تَرُشُي 13:1-27

¹نَمِحْنمّيٍ نُن كَرَ مْشْيٍ نُ نَ عَنتِيْكِ دَنشَنِيَتْي حَمَ تَفِ؛ بَرَنَبَسِ، سِمٍيْن نَشَن شِلِ سَ نِفٍرِ، لُسُسِ سِرٍنِكَ، مَنَهّن، نُن سْلُ. مَنَهّن نُن مَنفّ هٍرٌدٍ نَن شُرُ يِرٍ كٍرٍن.

²عٍ تٌ نُ مَرِفِ بَتُقٍ، عٍ مَن نُ سُنقٍ، عَلَ شَشِلِ سّنِيّنشِ نَشَ عَ قَلَ عٍ بّ، «وٌ بَرَنَبَسِ نُن سْلُ تِ ﭑ بّ عٍ شَتِ مَ، وَلِ شَ قٍ مَ ﭑ عٍ شِلِشِ نَشَن مَ.»

³عَوَ، عٍ تٌ فّ سُندٍ، نُن عَلَ مَشَندِدٍ، عٍ نَشَ عٍ بّلّشّ سَ بَرَنَبَسِ نُن سْلُ مَ، عٍ شَ عٍ تَشُ عَلَ رَ. نَ شَنبِ، عٍ نَشَ عٍ بّحِن، عٍ سِفَ.

⁴عَلَ شَشِلِ سّنِيّنشِ تٌ بَرَنَبَسِ نُن سْلُ شّي، عٍ نَشَ فٌرٌ سٍلُسِيَ، عٍ قَ بَكِ كُنكُي كُي سِفَقٍ رَ سِثِرِ سُرِ مَ.

⁵عٍ تٌ سٌ سَلَمِن، عٍ نَشَ سٌ عَلَ شَ مَسٍنيِ كَوَندِقٍ يُوِقِيٍ شَ سَلِدٍ كُي. يَيَ نَن نُ عٍ مَلِمَ رَ.

⁶عٍ تٌ بَرَ سُرِ عِفِرِ هَن ثَقٌسِ، عٍ نَشَ دُورٍ ندٍ لِ نَا، يُوِقِ نَشَن نُ عَ يّتّ قِندِشِ نَمِحْنمّ وُلٍ قَلّ رَ، نَشَن نُ شِلِ بَرِ يٍسُ شَ دِ.

⁷عَ نُ نَ مَنفّ سّرِفُ ثْلُ سّيتِ مَ، نَشَن شَشِلِ نُ قَن. نَ تَن نَشَ بَرَنَبَسِ نُن سْلُ شِلِ، بَرِ مَ عَ نُ وَ مَ عَلَ شَ مَسٍنيِ رَ مّقٍ.

⁸كْنْ نَ دُورٍ عٍ نَشَن مَ عٍلِمَسِ، عَ شِلِ وَ مَ عَ مَسٍنقٍ عَ دُورٍ نَن عَ رَ، عَ نَشَ عٍ مَتَندِ. عَ نُ كَتَقٍ نّ عَلَكٌ عَ شَ مَنفّ شَ بَ دَنشَنِيَ كِرَ شْن مَ.

⁹عَوَ سْلُ، نَشَن مَن شِلِ ثْلُ، عَلَ شَشِلِ سّنِيّنشِ تٌ فٌرٌ عَ مَ، عَ نَشَ عَ يَ بَنبَن عَ رَ،

¹⁰عَ نَشَ عَ قَلَ عَ بّ، «كَلَبَنتٍ نُن يَنقَنتٍ نَن عِ رَ. عِبُلِسَ شَ دِ، تِنشِنتَرٍ، عِ مُ بَمَ مَرِفِ شَ كِرَ تِنشِنشِ دَلِنقٍ؟

¹¹عَوَ يَكْسِ، مَرِفِ بَرَ عَ بّلّشّ سَ عِ مَ. عِ قَمَ نّ دْنشُدٍ. وَشَتِ ندٍ بُن مَ، عِ مُ سٌفٍ تٌمَ.» دِ مِ نَشَ دُ سُ عَ شُن نَ كٍرٍن نَ. عَ نَشَ سٌ مِلِمَلَقٍ نَ مَ، عَ نُ مِشِيٍ قٍن نَشٍيٍ عَ يِ رَ سُشُمَ.

¹²عَوَ، مَنفّ سّرِفُ ثْلُ تٌ نَ تٌ، عَ نَشَ دَنشَنِيَ مَرِفِ شَ سّرِيّ مَ.

¹³ثْلُ نُن عَ بٌورٍيٍ تٌ بَكِ كُنكُي كُي ثَقٌسِ، عٍ نَشَ سِفَ ثّرِفَ نَشَن نَ ثَنقِلِيَ بْشِ مَ. يَيَ نَشَ عَ بَ عٍ مَ، عَ نَشَ فبِلٍن دَرِ سَلَمُ.

