رْ مَ 16:5-22

⁵وٌ مَن شَ دَنشَنِيَتْي حَمَ شّيبُ نَشَن عٍ مَلَنمَ عٍ شْنيِ. وٌ شَ ﭑ شَنُنتٍنيِ عٍثٍنٍتٌ شّيبُ ﭑ بّ. عَ تَن نَن سِنفٍ دَنشَنِيَ عَلَ شَ مِشِ سُفَندِشِ مَ عَسِ بْشِ مَ.

⁶وٌ شَ مَرِيَمَ شّيبُ ﭑ بّ، نَشَن بَرَ وَلِ وٌ يَ مَ كِ قَنيِ.

⁷وٌ شَ ﭑ بٌورٍ يُوِقِيٍ عَندِرٌنِكُ نُن يُنِيَ شّيبُ، مُشُ نُن نَشٍيٍ بَرَ سَ فٍيلِ. عَلَ شَ شّيرَيٍ نَن عٍ رَ، نَشٍيٍ بَرَ كٌلٌن عَ قَنيِ رَ، نَشٍيٍ سِنفٍ دَنشَنِيَ ﭑ بّ عَلَ شَ مِشِ سُفَندِشِ مَ.

⁸وٌ شَ عَنثِلِيَتُ شّيبُ ﭑ بّ، ﭑ شَنُنتٍنيِ مَرِفِ قْشْ رَ.

⁹وٌ شَ مُشُ وَلِبٌورٍ عُرُبَنٌ نُن ﭑ شَنُنتٍنيِ سِتَشُسِ شّيبُ.

¹⁰وٌ شَ عَثّلّسِ شّيبُ، نَشَن بَرَ عَ شَ دَنشَنِيَ مَسٍن عَلَ شَ مِشِ سُفَندِشِ مَ. وٌ شَ عَرِ سِتٌبُلٌ شَ مِشِيٍ شّيبُ ﭑ بّ.

¹¹وٌ شَ ﭑ بٌورٍ يُوِقِ هٍرٌدِيٌن شّيبُ ﭑ بّ. وٌ شَ نَرِ سِسٌ شَ مِشِيٍ شّيبُ ﭑ بّ، نَشٍيٍ دَنشَنِيَشِ مَرِفِ مَ.

¹²وٌ شَ تِرِقٍنَ نُن تِرِقٌسَ شّيبُ ﭑ بّ. فِنّيٍ نَشٍيٍ عٍ رَ، عٍ وَلِمَ مَرِفِ بّ. وٌ شَ ﭑ شَنُنتٍنيِ ثٍرٍ سِدِ شّيبُ. عَ قَن بَرَ وَلِ مَرِفِ بّ كِ قَنيِ.

¹³وٌ رُقُ شّيبُ، نَشَن سُفَندِشِ مَرِفِ شَ قٍ كُي. وٌ عَ نفَ قَن شّيبُ ﭑ بّ، نَشَن بَرَ لُ ﭑ بّ عَلْ ﭑ قَن نفَ.

¹⁴وٌ شَ عَسِنكِرِتٌ، قٍلٍفٌن، هٍرٍ مّسِ، ثَتِرٌبَ، نُن هٍرٍ مَسِ شّيبُ ﭑ بّ، عَ نُن نفَشَكٍرٍنيِيٍ بِرِن نَشٍيٍ نَ عٍ شْنيِ.

¹⁵وٌ شَ قِلٌلٌفٌ، يُلِ، نٍرٍوُ نُن عَ مَافِنّ شّيبُ، عَ نُن عٌلِمِثَ نُن سّنِيّنتْي بِرِن نَشٍيٍ نَ عٍ شْنيِ.

¹⁶وٌ شَ وٌ بٌرٍ شّيبُ سُنبُي سّنِيّنشِ رَ. عَلَ شَ مِشِ سُفَندِشِ شَ دَنشَنِيَتْي حَمَيٍ بِرِن وٌ شّيبُ.

¹⁷ﭑ نفَشَكٍرٍنيِيٍ، ﭑ شَ وٌ رَ سِ، وٌ شَ وٌ يّتّ رَتَنفَ مِشِيٍ مَ، نَشٍيٍ لَنيِ كَنَمَ وٌ تَفِ، عٍ نُ قَ مِشِ رَتَنتَن شَرَنيِ مَ وٌ بَرَ نَشَن سْتْ. وٌ شَ وٌ مَكُيَ عٍ رَ.

¹⁸نَ مِشِ مْولِيٍ مُ وَلِمَ وٌن مَرِفِ عَلَ شَ مِشِ سُفَندِشِ شَ بّ. عٍ بِرَ مَ عٍ يّتّ قُرِ نَن قْشْ رَ، عٍ نُ قَ لْننِتَرٍيٍ مَدَشُ وْيّن حْشُنمّيٍ نُن مَتْشْي رَ.

¹⁹مِشِ بِرِن عَ كٌلٌن عَ وٌ عَلَ شُي رَبَتُمَ. ﭑ حّلّشِنشِ وٌ رَ، كْنْ عَ شْلِ ﭑ مَ وٌ شَ قَهَامُي سْتْ قٍ قَنيِ مَ، وٌ نَشَ وٌ مَنْشْ قٍ كٌبِ رَ.

²⁰عَلَ، عَ تَن نَشَن بْحّسَ قِمَ، عَ فبٍ مُ لُشِ عَ شَ سٍنتَنّ عِبُتُشُن وٌ سَنيِ بُن. وٌن مَرِفِ عِسَ شَ هِننّ وٌ رَ.

²¹ﭑ وَلِبٌورٍ تِمٌتٍ وٌ شّيبُ، عَ نُن لُسُسِ، يَسٌن، نُن سٌسِثَتٍرِ، ﭑ بٌورٍ يُوِقِيٍ.

²²ﭑ تَن تٍرِتِيٌ نَشَن بَرَ يِ بَتَاشّ سّبّ، ﭑ قَن بَرَ وٌ شّيبُ مَرِفِ شِلِ رَ.