23 Na sɛriyɛ findixi lanpui nan na, na xaranyi kira masenma nɛ i bɛ, na marasi i xun tima simaya kira nan xɔn ma.
24 E i ratangama ginɛ kobi ma, nun xɔɲɛ ginɛ dɛ iɲɔxunxi ma.
25 I naxa wa na ginɛ xɔn ma a xa tofanyi ma, i naxa tin a xa nɔ i ra a yae ra.
26 Langoe ginɛ naxan mu na xɛmɛ taa, a mixi findima setare nan na, kɔnɔ ginɛ yɛnɛla naxan dɔxɔxi xɛmɛ nde xɔn, a mixi faxama nɛ.
27 Mixi nde nɔma tɛ tongode, a a sa a yuba kui, a fa lu a xa donma mu gan?
28 Mixi nde nɔma a ɲɛrɛde tɛ wole tagi, a fa lu a sanyi mu gan?
29 Na maniyama nɛ alɔ xɛmɛ naxan yabuma ginɛ xɛmɛ taa idɔxɔɛ ra. Xɛmɛ yo din na ginɛ ra, a fama ɲaxankatɛ nan sɔtɔde.
