عِسِرَيِلَ مَنفّيٍ ١ 7:23-50

²³عَ نَشَ يٍ سَسٍ شُنفبٍ دِفِلِنشِ يَءِلَن يْشُي رَ. عَ دّ عِفبٌي حْنفْن يَ قُ، عَ عِتٍ حْنفْن يَ سُولِ، عَ شَ رَدِفِلِنيِ حْنفْن يَ تٌنفٌ سَشَن.

²⁴نَ يٍ سَسٍ دّ رَبِلِنيِ بُنيِ، نِنفٍ مَنِيّ نُ مَسٌلِشِ عَ مَ عٍ رَدْشْشِ عٍ بٌورٍ رَ عَ رَبِلِنيِ بِرِن مَ. نِنفٍ قُ نَ حْنفْن يَ كٍرٍن مَ، سُولِ عَ قَرِ، سُولِ عَ بُن. نِنفٍيٍ يٌ، يٍ سَسٍ يٌ، نَ بِرِن يَءِلَنشِ كٍرٍنيِ نَن نَ.

²⁵نَ يٍ سَسٍ نُ دْشْشِ نِنفٍ مَنِيّ فبّتّ قُ نُن قِرِن قَرِ. سَشَن يَ رَقِندِشِ كْولَ بِرِ، سَشَن يَ رَقِندِشِ سٌفٍفٌرٌدٍ بِرِ، سَشَن يَ رَقِندِشِ يِرٍقَنيِ بِرِ، سَشَن يَ رَقِندِشِ سٌفٍتٍدٍ بِرِ. نَ يٍ سَسٍ نَشَن نُ شِلِ «بَا» نُ دْشْشِ نَ نِنفٍيٍ قَرِ، عٍ يَ رَقِندِشِ تَندٍ مَ.

²⁶نَ يٍ سَسٍ شَ مَرَبِنيٍ نُ قِندِشِ سُشُ كٍرٍن نَن نَ. عَ دّ كِرِ مَسٌلِشِ مَنِيّ سَنسِ قُفٍ تٌقَنيِ رَ. يٍ قِقَ كّمّ سٌلٌقٍرٍ قِقَ تٌنفٌ سُولِ نُ نْمَ سَدٍ عَ كُي.

²⁷عَ نَشَ عٍ سَنبُنيِ قُ يَءِلَن. عٍ بِرِن نُ كُيَ حْنفْن يَ نَانِ، عٍ عِفبٌ حْنفْن يَ نَانِ، عَ عِتٍ حْنفْن يَ سَشَن.

²⁸عٍ نَ سَنبُنيِيٍ رَقَلَ كِ نَشّ، وُرٍ رَلّنقّتّنشِيٍ نُ نَ وُرٍ فبّتّ نَانِ تَفِ.

²⁹يّتّ مِسَالِيٍ، نِنفٍ مِسَالِيٍ، نُن مَلٍكّ مِسَالِيٍ نُ يَءِلَنشِ نَ وُرٍ رَلّنقّتّنشِيٍ مَ، عَ نُن ثِرِنتِ فبّتّيٍ.

³⁰وُرٍ دِفِلِنشِ نَانِ نُ نَ سَنبُنيِ كٍرٍن كٍرٍن مَ بّ عَ تِ سٍ رَ، نَشٍيٍ نُ شِرِشِ عٍ بٌورٍ رَ وُرٍ فبٍيلِ قِرِن نَ. وُرٍ ندٍ نُ نَ نَ تُشُي نَانِيٍ مَ يٍ سَسٍ بُن مَ. نَ بِرِن نُ يَءِلَنشِ تّمُي كٍرٍنيِ نَن نَ.

³¹سٍ دِفِلِنشِ ندٍ نُ نَ يٍ سَسٍ نُ دْشْشِ نَشَن كُي. نَ عِتٍ حْنفْن يَ كٍرٍن سَنبُنيِ بّ، عَ عِفبٌ حْنفْن يَ كٍرٍن نُن عَ تَفِ. سٍ ندٍيٍ نُ مَسٌلِشِ نَ مَ. نَ وُرٍ رَلّنقّتّنشِيٍ مُ نُ دِفِلِنشِ، عٍ سّيتِ نَانِيٍ بِرِن شَ مَنِيّ نُ لَن.

³²نَ وُرٍ دِفِلِنشِ نَانِ نَشٍيٍ نُ نَ عَ يٍ مَشَنِن سٍ تُشُي نَانِيٍ رَ، عٍ عِتٍ حْنفْن يَ كٍرٍن نُن عَ تَفِ، قِرِن نُ شِرِشِ عٍ بٌورٍ رَ وُرٍ فبٍيلِ رَ.

³³نَ وُرٍ دِفِلِنشِيٍ مَنِيّ سْورِ رَفِسٍ سَنيِيٍ رَ. عٍ بِرِن نُ يَءِلَنشِ وُرٍ فبٍيلِ رَ تّمُي كٍرٍنيِ رَ.

³⁴سٍ ندٍ نُ نَ تُشُي نَانِيٍ بِرِن نَ نَشٍيٍ نُ سّنبّ قِمَ عٍ مَ.

