عَننَبِ يٌوٍلِ 4

1

2

3

4

¹نَ تّمُي، ﭑ نَ يُدَ نُن دَرِ سَلَمُ رَفبِلٍن عٍ شْنيِ،

²ﭑ سِ بِرِن مَلَنمَ نّ يٍهٌسَقَتِ فُلُنبَ كُي. مّننِ ﭑ عٍ مَكِيتِمَ نّ ﭑ مَ حَمَ عِسِرَيِلَ شَ قٍ رَ، نَشٍيٍ قِندِشِ ﭑ كّ تٌنفٌمَيٍ رَ. دُنِحَ سِ نَشٍيٍ رَيٍنسٍن يّ حَمَنّيٍ مَ، عٍ ﭑ مَ بْشِ عِتَشُن عٍ بٌورٍ مَ،

³عٍ ﭑ مَ حَمَ رَبَ عٍ سَفٌ رَ. عٍ شّمّ دِ مّيٍ مَتِ لَنفٌيحَ سَرٍ رَ، عٍ فِنّ دِ مّيٍ مَتِ بٍيرٍ سَرٍ رَ عَلَكٌ عٍ شَ سِيسِ.

⁴«وٌ تَن تِرٍكَيٍ، سِدْنكَيٍ، نُن قِلِسِتَكَيٍ، وٌ وَ مَ مُنسٍ شْن مَ ﭑ بّ؟ وٌ وَ مَ وٌ فبٍ نَن حْشْقٍ ﭑ مَ؟ شَ نَ نَ عَ رَ، ﭑ وٌ سَرٍ قِمَ نّ وٌ شَ وَلِ رَ مَقُرٍن مَقُرٍن.

⁵وٌ بَرَ ﭑ مَ شّيمَ نُن ﭑ مَ فبٍتِ تٌنفٌ ﭑ مَ هْرْ مْبَنشِ كُي، وٌ قَ عَ رَ سٌ وٌ شَ كُيٍ بَنشِيٍ كُي.

⁶وٌ بَرَ يُدَكَيٍ نُن دَرِ سَلَمُكَيٍ مَتِ فِرّكِكَيٍ مَ، عَلَكٌ عٍ شَ مَكُيَ عٍ شْنيِ رَ.»

⁷«ﭑ عٍ رَ مَشَمَ نّ عَلَكٌ عٍ شَ كٍلِ يِرٍ وٌ عٍ مَتِشِ دّننَشّ، ﭑ قَ وٌ سَرٍ قِ وٌ شَ وَلِ حَاشِ رَ.

⁸ﭑ وٌ شَ دِ شّمّيٍ نُن دِ فِنّيٍ مَتِمَ نّ يُدَكَيٍ مَ، عَلَكٌ عٍ قَن شَ عٍ مَتِ سٍبَكَيٍ مَ نَشٍيٍ مَكُيَ وٌ رَ.» عَلَتَلَ شَ مَسٍنيِ نَن نَ كِ.

⁹«وٌ يِ قَلَ دُنِحَ سِيٍ بّ؛ ‹وٌ شَ قٍ يَءِلَن فٍرٍ شِلِ مَ، وٌ شَ وٌ شَ سْورِيٍ مَلَن. فٍرٍ سٌي بِرِن شَ عٍ مَسٌ، عٍ شَ فٍرٍ رَكٍلِ!

¹⁰وٌ شَ وٌ شَ كٍرِيٍ يَءِلَن سَنتِدّفّمَيٍ رَ، وٌ شَ وٌ شَ وْرْتّيٍ قَن يَءِلَن تَنبّيٍ رَ. سّنبّتَرٍ شَ عَ قَلَ، «ﭑ سّنبّ فبٌ!»

¹¹وٌ شَ قَ بٍ، وٌ تَن سِ نَشٍيٍ نَ مُشُ رَبِلِنيِ.›» عَلَتَلَ، عِ شَ سْورِيٍ رَفٌرٌ مّننِ قَ!

¹²سِيٍ شَ كٍلِ، عٍ شَ مَلَن يٍهٌسَقَتِ فُلُنبَ كُي، بَرِ مَ ﭑ عٍ بِرِن مَكِيتِمَ نّ.

¹³وٌ شَ وْرْتّيٍ تٌنفٌ، بَرِ مَ شّ بَرَ مْ! وٌ شَ وّنِ بٌفِ بُندُ، بَرِ مَ عٍ بَرَ فبٌ يّ، مِشِيٍ شَ حَاشُحَ شَ قٍ رَ.

¹⁴حَمَيٍ، وٌ شَ فٌرٌ كِيتِسَ فُلُنبَ كُي، بَرِ مَ عَلَتَلَ شَ لْشْي بَرَ مَكْرّ نَا.

¹⁵سٌفٍ نُن كِكٍ دِ مِمَ نّ، تُنبُييٍ مُ يَنبَمَ سْنْن.

¹⁶عَلَتَلَ قَمَ نّ عَ شَاحّ شُي رَ مِنِدٍ كٍلِقٍ سِيٌنِ، عَ شُي مَفَاشُشِ مِنِمَ نّ كٍلِقٍ دَرِ سَلَمُ. كٌورٍ نُن بْشِ سّرّنمَ نّ، كْنْ عَلَتَلَ قِندِشِ كَنتَرِ نَن نَ عَ شَ حَمَ بّ، عَ قِندِ يِرٍ مَكَنتَشِ رَ عِسِرَيِلَ بّ.

¹⁷نَ كُي، وٌ عَ كٌلٌنمَ عَ ﭑ تَن نَن وٌ مَرِفِ عَلَتَلَ رَ، نَشَن يِفِيَشِ ﭑ مَ فٍيَ سّنِيّنشِ سِيٌنِ قَرِ. دَرِ سَلَمُ قِندِ مَ يِرٍ سّنِيّنشِ نَن نَ، سِ فبّتّيٍ مُ مّننِ فٍرٍ مَ سْنْن.

¹⁸نَ لْشْي، وّنِ نّينّ نُن شِحّ فبٌمَ نّ فٍيَيٍ مَ. يٍ تٌمَ نّ يُدَيَ بِرِن مَ، يٍ دُلٌنيِ بُلَمَ نّ عَلَتَلَ شَ بَنشِ كُي، عَ فٌرٌ كَسِيَ فُلُنبَ كُي.

¹⁹كْنْ مِسِرَ بْشِ لُمَ نّ كَنَ رَ، عٍدٌن قِندِ فبٍنفبٍرٍنيِ رَ فبَلٌي شَ قٍ رَ، عٍ نَشَن دْشْ يُدَكَيٍ مَ عٍ قَشَقٍ رَ قُقَقُ.

²⁰كْنْ حَمَ سَبَتِمَ نّ يُدَيَ نُن دَرِ سَلَمُ وَشَتِ بِرِن.

²¹ﭑ عٍ شَ يُنُبِ شَقَرِ مَ نّ عٍ نُ بَرَ نَشَن نَبَ. ﭑ تَن عَلَتَلَ، ﭑ يِفِيَمَ سِيٌنِ نّ.