ سٍ سِسِ لِنتَن ﭑ تَن عَلَتَلَ يَ عِ عَ مَسٍنقٍ رَ ﭑ بّ، نَ قِندِشِ ﭑ تَن نَن فبٍ رَ.

³¹سّرّشّدُبّ شَ نَ تُرٍ فَن سّرّشّبَدٍ قَرِ. نَ شُرُ سٍ كَنكٍ لُمَ هَرُنَ نُن عَ شَ دِيٍ نَن بّ.

³²وٌ شَ شَنُنتٍيَ سّرّشّيٍ كُي، وٌ مَن شَ شُرُ سٍ يِرٍقَنيِ تَبٍ قِ سّرّشّدُبّ مَ.

³³شُرُ سٍ يِرٍقَنيِ تَبٍ شَ قِندِ سّرّشّدُبّ نَن فبٍ رَ نَشَن بَرَ وُلِ نُن تُرٍ بَ شَنُنتٍيَ سّرّشّ رَ.

³⁴ﭑ بَرَ نَتّ تٌنفٌ نَشَن مُ كَنَمَ عَبَدَن، عِسِرَيِلَكَيٍ شَ شَنُنتٍيَ سّرّشّيٍ كُي، عٍ شُرُ سٍ كَنكٍ نَشَن لِنتَنشِ ﭑ تَن عَلَ يَ عِ، عَ نُن شُرُ سٍ يِرٍقَنيِ تَبٍ عٍ نَشَن بَشِ، نَ بِرِن شَ قِندِ سّرّشّدُبّ هَرُنَ نُن عَ شَ دِيٍ فبٍ رَ.

³⁵كَبِ هَرُنَ نُن عَ شَ دِيٍ قِندِ ﭑ تَن عَلَ شَ سّرّشّدُبّيٍ رَ، عٍ نَ نَن سْتْمَ ﭑ تَن عَلَتَلَ شَ سّرّشّ فَن دَاشِيٍ يَ مَ.