لٍوِ سّرّشّدُبّ 22:22-33

²²وٌ نَشَ شُرُ سٍ يٌ بَ نَشَن يَ مُ قَن، نَشَن مَشْنْشِ، نَشَن مَبّنشِ، قُرٍ نَ نَشَن كِرِ مَ. وٌ نَشَ نَ مْولِ سَ ﭑ تَن عَلَتَلَ شَ سّرّشّبَدٍ قَرِ، عَ شَ قِندِ سّرّشّ فَن دَاشِ رَ.

²³عِ نْمَ نِنفٍ، شَ نَ مُ عَ رَ يّشّي كّحَ حَاشِ بَدٍ حَنِفٍ سّرّشّ رَ، كْنْ عِ مُ نْمَ نَ بَدٍ لَايِدِ رَكَمَلِ سّرّشّ رَ دٍ.

²⁴وٌ نَشَ شُرُ سٍ بَنَشِ، شّمّيَ كَنَشِ، شَ نَ مُ عَ رَ شّمّيَ مُ نَشَن بّ، بَ سّرّشّ رَ ﭑ تَن عَلَتَلَ بّ. وٌ نَشَ نَ مْولِ بَ سّرّشّ رَ وٌ شَ بْشِ مَ.

²⁵وٌ نَشَ نَ شُرُ سٍ مْولِ رَ سُشُ شْحّيٍ يِ رَ، وٌ شَ عٍ بَ سّرّشّ رَ وٌ مَرِفِ عَلَ بّ، بَرِ مَ عٍ قَتٍ مُ قَنشِ، عٍ مُ كَمَلِشِ. ﭑ تَن عَلَ مُ نٍيٍ رَ سُشُمَ.»

²⁶عَلَتَلَ نَشَ عَ مَسٍن عَننَبِ مُنسَ بّ،

²⁷«نِنفٍ يْرّ، يّشّي يْرّ، نُن سِ يْرّ نَ بَرِ، عٍ شَ لُ عٍ نفَ بُن مَ شِ سٌلٌقٍرٍ، بٍينُ عٍ شَ قِندِ سّرّشّ فَن دَاشِ رَ ﭑ تَن عَلَتَلَ بّ.

²⁸وٌ نَشَ نِنفٍ، شَ نَ مُ عَ رَ يّشّي، نُن عَ شَ دِ كْن نَشَبَ لْشْي كٍرٍن كُي.»

²⁹«وٌ شَ تَنتُي سّرّشّ بَ ﭑ تَن عَلَتَلَ بّ عَ بَ كِ مَ عَلَكٌ ﭑ شَ عَ سُشُ.

³⁰وٌ شَ نَ سّرّشّ دٌن نَ لْشْي يَتِ، عَ نَشَ لُ هَن فّيسّفّ. عَلَتَلَ نَن ﭑ نَ.»

³¹«وٌ شَ ﭑ مَ يَامَرِيٍ رَبَتُ، وٌ شَ عٍ سُشُ. عَلَتَلَ نَن ﭑ نَ.

³²وٌ نَشَ ﭑ شِلِ سّنِيّنشِ كَنَ. عِسِرَيِلَكَيٍ بِرِن شَ عَ كٌلٌن ﭑ سّنِيّن. عَلَتَلَ نَن ﭑ نَ، نَشَن وٌ رَ سّنِيّنمَ.

³³ﭑ تَن نَن وٌ رَ مِنِ مِسِرَ بْشِ رَ، ﭑ شَ قِندِ وٌ مَرِفِ عَلَ رَ. عَلَتَلَ نَن ﭑ نَ.»