كِيتِسَيٍ 4:6-21

⁶دٍبٌرَ نَشَ كٍدٍ سِكَ عَبِنٌوَ مِ شَ دِ بَرَكِ شِلِ، نَشَن نُ نَ نَقَتَلِ بْنسْي شَ بْشِ مَ، عَ قَ عَ قَلَ عَ بّ، «عِسِرَيِلَ مَرِفِ عَلَتَلَ يِ يَامَرِ نَن سٌشِ عِ يِ رَ. عِ شَ نَقَتَلِكَيٍ نُن سَبُلٌنكَيٍ شّمّ وُلُ قُ شَنِن تَبٌرٌ فٍيَ قَرِ.

⁷ﭑ قَمَ سِسٍرَ، يَبِنِ شَ سْورِ مَنفّ، بّندُندٍ عِ مَ كِسٌن شُرٍ مَبِرِ. ﭑ عَ شَ سْورِ بِرِن نُن عٍ رَفِسٍيٍ سَمَ نّ عِ سَفٌ.»

⁸بَرَكِ نَشَ عَ قَلَ عَ بّ، «شَ وٌن بِرِن نَن عَ رَ، ﭑ سِفَمَ، كْنْ شَ وٌن بِرِن مُ عَ رَ، ﭑ مُ سِفَمَ قٍوٌ.»

⁹دٍبٌرَ نَشَ عَ يَابِ، «نَ كُي، وٌن بِرِن نَن سِفَمَ، كْنْ عِ مُ قَمَ مَتْشْي يٌ سْتْدٍ نَ كُي، بَرِ مَ عَلَتَلَ قَمَ سِسٍرَ سَدٍ فِنّ ندٍ نَن سَفٌي.» نَ تّمُي، دٍبٌرَ نُن بَرَكِ نَشَ سِفَ كٍدٍ سِ.

¹⁰بَرَكِ نَشَ نَقَتَلِكَيٍ نُن سَبُلٌنكَيٍ مَشِلِ كٍدٍ سِ. شّمّ مِشِ وُلُ قُ نَشَ بِرَ عَ قْشْ رَ. دٍبٌرَ قَن نُ نَ عٍ يَ مَ.

¹¹هٍبٍرِ كٍنِكَ نُ بَرَ فبِلٍن عَ بْنسْي قْشْ رَ، نَشَن قِندِ شٌبَبٌ شَ دِيٍ رَ، عَننَبِ مُنسَ بِتَنيِ شّمّمَ. هٍبٍرِ نُ بَرَ عَ شَ كِرِ بَنشِ تِ سَانَنِمِ، وُرِ بٍلٍبٍلٍ ندٍ بُن، كٍدٍ سِ قّ مَ.

¹²مِشِ ندٍ تٌ عَ قَلَ سِسٍرَ بّ، عَ عَبِنٌوَ مِ شَ دِ بَرَكِ بَرَ تٍ تَبٌرٌ فٍيَ قَرِ،

¹³عَ نَشَ عَ شَ سْورِ بِرِن نُن عَ شَ سْورِ رَفِسٍ كّمّ سٌلٌمَنَانِ شُن لَن كِسٌن شُرٍ، كٍلِقٍ شَرٌ سٍتِ فٌيِمِ.

¹⁴نَ تّمُي دٍبٌرَ نَشَ عَ قَلَ بَرَكِ بّ، «كٍلِ، تٌ عَلَتَلَ قَمَ سِسٍرَ سَدٍ عِ سَفٌي. عَلَتَلَ نَن تِمَ عِ يَ رَ.» بَرَكِ نَشَ فٌرٌ تَبٌرٌ فٍيَ قَرِ، شّمّ مِشِ وُلُ قُ بِرَشِ عَ قْشْ رَ.

¹⁵عَلَتَلَ نَشَ سِسٍرَ نُن عَ شَ سْورِ بِرِن نَفِ بَرَكِ شَ سَنتِدّفّمَ شّحّنشِ يَ رَ. سِسٍرَ نَشَ فٌرٌ عَ شَ سْورِ رَفِسٍ كُي، عَ عَ فِ عَ سَنيِ رَ.

¹⁶بَرَكِ نَشَ سِسٍرَ شَ فٍرٍ سٌي كٍرِ هَن شَرٌ سٍتِ فٌيِمِ، عٍ شَ سْورِ رَفِسٍيٍ كُي. بَرَكِ شَ سْورِيٍ نَشَ عٍ بِرِن قَشَ سَنتِدّفّمَ رَ، مِشِ كٍرٍن مُ لُ.

¹⁷سِسٍرَ نَشَ عَ فِ عَ سَنيِ رَ، عَ سَ عَ نْشُن يَيٍلِ شَ كِرِ بَنشِ كُي، هٍبٍرِ كٍنِكَ شَ فِنّ. عَ نَ رَبَشِ نّ بَرِ مَ لَنيِ نُ نَ شَسٌرِ مَنفّ يَبِنِ نُن هٍبٍرِ كٍنِكَ شَبِلّ تَفِ.

¹⁸يَيٍلِ نَشَ مِنِ سِسٍرَ يَ رَ، عَ قَ عَ قَلَ عَ بّ، «ﭑ مَرِفِ، قَ بٍ، عِ نْشُن ﭑ شْنيِ، هَلِ عِ مُ فَاشُ.» عَ نَشَ سَ عَ نْشُن يَيٍلِ شَ كِرِ بَنشِ كُي سَدٍ دُفِ بُن مَ.

¹⁹سِسٍرَ نَشَ عَ قَلَ يَيٍلِ بّ، «ﭑ بَرَ عِ مَشَندِ، ﭑ كِ يٍ رَ، ﭑ شَ عَ مِن. يٍ شْلِ نَ ﭑ مَ.» يَيٍلِ نَشَ شِحّ سَسٍ دّ رَبِ، عَ عَ سٌ عَ يِ. سِسٍرَ تٌ عَ مِن، يَيٍلِ نَشَ فبِلٍن عَ مَكٌتٌ رَ.

²⁰عَ مَن نَشَ عَ قَلَ يَيٍلِ بّ، «تِ كِرِ بَنشِ سٌدٍ دّ رَ. شَ مِشِ ندٍ قَ سَ عِ مَشْرِن عَ قَلَقٍ رَ، ‹مِشِ ندٍ مُ سٌشِ بٍ؟›، عِ شَ نَ كَنيِ يَابِ، ‹عَدٍ.›»

²¹هٍبٍرِ شَ فِنّ يَيٍلِ نَشَ كِرِ بَنشِ مَبَنبَن وُرِ ندٍ تٌنفٌ، دّرّ مَ سُشُشِ عَ يِ. شِ شْلِ نُ بَرَ فّ سِسٍرَ نْدٍ تَفَنيِ سَابُي رَ. عَ نَشَ عَ مَكْرّ سِسٍرَ رَ دْيِن، عَ قَ نَ وُرِ بَنبَن عَ فبّفبّ شْنيِ مَ هَن عَ سْتِ بْشِ. سِسٍرَ نَشَ قَشَ كٍرٍن نَ.