³⁵سٍ دِفِلِنشِ ندٍ نُ نَ يٍ سَسٍ دْشْدٍ كُي. نَ عِتٍ سَنبُنيِ بّ حْنفْن يَ كٍرٍن. سَنبُنيِيٍ قُفٍ، عَ كِلْندٍيٍ نُن عَ وُرٍ رَلّنقّتّنشِيٍ بِرِن نُ يَءِلَنشِ وُرٍ فبٍيلِ نَن نَ تّمُي كٍرٍنيِ رَ.

³⁶مَلٍكّ مِسَالِيٍ، يّتّ مِسَالِيٍ، نُن تُفِ مِسَالِيٍ نُ يَءِلَنشِ نَ كٍبٍلَيٍ مَ، نُن سٍ فبّتّيٍ.

³⁷يٍ مَشَنِن سٍ قُ نُ يَءِلَنشِ كِ كٍرٍنيِ رَ نَ كِ نّ وُرٍ فبٍيلِ رَ. عٍ بِرِن نُ لَن.

³⁸شِرَ مِ يٍ سَسٍ قُ يَءِلَن نّ وُرٍ فبٍيلِ رَ، نَشٍيٍ نُ دْشْشِ نَ يٍ مَشَنِن سٍ قُ قَرِ. يٍ لِتِرِ وُلُ كٍرٍن كّمّ سٍننِ حْندْن نُ سَمَ كَنكَن كُي. يٍ سَسٍ نُ عِفبٌ حْنفْن يَ نَانِ.

³⁹عَ نَشَ يٍ مَشَنِن سٍيٍ دْشْ عَلَتَلَ شَ هْرْ مْبَنشِ سّيتِيٍ مَ، سُولِ كْولَ بِرِ، سُولِ يِرٍقَنيِ بِرِ. نَ يٍ سَسٍ بٍلٍبٍلٍ نَشَن نُ شِلِ «بَا،» عَ نَشَ نَ دْشْ بَنشِ يِرٍقَنيِ مَ، عَ مَكْرّ عَ سٌفٍتٍدٍ بِرِ رَ.

⁴⁰شُرَ مِ نَشَ يٍ سَسٍيٍ، تّ شُبٍ كْ سٍيٍ نُن تُندٍيٍ يَءِلَن. نَ كُي، شُرَ مِ نَشَ فّ مَنفّ سُلٍمَنِ شَ وَلِيٍ رَ عَلَ شَ هْرْ مْبَنشِ شَ قٍ رَ. نَ وَلِيٍ نَن يَ؛

⁴¹كِنكِ قِرِنيِيٍ، عٍ شُنيِ تٌقَنشِيٍ، سٍ رَشُنمَسٍ نَشٍيٍ عٍ قَرِ،

⁴²كْوبّ بٌفِ مَنِيّ كّمّ نَانِ فبَكُشِ عٍ رَ، كْوبّ بٌفِ مَنِيّ سَقّ قِرِن سٍ رَشُنمَسٍ كٍرٍن مَ كِنكِيٍ شُنيِ رَ،

⁴³سُنبُي مَشَنِن سٍ قُ،

⁴⁴يٍ سَسٍ شُنفبٍ نَشَن شِلِ «بَا،» نِنفٍ قُ نُن قِرِن مِسَالِ نَشٍيٍ نَ يٍ سَسٍ شُنفبٍ بُن مَ،

⁴⁵تُندٍيٍ، ثٍلِيٍ، ثَانِيٍ. شُرَ مِ سٍ نَشٍيٍ بِرِن يَءِلَن مَنفّ سُلٍمَنِ بّ عَلَتَلَ شَ بَنشِ شَ قٍ رَ، عَ عٍ يَءِلَن وُرٍ فبٍيلِ رَشُنُشِ نَن نَ.

⁴⁶مَنفّ نُ نَ يْشُي رَشُنُ يُرُدّن مّرّ يِرٍ نّ، سُكْتِ نُن سَرَتَن تَفِ.

⁴⁷مَنفّ سُلٍمَنِ نَ بِرِن يَءِلَن وُرٍ فبٍيلِ نَن نَ، نَشَن شَ فبٌي شَسَبِ مُ نُ نْمَ كٌلٌندٍ.

⁴⁸سُلٍمَنِ سٍ فبٍفبٍ يَءِلَن نّ عَلَ شَ بَنشِ بّ، عَلْ سّرّشّبَدٍ شّيمَ دَاشِ، تٍيبِلِ شّيمَ دَاشِ ندٍ تَامِ سّرّشّ سَمَ دّننَشّ،

⁴⁹لَنثُي دْشْ سٍ شّيمَ دَاشِيٍ نَشٍيٍ دّشّمَ يِرٍ سّنِيّنشِ كُي سّرِيّ كِ مَ، عَ قُفٍ مِسَالِشِيٍ، لَنثُييٍ، تّ شُبٍ كْ سٍ شّيمَ دَاشِيٍ،

⁵⁰ثَانِيٍ، قِنّيٍ، ثْوتِ تٌقَنيِيٍ، ثِلٍتِيٍ، كٌلٌثْوتِ شّيمَ قَنيِ دَاشِيٍ، عَلَ شَ هْرْ مْبَنشِ شَ نَادّيٍ فبَكُ سٍ شّيمَ دَاشِيٍ، نَشٍيٍ نُ نَ يِرٍ سّنِيّنشِ قِسَمَنتٍ سٌدٍ دّ رَ نُن هْرْ مْبَنشِ سٌدٍ دّ رَ.