تَالِيٍ 6:23-29

²³نَ سّرِيّ قِندِشِ لَنثُي نَن نَ، نَ شَرَنيِ كِرَ مَسٍنمَ نّ عِ بّ، نَ مَرَ سِ عِ شُن تِمَ سِمَيَ كِرَ نَن شْن مَ.

²⁴عٍ عِ رَتَنفَمَ فِنّ كٌبِ مَ، نُن شْحّ فِنّ دّ عِحْشُنشِ مَ.

²⁵عِ نَشَ وَ نَ فِنّ شْن مَ عَ شَ تٌقَنيِ مَ، عِ نَشَ تِن عَ شَ نْ عِ رَ عَ يَيٍ رَ.

²⁶لَنفٌي فِنّ نَشَن مُ نَ شّمّ تَا، عَ مِشِ قِندِ مَ سٍتَرٍ نَن نَ، كْنْ فِنّ يّنّلَ نَشَن دْشْشِ شّمّ ندٍ شْن، عَ مِشِ قَشَمَ نّ.

²⁷مِشِ ندٍ نْمَ تّ تٌنفٌدٍ، عَ عَ سَ عَ يُبَ كُي، عَ قَ لُ عَ شَ دٌنمَ مُ فَن؟

²⁸مِشِ ندٍ نْمَ عَ حّرّدٍ تّ وٌلٍ تَفِ، عَ قَ لُ عَ سَنيِ مُ فَن؟

²⁹نَ مَنِيَمَ نّ عَلْ شّمّ نَشَن يَبُمَ فِنّ شّمّ تَا عِدْشْي رَ. شّمّ يٌ دِن نَ فِنّ رَ، عَ قَمَ حَشَنكَتّ نَن سْتْدٍ.