¹⁴مّننِ عٍ نَشَ تِ كِرَ شْن. عٍ نَشَ سٌ عَنتِيْكِ نَشَن نَ ثِسِدِيَ بْشِ مَ. عٍ تٌ سٌ سَلِدٍ كُي مَلَبُ لْشْي، عٍ نَشَ عٍ مَفٌرٌ.

¹⁵تَوُرٍتَ مُنسَ نُن نَمِحْنمّيٍ شَ كِتَابُي شَرَنيِ تٌ بَ عَ رَ، سَلِدٍ شُنمَتِيٍ نَشَ شّيرَ تِ عٍ مَ، عٍ نُ عَ قَلَ، «وٌن نفَشَكٍرٍنيِيٍ، شَ مَرَ سِ ندٍ نَ وٌ يِ رَ حَمَ بّ، وٌ عَ قَلَ.»

¹⁶ثْلُ تٌ كٍلِ، عَ نَشَ عٍ مَسَبَرِ، عَ قَ عَ قَلَ، «عِسِرَيِلَكَيٍ نُن وٌ تَن نَشٍيٍ فَاشُشِ عَلَ يَ رَ، وٌ وٌ تُلِ مَتِ.

¹⁷عِسِرَيِلَ حَمَ مَرِفِ عَلَ بَرَ وٌن بَبَيٍ سُفَندِ. عَ نَشَ عٍ رَوُيَ مِسِرَ بْشِ مَ. نَ شَنبِ عَ نَشَ عٍ رَ مِنِ نَا عَ سّنبّ رَ.

¹⁸عَ نَشَ عٍ رَبَلٌ حّ تٌنفٌ نَانِ حْندْن فبٍنفبٍرٍنيِ مَ.

¹⁹عَ تٌ سِ سٌلٌقٍرٍ هَلَكِ كَنَان بْشِ مَ، عَ نَشَ نَ بْشِيٍ قِ عِسِرَيِلَكَيٍ مَ.

²⁰حّ كّمّ نَانِ حّ تٌنفٌ سُولِ بُن مَ، عَ نَشَ مَنفّيٍ تِ عٍ شُن مَ هَن عَننَبِ سَمُوٍلِ شَ تّمُي.

²¹عَوَ، عٍ تٌ وَ مَنفّ بٍلٍبٍلٍ شْن مَ، عَلَ نَشَ كِسُ شَ دِ، سْلُ، نَشَن قَتَن بُنيَمِن بْنسْي رَ، عَ نَشَ نَ تِ عٍ شُن مَ. عَ شَ مَنفّيَ نَشَ بُ حّ تٌنفٌ نَانِ.

²²عَ تٌ سْلُ بَ مَنفّيَ رَ، عَ نَشَ دَوُدَ قِندِ مَنفّ رَ عٍ شُن. عَ يِ سٍيدٍيَ مَسٍن نَ نَن مَ، ‹ﭑ بَرَ دَوُدَ تٌ، يِسَيِ شَ دِ، نَشَن كّحَ رَقَن ﭑ مَ. عَ تَن نَن ﭑ سَفٌ بِرِن نَكَمَلِمَ.›»

²³«عَلَ عِسِرَيِلَ رَكِسِمَ رَ مِنِشِ دَوُدَ بْنسْي نَن يَ مَ، نَشَن لَنشِ عِسَ مَ، عَلْ عَ لَايِدِ تٌنفٌشِ كِ نَشّ.

²⁴بٍينُن عِسَ شَ قَ، يَيَ نُ بَرَ مِشِيٍ كَوَندِ عٍ شَ تُوبِ، عٍ شَ عٍ شُنشَ يٍ شْورَ.

²⁵عَ شَ وَلِ رَحْن تّمُي، عَ نَشَ عَ قَلَ، ‹ﭑ مُ قِندِشِ مِشِ شَ رَ، وٌ نَشَن مَحْشُنشِ. نَ كَنيِ قَمَ ﭑ شَنبِ رَ. نَ بِنيّ مُ نَ ﭑ يِ رَ ﭑ شَ عَ شَ سَنكِرِ مَقُلُن.›»

²⁶«ﭑ نفَشَكٍرٍنيِيٍ، عِبُرَهِمَ بْنسْي شَ دِيٍ نُن وٌ تَن نَشٍيٍ فَاشُمَ عَلَ يَ رَ، يِ كِسِ مَسٍنيِ رَ سَنبَشِ وٌن تَن نَن مَ.

²⁷دَرِ سَلَمُكَيٍ نُن عٍ شُنمَتِيٍ مُ تِن عِسَ رَ. عٍ مُ قَهَامُي سْتْ نَمِحْنمّيٍ شَ مَسٍنيِ مَ، نَشَن شَرَنمَ مَلَبُ لْشْي بِرِن. كْنْ عٍ نَشَ نَ مَسٍنيِ يَتِ رَكَمَلِ عِسَ تْوحّفّقٍ رَ.