تَالِيٍ 4:6-27

⁶عِ نَشَ عٍ رَبّحِن، عٍ عِ مَكَنتَمَ نّ. ﭑ مَ سّرِيّ شَ رَقَن عِ مَ، عَ عِ رَتَنفَمَ نّ.»

⁷لْننِ قْلّ نَن يِ كِ؛ عِ شَ لْننِ قٍن، عِ شَ قٍ بِرِن نَبَ عَلَكٌ عِ شَ شَشِلِ سْتْ.

⁸شَ عِ شَشِلِمَيَ بِنيَ، عَ عِ عِتٍمَ نّ. شَ عِ عَ سُشُ، عَ عِ شُننَكٍلِمَ نّ.

⁹عَ قِندِ مَ شُنمَسٍ تٌقَنيِ نَن نَ عِ شُنيِ مَ، عَ قِندِ دِيَمَن شَ يَنبّ رَ عِ بّ.

¹⁰ﭑ مَ دِ، شَ عِ عِ تُلِ مَتِ ﭑ مَ مَسٍنيِ رَ، عِ شَ سِمَيَ شْن كُيَمَ نّ.

¹¹ﭑ بَرَ شَشِلِمَيَ كِرَ مَسٍن عِ بّ، ﭑ بَرَ عِ تِ كِرَ تِنشِنشِ شْن مَ.

¹²شَ عِ عِ حّرّ مَ نَ كِرَ نَن مَ، عِ مُ تْورْ مَ. شَ عِ عِ فِمَ نَ كِرَ نَن شْن مَ، عِ مُ دِنكٌنمَ.

¹³لْننِ سُشُ، عِ نَشَ عَ رَبٌلٌ، عِ نَشَ عَ رَبّحِن، بَرِ مَ عَ قِندِ مَ سِمَيَ نَن نَ عِ بّ.

¹⁴عِ نَشَ بِرَ مِشِ حَاشِ قْشْ رَ، عِ نَشَ مِشِ كٌبِ شَ كِرَ سُشُ.

¹⁵عِ نَشَ حّرّ نَ شْن، عِ نَشَ عِ مَكْرّ نَ رَ. عِ كٌبٍ سٌ نَ رَ، عِ دَنفِ.

¹⁶مِشِ حَاشِيٍ مُ نْمَ شِدٍ عٍ مُ قٍ حَاشِ رَبَ. شِ شْلِ مُ نْمَ عٍ سُشُدٍ عٍ مُ مِشِ رَتَنتَن.

¹⁷قٍ حَاشِ قِندِشِ عٍ شَ دٌنسٍ نُن مِنسٍ نَن نَ.

¹⁸تِنشِنتْي شَ كِرَ نْرْ مَ نّ، عَ يَنبّ نَءِيَلَنيِ رَ مِنِمَ نّ عَلْ سٌفٍ.

¹⁹كْنْ مِشِ حَاشِيٍ شَ كِرَ لُشِ نّ عَلْ دِ مِ، عٍ مُ قٍ كٌلٌن نَشَن قَمَ عٍ رَبِرَدٍ.

²⁰ﭑ مَ دِ، عِ عِ حّنفِ سَ ﭑ مَ مَسٍنيِ شْن مَ، عِ عِ تُلِ مَتِ ﭑ مَ مَرَ سِ رَ.

²¹عٍ مَتٌ تّمُي بِرِن، عِ عٍ رَفَتَ عِ سٌندٌنيِ كُي،

²²بَرِ مَ عٍ قِندِ مَ سِمَيَ نَن نَ مِشِيٍ بّ، نَشٍيٍ عٍ قَهَامُمَ. عٍ قِندِ مَ يَلَنيِ نَن نَ عٍ قَتٍ بّ.

²³عِ بْحّ كَنتَ دَنفِقٍ سٍ بِرِن نَ، بَرِ مَ سِمَيَ كٍلِمَ عَ تَن نَن مَ.

²⁴وُلٍ نَشَ مِنِ عِ دّ عِ، عِ نَشَ مِشِ مَدَشُ عِ شَ وْيّنيِ رَ.

²⁵عِ نّ وْيّنمَ مِشِ بّ، عِ عِ يَ تِ عَ رَ، عِ نَشَ عِ يَ رَ سِفَ يِرٍ فبّتّ.

²⁶عِ حّنفِ سَ عِ حّرّ كِ شْن مَ، عِ لُ كِرَ قَنيِ شْن مَ.

²⁷عِ نَشَ بِنيَ يِرٍقَنيِ مَ، عِ نَشَ بِنيَ كْولَ مَ. عِ نَشَ عِ سَنيِ تِ كِرَ حَاشِ شْن مَ.