تَالِيٍ 6:3-22

³ﭑ مَ دِ، عِ شَ قٍ بِرِن نَبَ عِ يّتّ رَ مِنِدٍ عَ كُي، شَ نَ مُ عَ رَ عِ لُمَ نّ عِ بٌورٍ سَفٌي. سِفَ، عِ عِ قٍلٍن عِ بٌورٍ بّ، عِ شَ عَ مَيَندِ.

⁴عِ نَشَ شِ دٍ، نَ رَبَ كٍرٍن نَ.

⁵عِ عِ يّتّ رَتَنفَ يِ قٍ مْولِ مَ، عَلْ شٍلِ عَ يّتّ رَتَنفَمَ كٌيِنمَ بّلّشّ مَ كِ نَشّ، عَلْ شْنِ قَن عَ يّتّ رَتَنفَمَ فَنتَنيِ مَ كِ نَشّ.

⁶تُننَشْنّ، سِفَ دٌندٌلِ يِرٍ. مَرَ سِ قٍن عَ رَ، عَلَكٌ عِ شَ قِندِ شَشِلِمَ رَ.

⁷مَنفّ مُ نَ دٌندٌلِ بّ، كُنتِفِ نُن يَرٍرَتِ قَن مُ عَ بّ،

⁸كْنْ عَ وَلِمَ سٌفٌقُرٍ تّمُي، عَلَكٌ عَ شَ بَلٌي سْتْ عَ نَشَن دٌنمَ حّمّ رَ.

⁹عِ تَن تُننَشْنّ، عِ عِ سَمَ هَن مُن تّمُي؟ عِ كٍلِمَ شِشْلِ مَ تّمُي مُندُن؟

¹⁰شِشْلِ نَ عِ سُشُ، عِ نَ كِنسْن، عِ نَ عِ سَ،

¹¹سٍتَرٍحَ قَن قَمَ نّ عِ سُشُدٍ تّرّننَ رَ، عَلْ مُحّتِ مِشِ تّرّننَمَ كِ نَشّ. كَامّ عِ سُشُمَ نّ، عَلْ سْورِ مِشِ سُشُمَ كِ نَشّ.

¹²قُيَنتٍ مُ تِنشِن، عَ وُلٍ رَحّرّ مَ عَ دّ عِ نّ.

¹³عَ لُمَ عَ يَ مَفِرَ رَ، عَ نُ مِشِ مَكٍبٍنتِن عَ سَنيِيٍ نُن عَ بّلّشّيٍ رَ وُلٍ تْنشُمَ رَ.

¹⁴قٍ حَاشِ نَ عَ شَشِلِ كُي، عَ فٍرٍ مَسٌمَ تّمُي بِرِن.

¹⁵نَ كُي كَسَرّ قَمَ نّ عَ سُشُدٍ، عَ عَ شُن نَكَنَ كٍرٍنيِ رَ.

¹⁶قٍ سٍننِ نَ عَلَتَلَ نَشٍيٍ شْنشِ، عَ مُ تِنمَ نٍيٍ رَ قٍقٍ مَ؛

¹⁷يّتّ عِفبٌي شَ مِشِ مَتٌ كِ، وُلٍ مِنِمَ دّ نَشَن كُي، بّلّشّ نَشَن نِي بَمَ قُقَقُ رَ،

¹⁸بْحّ نَشَن قٍ تِنشِنتَرٍ مَحْشُنمَ، سَنيِ نَشٍيٍ عٍ فِمَ سِفَقٍ رَ قٍ كٌبِ رَبَدٍ،

¹⁹سٍيدٍ نَشَن وُلٍ قَلَمَ، عَ نُن مِشِ نَشَن نفَشَكٍرٍنمَيٍ تَفِ عِسٌمَ.

²⁰ﭑ مَ دِ، عِ بَبَ شَ سّرِيّ رَفَتَ، عِ نَشَ تٌندِ عِ نفَ شَ مَرَ سِ رَ.

²¹عٍ شَ لُ عِ بْحّ كُي تّمُي بِرِن، عٍ شِرِ عِ كْن مَ.

²²عٍ عِ رَحّرّ مَ نّ عِ شَ دُنِحّءِفِرِ كُي، عٍ عِ مَكَنتَ عِ شَ سَدٍ مَ، عٍ عِ رَ سِ عِ كٍلِ تّمُي.