لٍوِ سّرّشّدُبّ 7:1-13

¹«يّتّ رَفبِلٍن سّرّشّ سّرِيّ نَن يَ؛ سّرّشّ سّنِيّنشِ نَ عَ رَ.

²يّتّ رَفبِلٍن سّرّشّ كْن نَشَبَمَ سّرّشّ فَن دَاشِ كْن نَشَبَدٍ نّ. عَ وُلِ شَ كَسَن سّرّشّبَدٍ سّيتِيٍ مَ.

³عَ تُرٍ بِرِن، عَ شُلِ، عَ تُرٍ نَشَن نَ عَ قُرِنفّ سّيتِ مَ،

⁴عَ فُنفُي قِرِنيِ، عٍ تُرٍ، نُن لَارٍ نَشَن نَ عَ بْحّ مَ، نَ بِرِن شَ بَ سّرّشّ رَ.

⁵سّرّشّدُبّ شَ نَ بِرِن فَن سّرّشّبَدٍ قَرِ سّرّشّ فَن دَاشِ رَ عَلَتَلَ بّ. يّتّ رَفبِلٍن سّرّشّ نَ عَ رَ.

⁶شّمّ سّرّشّدُبّيٍ نَن نَ دٌنمَ يِرٍ سّنِيّنشِ كُي، بَرِ مَ سّرّشّ سّنِيّنشِ نَ عَ رَ.

⁷يُنُبِ شَقَرِ سّرّشّ نُن يّتّ رَفبِلٍن سّرّشّ، عٍ سّرِيّ بِرِن كٍرٍن. سّرّشّدُبّ نَشَن نَ شُنسَرٍ سّرّشّ بَشِ، عَ تَن نَن نَ سُبٍ دٌنمَ.

⁸سّرّشّ فَن دَاشِ كِرِ قَن لُمَ سّرّشّدُبّ يِ رَ نَشَن نَ بَشِ سّرّشّ رَ.»

⁹«سَنسِ شْرِ دِنشِ سّرّشّ نَشَن فَنشِ نُن نَشَن فِلِنشِ، عٍ قَن قِندِ مَ سّرّشّدُبّ نَن فبٍ رَ، نَشَن عٍ بَشِ سّرّشّ رَ.

¹⁰سَنسِ شْرِ دِنشِ سّرّشّ نَشَن مُ فَنشِ، تُرٍ فبَنسَن نَن سَشِ عَ مَ، شَ نَ مُ عَ رَ تُرٍ مُ سَشِ عَ مَ، نٍيٍ قِندِ مَ هَرُنَ شَ دِ بِرِن نَن فبٍ رَ.»

¹¹«شَنُنتٍيَ سّرّشّيٍ سّرِيّ نَن يَ، نَشَن بَمَ ﭑ تَن عَلَتَلَ بّ.

¹²شَ مِشِ ندٍ وَ مَ تَنتُي سّرّشّ بَقٍ، عَ مَن شَ تَامِ لّبِنِتَرٍيٍ يَءِلَن تُرٍ رَ، عَ نُن تَامِ شُنشُرِيٍ تُرٍ سَشِ نَشٍيٍ مَ، نُن تَامِ شُنشُرِ نَشٍيٍ رَ مُلَنشِ تُرٍ رَ.

¹³عَ نَ شَنُنتٍيَ سّرّشّ بَمَ تّمُي نَشّ، نَشَن قِندِشِ تَنتُي سّرّشّ رَ، عَ شَ تَامِ قَن حِن لّبِنِ نَ نَشَن شُن.