تَرُشُي 26:2-14

²«مَنفّ عَفِرِثَ، تٌ ﭑ حّلّشِنشِ ﭑ مَ قٍ رَقِيشّقٍ رَ يُوِقِيٍ ﭑ كَلَمُشِ نَشَن مَ.

³عِ عٍ شَ دِينّ نُن عٍ شَ سّرِيّ كٌلٌن كِ قَنيِ رَ. عَوَ يَندِ، عِ شَ عِ تُلِ مَتِ ﭑ نَ.

⁴كَبِ ﭑ دِ مّدِ تّمُي، ﭑ نُ نَ دَرِ سَلَمُ ﭑ بْنسْي يَ مَ. يُوِقِ بِرِن ﭑ حّرّ كِ كٌلٌن

⁵عَ رَكُيَ. عٍ مَن عَ كٌلٌن قَرِ سّنِ نَن نُ ﭑ نَ دِينّلَ تَفِ نَشٍيٍ شَ قٍ مَشْرْشْ. عٍ نْمَ نَ سٍيدٍحْشْيَ بَدٍ.

⁶يَكْسِ، عٍ ﭑ نَكِيتِقٍ بَرِ مَ ﭑ لَشِ عَلَ شَ لَايِدِ رَ عَ نَشَن تٌنفٌشِ مُشُ بٍنبَيٍ بّ،

⁷مُشُ بْنسْي قُ نُن قِرِنيِ نَشَن مَمّقٍ. عٍ عَلَ بَتُمَ تّمُي بِرِن، كْي نُن يَنيِ. ﭑ لَشِ نَ لَايِدِ نَن نَ. مَنفّ، يُوِقِيٍ ﭑ كَلَمُشِ نَ نَن مَ.

⁸وٌ نْمَ لَدٍ عَ رَ عَ عَلَ مِشِ قَشَشِيٍ رَكٍلِمَ؟»

⁹«ﭑ تَن كَتَ نّ كِرَ مْولِ بِرِن نَ ﭑ شَ عِسَ نَسَرّتِكَ شِلِ كَنَ.

¹⁰ﭑ نَ نَن نَبَ دَرِ سَلَمُ. سّرّشّدُبّ كُنتِفِيٍ نَشَ تِن ﭑ شَ سّنِيّنتْي وُيَشِ سَ فٍيلِ كُي. ﭑ مَن نَشَ تِن عٍ شَ قَشَ.

¹¹ﭑ نُ سِفَمَ سَلِدٍ بَنشِيٍ كُي عَلَكٌ ﭑ شَ عٍ تْورْ، عٍ شَ فبِلٍن عٍ شَ دَنشَنِيَ قْشْ رَ. ﭑ مَ شْنّ كُي، ﭑ نُ عٍ تْورْ هَلِ تَا فبّتّيٍ كُي.»

¹²«سّرّشّدُبّ كُنتِفِيٍ نَشَ تِن ﭑ شَ سِفَ دَ مَسِ نَ قٍ مَ.

¹³مَنفّ، يَنيِ تَفِ ﭑ نَشَ يَنبّ تٌ كِرَ شْن مَ كٍلِقٍ كٌورٍ، ﭑ تَن نُن ﭑ بٌورٍيٍ رَبِلِنيِ. عَ يَنبّ نُ دَنفِ سٌفٍ رَ.

¹⁴مُشُ نَشَ بِرَ بْشِ مَ. ﭑ نَشَ شُي ندٍ مّ نَشَن نُ عَ قَلَمَ ﭑ بّ عٍبُرُ شُي، ‹سْلُ، سْلُ، مُنقٍ رَ عِ ﭑ حَشَنكَتَمَ؟ نَ قٍ شْرْشْمَ نّ عِ بّ.›