سَمُوٍلِ ١ 14:36-43

³⁶نَ تّمُي سْلُ نَشَ عَ قَلَ، «وٌن شَ بِرَ نَ قِلِسِتَكَيٍ قْشْ رَ تٌ كْي رَ يَتِ. وٌن شَ عٍ تُشُنسَن هَن سُبَشّ، وٌن نَشَ مِشِ كٍرٍن لُ نَ.» سْورِيٍ نَشَ عَ يَابِ، «وٌن شَ عَ رَبَ عَلْ عِ وَ مَ عَ شْن مَ كِ نَشّ.» سّرّشّدُبّ نَشَ عَ قَلَ، «وٌن شَ عَلَ مَشْرِن سِندٍن.»

³⁷نَ كُي سْلُ نَشَ عَلَ مَشْرِن، «عَ لَنمَ ﭑ شَ بِرَ قِلِسِتَكَيٍ قْشْ رَ؟ عِ تَن عٍ سَمَ نّ عِسِرَيِلَ بّلّشّ؟» كْنْ نَ لْشْي، عَلَ مُ عَ يَابِ.

³⁸سْلُ نَشَ عَ شَ سْورِ فَلِ شُنيِيٍ شِلِ، عَ عَ قَلَ عٍ بّ، «وٌ شَ عَ مَتٌ يُنُبِ نَشَن نَبَشِ تٌ.

³⁹ﭑ بَرَ ﭑ كَلِ عِسِرَيِلَ رَكِسِمَ عَلَتَلَ رَ، هَلِ ﭑ مَ دِ يٌنَتَن نَن عَ رَبَشِ، ﭑ نَ عَ قَشَمَ نّ.» حَمَ بِرِن يَ مَ، مِشِ يٌ مُ عَ يَابِ.

⁴⁰عَ نَشَ عَ قَلَ عِسِرَيِلَ حَمَ بّ، «وٌ تِ مّننِ، ﭑ تَن نُن ﭑ مَ دِ يٌنَتَن، مُشُ تِمَ بٍبِرِ.» حَمَ نَشَ عَ يَابِ، «عِ وَشْنيِ رَبَ.»

⁴¹نَ تّمُي سْلُ نَشَ عَلَتَلَ مَشَندِ، «عِسِرَيِلَ مَرِفِ عَلَ، كِيتِ سَ مُشُ تَفِ.» عَلَتَلَ نَشَ عَ مَسٍن عَ كِيتِ قَنشِ حَمَ نَن بّ، عَ مُ قَنشِ سْلُ نُن يٌنَتَن بّ.

⁴²سْلُ مَن نَشَ عَلَتَلَ مَشَندِ كِيتِ شَ سَ عَ تَن نُن يٌنَتَن تَفِ. نَ كُي كِيتِ مُ قَنشِ يٌنَتَن بّ.

⁴³سْلُ نَشَ عَ شَ دِ يٌنَتَن مَشْرِن، «عِ مُنسٍ رَبَشِ؟» يٌنَتَن نَشَ عَ يَابِ، «ﭑ كُمِ ندٍ نَن كْن، ﭑ نَشَن تٌنفٌ ﭑ مَ يِسُشُوُرِ رَ. ﭑ تَن نَن يِ كِ، عِ شَ ﭑ قَشَ.»